استفسار ضرورى جدا

**zego** · 18-11-2011 11:02 AM

السلام عليكم
أخر معاد للمشكلة دى بكره
انا معاى بيرسونا 2011 وهى عاملة دلوقتى 11200 ولكن لاقيت الفرامل بتاعة الرجل مش بتمسك على طول وفرامل اليد مش بتمسك فسألت عفشجى قالى الفرامل بتاعة اليد عايزة يتاخد الرجلشة بتاعتها يعنى هي ياما الواحد بيجي يرفع اليد بتعمل 10 تكات قال المفروض 6 او 7 وطبعا الفرامل ضعيفة وبتصفر فطلعت امبارح على الغد فى المنصورة فرفعوا العربية وقاللى التيل اللى ادام ماعدش فيه حاجة خالص وعايز يتغير ووراه ليا وقام ورانى بقي الطنبورة بتاعة اللى الفرديتين اللى ادام السطح بتاعهم مش مستوى فقاللى دى عايزة يتعملها مسح خفيف خالص ويبقي للأربع طنابير فالملخص ايه بقي ان مسح الطنابير وهيتعملوا عند مخرطة توصل التكلفة بتاعة المسح الخفيف خالص بتاع الطنابير كام 170 ج ده عشان خاطرى كمان (( سبحان الله )) والتيل الللى ادام ب 250 ج فقولت له بس انا باسمع ان فى انواع تانية قاللى البوش الالمانى ب 800 وفى كورى ب 180 فأنتوا رأيكم ايه اعمل ايه مع ان العربية يادوب 11 الف يعنى لسه طبعا قاللى دي استهلاك مش ضمان والعربية حتى لو انا بافرك فيها وكدا هل يحصل ده كله وايه رأيكم فى الأسعار ودلونى لو سمحتم اعمل ايه
وصحيح قولت له لو انا هاعمل الطنابير برا عند مخرطة معرفة قاللى هنكتب ليك فى الجوب ( اتعمل تبع طرف العميل ) هــــــل دى تطلعنى برا الضمان ولو جيبت التيل من برا هطلع برده
وتنصونى بونع ايه للتيل لان التيل يا دوب يمشينى 2 يومين بالكتير

**ahmedsrs** · 18-11-2011 11:19 AM

سبحان الله تيل ايه الى يتغير على 11000 الف كيلو ده يادوبك يطبع ياما العربية اوتو او حضرتك بتفرمل كتير او عيب صناعة فى التيل وغالبا عيب صناعة المفروض التيل يقعد لغاية 40000 الف او 30000 عشان يتغير

**ahmad alshaaer** · 18-11-2011 02:01 PM

تمسك بحقك وانهم كلهم ماعدا التيل يتغيروا الضمان

لان الطنابير داخل الضمان ومالهاش سوء استخدام

ولو مش كده اعمل شكوى في حماية المستهلك

تحياتي

**zego** · 18-11-2011 07:41 PM

ما هو المشكلة ان التيل كدا كدا هيتغير على حسابى مش بالضمان لكن الطنابير انا ممكن اعملها على حسابى عند واحد معرفة ب 50 جنيه فقط مش 170 البهوات فأنا عايز أعرف ده من أيه والعربية اوتوماتيك طب التيل اجيبه نوعه ايه وهل ينفع اجيبه من برا

**zego** · 19-11-2011 10:22 AM

ايه يا جماعة هو الموضوع صعب للدرجة دي والا ايه

**toreador** · 19-11-2011 12:22 PM

انا شايف ان التوكيل مش هايرضى يغيرلك التيل مهما عملت ....ممكن يعمللك حاجة فى موضوع الطنابير دى بس احتمال ضعيف ...لانة كان عندى نفس الحوار دة وانا عند ال 60 الف تقريبا ومعملوش حاجة وقالولى حتى مش هاتتخرط وانى لازم اغير الطنابير كلها والطنبورة الواحدة كانت تقريبا ب 700 جنية ..المهم واحد خرطهملى ب 70 جنية واشتريت تيل فرامل fbkوبقالة معايا دلوقتى حوالى 30 الف تمام واعدا الصفارة طبعا اللى موجودة من اول يوم ركبتة...

**toreador** · 19-11-2011 12:23 PM

وعلى فكرة تيل الفرامل كان ب 130 جنية

**ahmed_h_g** · 19-11-2011 01:32 PM

خراطة الطنبوره الواحده 25ج فى أى ورشة خراطه

**zego** · 22-11-2011 01:58 PM

الحمد لله واحد كان شغال بقاله اكتر من 11 سنة فى توكيلات معتمدة احسن من عز العرب وشافه قاللى حرام حرام حرام عليك لو شيلته التيل يمشيك 10000 كيلو كمان والطنابير بسم الله ما شاء الله واتنين زمايله كانوا جايين له بالصدفة فسالتهم وقولت له لو سمحتوا بصوا على التيل والطنابير من غير ما أشرح لهم المشكلة قالوا نفس الكلام