الموضوع: صور مقابلة بيمرز الهرم

والله يا جماعة لو نظبط موضوع المرغني ده هنبسط جدا

الخميس اللى فات كان فيه حبة عربيات يانهر ابيض ووووووووووووووووهم

كورفت - مرسيدس C 280 AMG - لانسر ايفو - M3 - طبعا الشروكو والكوبر اس بالهبل

بالاضافة للبرافو والبي امات القديمة خاصة الدبانة ماتعدش

اللى تلاقيه مركب شكمان Split fire واللى تلاقيه راسم عربيته كلها بالاستيكرز واصوات مواتير تهد جبال

عايز اقولك ان وارد تلاقي سيات بتطلع منك وماتفهمش ازاي

ناس بيعملو حجات غريبة مش ممكن صوت التربو اللى في الايفو كان دمار الشكمان كان بيرج المكان كله ! !

وواحد معاه سيراتو كوبيه مركبلها شكمان Split fire كان بيعدي تحس ان فيه قنبلة اتفرقعت في المكان !

وواحد معاه بي ام ماتفهمش مسقطلها ايه من قوة الماتور العربية بتلف حولين نفسها زي النحلة !

الكورفت كان عمال يتمشى في الشارع رايح جاي زي الباشا لا بيحرق ولا اي حاجة مستني بس حد يفكر ويطلعله ! بس محدش تجرأ ! !

طبعا كل واحد بيعمل نمرة بعربيته مع نفسه واحنا بنتفرج ولو حد فينا حب يعمل نمرة يطلع

وممكن تلاقي حد سخن معاك

انا كنت بلف بالعربية وحارق لاني برضوا عامل شوية شغل استيكرز في العربية وStripes وكلام من ده

لقيت اكسنت سخن معايا طلعت معاه وعلمت عليه تعليمة وحشة اوي اوي اوي ! ! ودي اكتر حاجة خلتني اتكيفت بصراحة xD

ياريت نعمل موضوع ونروح كلنا واكيد هنبسط ان شاء الله

المشاركة الأصلية كتبت بواسطة elfashn

اصلى يا نوفو. بجد كانت مقابله ممتعه جدا وانا عن نفسى كنت مبسوط اوى بالمقابله وبالناس الى كانو موجودين والفرجه على الاختلافات والاوبشنز الى نازل فى عربيات وعربيات لآ ويارب الاسبوع الى جاى نبقى عدد اكتر وياريت الاعضاء الموجودين فى المنتدى والى سهل عليهم مشوار الهرم ينورونا. احنا بنتقابل كل خميس عند اون ذا رن الى فى اخر الهرم جنب مينا هاوس وبنتقابل الساعه 11 مساءأ.

والله يا بو حميد الواحد هو اللى اتشرف بمعرفة الجروب كله ( تحية للأعضاء الصعايدة)

بس يا عم حرام عليك, خليتنا قلبنا شارع الهرم سيرك غير العربيات اللى بتحاول تجري معانا.

كان يوم جميل الحمد لله