عرض للطباعة
السلام عليكم و رحمة الله و بركاته
أنا أخدت أول حصه في الورس و عندي شوية إستفسارات
لما أدور العربية بالمفتاح و أنزل الهاند برييك و بعد كده بدوس على بدال الدبرياج بعد كده أنقل على الأول و أثبت رجلي على بدال البنزين بعد كده
هل بشيل رجلي على طول من الدبرياج و لا بالتدريج ؟
بعد كده عشان أنقل على التاني
إمتى بأنقل على التاني
و هل لما أجي أنقل على التاني أشيل رجلي من بدال البنزين ؟ و أحط رجلي الشمال على الدبرياج ولا بسيب رجلي على بدال البنزين ؟
شكراً جزيلاً
بالتدريج مع مراعاه ان العربية متبطلش يعنى مع كل سنة دبرياش تشيلها تزود قصادها سنة بنزين... بعد كذا مرة حتلاقى الموضوع بقى بيتعمل بدون ما تفكراقتباس:
المشاركة الأصلية كتبت بواسطة ayman2009
لما توصل الى 2000 RPM مثلا او 10 الى 15 كيلو فى الساعة.. بتختلف حسب طريقة سواقتك طبعا بس ف ىالعموم الاولانى بتستخدمة لما تيجى تحرك العربية من الثبات... طالما اتحركت و مشيت ممكن تنقل التانىاقتباس:
بعد كده عشان أنقل على التاني
إمتى بأنقل على التاني
شيل رجلك... لو خليت رجلك صوت الموتور حيعلى و انت بتنقل و لما تسيب دبرياج العربية حتنط لقداماقتباس:
و هل لما أجي أنقل على التاني أشيل رجلي من بدال البنزين ؟ و أحط رجلي الشمال على الدبرياج ولا بسيب رجلي على بدال البنزين ؟
شكراً جزيلاً
MMamdouh
اقتباس:
المشاركة الأصلية كتبت بواسطة ayman2009
حضرتك هتشيل رجلك من بدال الدبرياج سنه سنه فى نفس الوقت بتكون رجلك على بدال البنزين تعمل توازن تشيل رجلك من الدبرياج سنه سنه وتدوس بنزين سنه سنه لو شلت رجلك مره واحد ه العربيه هتقطع منك وتطفى
بتنقل على الثانى بسهوله بعد ما تمشى العربيه بتريح غيار لان الاول بس للطلعه ولو وقفت فى اشاراه بتجيب الاول وتمشى
وذيها الثالث والرابع لما تحس صوت الموتور بتدى غيار
لما تحب تنقل بتشيل رجلك من على البنزين وتدوس دبرياج وتغير للثانى وتشيل رجلك من الدبرياج وترجع للبنزين
شكراً ليكوا بجد أفادتوني
معلش فيه سؤال كمان
لما باجي أنقل على التاني برجع الأول الدراع لوضع المور ؟ ولا بنقل على طول على التاني؟
خد بالك بقى من نقطه مهمه
لما تيجى ترفع رجلك من على الدبرياج ترفعها خالص طبعا واحده واحد بس توصل انك ترفعها خالص
كمان عند النقل تدوس دبرياج للاخر
دى حاجات ممكن تبوظ لك اسطوانه الدبرياج
لان فى ناس كتير مبتاخدش بالها من الموضوع ده وخصوصا البنات
من الاول للتانى على طولاقتباس:
المشاركة الأصلية كتبت بواسطة ayman2009
الحالة اللى انت بتشرحها دى بتبقى فى بعض السيارات اللى فيها المرشدير تحت الخامس و فى الحالة دى لازم تبقى فى وضع المور قبل ما تنقل المارشدير... لو حاولت تجيب المرشدير من الخامس على طول مش حيجى ابدا... لازم تمور الاول (للاسف مش فاكر انا لقيت القصة دى فى اى عربية... هى كانت يابانى)
فيه عربيات تانية بيبقى المرشدير سوستة و عربيات تانية المرشدير بسقاطة... الهدف من كل القصص دى انها تمنعك من تعشيفق المرشدير بطريق الخطاء و انت ماشى
MMamdouh
1+اقتباس:
المشاركة الأصلية كتبت بواسطة M_HaFeZ
دى اول علامات السواق الغشيم... تلاقية سايق و محمل رجلة الشمال على الدبرياج
MMamdouh
شكراً ليك على النصيحة بس لما أنقل على التاني برجع دراع نقل السرعه للمور الأول و بعدين أنقل على التاني؟اقتباس:
المشاركة الأصلية كتبت بواسطة M_HaFeZ
ولا من الأول للتاني على طول
هو أنا بتدرب على 128 لكن عربيتي لانسر 97اقتباس:
المشاركة الأصلية كتبت بواسطة MMamdouh
ياريت بردوا لو حد يعرف إمتحان السواقه ياريت يقوللي بيبقى الأسئلة في إيه بالظبط؟
يعني بيقولك سوق و بعد كده أسئلة في علامات المرور؟ وبيبقى فيه أسئلة ميكانيكا؟ ولا إيه؟
ريح دماغك واشتري عربيه اتوماتيك وابقي شوف لك صرفه في تطليع الرخصه ؛ وابعد عن المانيوال ووجع قلبه
أنا العربيه اللي حسوقها لانسر 97اقتباس:
المشاركة الأصلية كتبت بواسطة chihab18
ديه اللي موجوده حالياً
فيه سؤال تاني
لما بكون على الأول
وبعد كده شيلت رجلي من على البنزين خالص و دوست دبرياج وجيبت التاني
بعد ما عملت كل ده
لقيت العربيه وقفت مني الموتور وقف يعني!!!
حد عنده فكره ؟؟ليه
وهل الخطوات ديه صح ؟
يا سيد أيمن الموضوع بسيط جدا , لازم الأول تفهم يعنى أيه دبرياج و لزمته ايه .
الدبرياج ما هو إلا الوصله بين الموتور و العجل يعنى مش معقوله الموتور يكون بيلف بسرعه و العجل واقف و العكس صحيح
يبقى بالعقل كده لما تكون لسه بتتحرك تكون محتاج تنقل حركه الموتور للعجل بالراحه علشان العجل واقف و الموتور بيتحرك يبقى لازم نوصل بينهم بالراحه لحد العجل ما ياخد سرعه الموتور و ده بيكون بإننا نسيب الدبرىاج بالراحه علشان و احنا دايسين دبرياج بنكون فاصلين الموتور عن العجل تماما و كمان فى نفس الوقت ندى الموتور شويه عزم و ده معناه نديله بنزين .
أما موضوع انها بطلت وانت بتنقل من الأول للتانى فا أكيد انت ما اديتش الموتور بنزين كفايه فا ما إدرش يزق العربيه بس كده
السلام عليكم استاذ ايمن .. اولا مبروك على العربية وثق تماماانك فى خلال فترة بسيطة جدا هتسوقها زى ما انت بتشوف اى عربية فى الشارع .. وعلى فكرة كل الأسئلة اللى انت بتقولها مرت على تفكير كل واحد فى بداية التعليم ..اقتباس:
المشاركة الأصلية كتبت بواسطة ayman2009
نخش فى المفيد ... اولا ان شاء الله عربيتك احسن كتير من 128 فلو قدرت اتدرب عليها افضل .. ودى اسها فى التالى اولا لما تحب تحرك العربية من الثبات بعد ما تدوس الدبرياج وتنقل الأول وانت واقف من غير ما تدوس بنزين لو رفعت رجلك من الدبرياج بالتدريج هتحس انها بتتحرك معاك وسا عتها دوس سنة بنزين .... ولما تحب تنقل من الاول للتانى عندك حق ممكن تقف وده لانك بتشيل رجلك من الدبرياج بسرعة ومش بتدوس بنزين كافى فلاحظ وانت بترفع رجلم من الدبرياج اطغط بنزين بالتدريج وان شاء هتتحرك افضل ... وزيه فى التالت والرابع ... اسف للاطالة وبالتوفيق
thats a bad ideaاقتباس:
المشاركة الأصلية كتبت بواسطة chihab18
حتى لو حتركب اوتوماتك لازم تعرف ازاى تسوق مانوال
و لو عربيتك حديثة لازم تتعلم على عربية قديمة و تعبانة
كل الحاجات دى بتنمى احساسك بالعربية و ترفع مستوى مهارتك كسواق... اى حد يعرف يسوق عربية لانسر موديل 2008 اوتوماتك... لكن مش اى حد يعرف يسوق 128 موديل 79... لازم يبقى عندك احساس العربية عشان تعرف تتعامل مع كل اجهزة التحكم اللى غالبا بتبقى ب 20% من كفائتها و انت عليك ال80% الباقيين
MMamdouh
صح كلام ممدوح باشا
متستسلهش وتقول اتوماتيك
انت مش عارف امتى هتحتاج تركب مانيوال
كل ماقول لواحد من اصدقائى على كده
يقولى انا مش هاحتاج غير عربينى ومش هسوق غير الاوتوماتيك
اقوله كلمه واحد
افرض وقعت قصادك مينى كوبر ... هتعمل ايه بقى:devil::crazy::sifone:
شكراً ليكوا بجد على إهتمامكوا بموضوعي
معلش فيه سؤال كمان
لما بكون على الأول
وبعد كده أشيل رجلي من على البنزين
و أدوس دبرياج على الأخر
و أنقل على التاني
أعمل إيه بعد كده؟
هل المفروض أشيل رجلي من على الدبرياج سنه سنه و لحد ما أشيلها خالص بعد ما أشيلها أدوس بنزين؟
ولا المفروض أدوس بنزين سنه لتحت و أرفع رجلي من على الدبرياج بالتدريج؟
الكلام ده لما بنقل على التاني!!!!
لما بتنقل على الثانى بتشل رجلك خالص من على الدبرياج مش سنه سنه متخفش العربيه مش هتطفى لان رجلك على البنزين انت بس بتدوس دبرياج تنقل وتشيل رجلك بعدها
مثال توضيحى
http://www.youtube.com/watch?v=w4N-JikvaPg
MMamdouh
بالتوفيق ليك وانا هاتعلم علي شاهين الشهر الي جاي ده معادي
في المرور الي في الدقي ..
بس عندي سؤال بالمرة خصوصا للاستاذ ممدوح
انا شوفت العربية الي هاتدرب عليها بدون مرايات ولا يمين ولا شمال .. ده ممكن ياثر عليا بعد كدا لما اركب عربيتي ؟!
هى تفرق لو انت حتمشى وسط العربيات فى الشارع... او لو فيه مناورات و انت راجع بضهرك او بتركن.. الموضوع حيبقى صعب شوية بدون مرايه
بس بص للموضوع من الناحية التانية.. لو اتدربت على عربية بدون مرايات و بعدين ركبت عربية بمرايات حتلاقى الحياه بقت منجة (مانجو)
MMamdouh
اختلف معاك يا استاذ ممدوح .. لأنه هيتعود ان مفيش مراية يبص فيها و هو بينقل من حارة لحارة او و هو بيركن او في اي حاجة ! يعني انا بالنسبة لي المرايات دي 80% من السواقة !اقتباس:
المشاركة الأصلية كتبت بواسطة MMamdouh
و هتكون النتيجة خبطات صغيرة و حكات اما يبتدي يسوق عربيته و يركنها بنفسه .. او لا قدر الله حادث بسبب انه يكسر من غير ما يبص في المرايا بحكم التعود و يكون فيه حد ماشي بسرعة في الاتجاه اللي كسر فيه
انا رأيي يتعلم بمرايات و يشترط كدة عاللي هيعلمه .. و في الأول علي فكرة مش هتعرف تتعامل معاها و تحس ان الحاجات اللي لازم تعملها و انت سايق كتير اوي ! (تركز في الغيارات و في الطريق و في المرايات و في العدادات و صوت العربية) بس مع الوقت هتلاقي كل الحاجات دي بتتعمل بدون تفكير مطلقاَ
نصيحة اووووعي تتعلم من غير مرايات .. و الا هتبقي مجرد سائق أخر غير جيد في شوارع المحروسة تتسبب في الضرر ليك و لغيرك .. مرة واحد كان هيقلبني من غير الدائري بكسرة غشيمة و بعد ما ربنا ستر لقيت البيه قافل المرايات !
شكرا يا جماعة ..
وانا هحاول اغير العربية لاني بتعلم في مرور الدقي واتحدد لي العربية وكل حاجة لما روحت شوفتها لقيتها بدون مرايات ..
بص... هى تعتمد على اللى بيعلمة... يعنى لو بيعلمة يبص قبل ما يلف او ينقل من حارة لحارة يبقى حيلف برقبتة و يبص جنبة و يشوف الطريق و بالتالى لما يبقى معاه مراية حتبقى اسهلاقتباس:
المشاركة الأصلية كتبت بواسطة dehumanizer
اما لو اللى بيعلمة من بتوع "صدرها للى يقدرها" يبقى الراجل متعلمش حاجة اصلا
MMamdouh
شكرا يا استاذي وانا هاتعلم في مدرسة في الدقي واكيد هاظبط الراجل حاجة خصوصا هما بيعملوا علي كذا واحد في اليوم لو تعرف نظام المدرسة في مرور الدقي
بالنسبة للأستاذ pato11
هو فيه في المرور مدارس تعليم سواقه ؟
يا ريت لو تعرف مرور مدينة نصر بيعلموا السواقه فين قوللي
عشان أنا روحت مركز تعليم سواقه و مش عاجبني الوضع و خدت 3 حصص و فاضل
2 بس ده العملي !!! 5 حصص بس !!! و حاسس إني حمار في السواقه !!!!
يا ريت لو تعرفوا أماكن كويسة في تعليم السواقه قولولي بليز في مدينة نصر أو مصر الجديدة
شكراً جزيلاً
بص ياباشااقتباس:
المشاركة الأصلية كتبت بواسطة pato11
انا كمان اتعلمت السواقه في مدرسة مرور بين السرايات (الدقي)
وطبعا اتعلمت علي شاهين وكانت برضك من غير مرايات ولا يحزنون
النتيجه طبعا انهم مش بيعلموك اساسيات السواقه هما بيعلموك
ازاي تعدي من امتحان الرخصه وخلاص وده معظم تركيزهم
النتيجه النهائيه اني نحجت في الامتحان وطلعت الرخصه
لكن رحت بعد كده اتعلمت علي ايد واحد تاني علشان اتعلم الاشارات
وازاي امسك المرايات وكل ده مره تانيه
فيعني اي كان تعليمك في المدرسة هتحتاج تتعلم علي ايد حد تاني
ايوا في الدقي مدرسة ..اقتباس:
المشاركة الأصلية كتبت بواسطة ayman2009
بالنسبة للمناطق التانية ماعرفش والله بس ممكن تسال ,,في المنتدي في موضوع مستقل ..
وعندنا بدانا بالنظري ثم العملي .. وفاضلي لي العملي وهايكون 6 ايام ..
انا سمعت كدا فعلا انهم مش هايعلموني الا ازاي تخرج من امتحان السواقةاقتباس:
المشاركة الأصلية كتبت بواسطة furp
بس تفتكر اروح مدرسة محترمة زي اوسكار علشان اتعلم احسن ؟! بعد ما اخلص دي ؟!
يا ريت يا مان لو تعرف مركز أو مدرسة سواقه كويسه إنشا الله حتر تكون بعيدة عنياقتباس:
المشاركة الأصلية كتبت بواسطة pato11
بس المهم أتعلم السواقه لأني محتاجها دلوقتي ولو عندك عنوانها أو نمرة تليفونها يا ريت تكتبهولي
شكراً جزيلاً
اقتباس:
المشاركة الأصلية كتبت بواسطة pato11
انا من رأي تروح طبعا بس برضك روح اتعلم
مبدئيا في بين السرايات وطلع الرخصه
وبعد كده روح اتعلم عند اوسكار
بس ياريتك تقولي هيا بكام عند اوسكار علشان برضك انا بفكر اروح علشان ازود شويه
يعني انا موسوس شويه في الموضوع ده
وربنا يوفقك
اختلف مع سعادتك ؛ الاتوماتيك دواستين بنزين وفرامل يعني رجل تمشي ورجل تقف ؛ زي عربيات الملاهي والبلاي ستيشن ؛ هو مش هدف العربيه انها تمشي ؛ وانا اول ما بدأت بدأت اوتماتيك علي طول ؛ اريح واحسن والواحد يبقي مركز في الطريق ؛ وبعدين طالما عندي عربيه حديثه اوتماتيك اتعب نفسي ليه في مانيوال ؛ زي اللي عنده تلفزيون يدوي وتليفزيون ريموت ايهم احسن ؛ وبعدين الاتوماتيك يحرك العربيه لوحدها ومشاكله نادرة طول ماالزيت مضبوط ؛ وبعدين الاتماتيك ماهي بتجيب سرعه برضه قويه وكل حاجه ؛ واوربا نفسها عندها الاوتماتيك من سنه 1972 واحنا المتأخرين اوي عنهااقتباس:
المشاركة الأصلية كتبت بواسطة MMamdouh
اختلف معاك بشدةاقتباس:
المشاركة الأصلية كتبت بواسطة chihab18
يمكن انت هدفك انك تروح من النقطة أ الى النقطة ب و شكرا بغض النظر عن احساسك بالرحلة بين النقطتين دول... فيه ناس تانية تفرق معاهم و دول اللى بيفضلوا المانيوال... محدش فى الناس دى بيحب العربية تسوق نفسها
مثال التلفزيون اللى قلتة غير دقيق بالمرة... لان فى الاوتوماتك انت مش بتتحكم فى حاجة.... اكنك فى ايدك الريموت لكن التلفزيون بيحول المحطات بمزاجة :confused4:
و بعدين الاوتوماك كويس طول ما هو سليم.. لو باظ... كل سنة و انت طيب... و الاوتوماك سحبة ضعيف جدا مقارنة بالمانوال و بيستهلك بنزين و استجابتة بطيئة و تكاليف صيانتة عالية لانة اكثر تعقيدا
MMamdouh
كمان راعى انك لو قابلت تليفزيون بدون ريموت حتعرف تحول القنوات برضة لكن لو نزلت من اوتوماتك و ركبت مانوال ولا حتعرف تعمل اى حاجة الا لما تتعلم المانوال
MMamdouh
انا اتفق معاك بس الصراحة فى شوية مبالغةاقتباس:
المشاركة الأصلية كتبت بواسطة MMamdouh
يعنى انا شايف ان المانوال انك بتضغط على زر علشان تغير المحطة
اما الاوتو بيغيرهالك لما تكون محتاج تغيرهاا
.................................................. ........
انا الصراحة اتععلمت على مانوال ودلوقتى معايا اوتو
وهو اكيد الطريقة دى احسن:3gears:
ما هى "بيغيرها لما تحتاج تغيرها" دى اللى عليها خلاف
الاوتوماك بيحاول يوفر بنزين فا بينقل بدرى عن ما انت عايز و مش كل العربيات الkick down بتاعها استجابتة سريعة دا غير ان النسب بتاعت الفتيس اصلا طويلة و تسارع العربية بيبقى وحش
بص على كتالوج اى عربية حتلاقى تسارعها فى المانوال احسن من الاوتوماتك.. انا معاك ان الاوتوماتك اريح بس دة فى الزحام فقط... وقت الجد حيبقى عقبة مش ميزة
MMamdouh
اكبر مثال على كدة lancer 2007automatic تدوس مهما تدوس هي ماشية بتسارع واحداقتباس:
المشاركة الأصلية كتبت بواسطة MMamdouh
اهلا بيك و ربنا يستر طريقك و طريقنا كلنا يا رب........
m-1 زملائي اتكلموا عن السرعة الاولي و كلامهم مش محتاج اي اضافة اما انا فحكلمك عن باقي النقلات في العربية واحدة واحدة:-
1-2 بالنسبة للنقل من الاول للتاني فبيتم بانك بتدوس الدبرياج و تخف رجلك من علي البنزين و تنقل من الاول للتاني علي طول من غير ما ترجع للمور و كمان تقدر تشيل رجلك من الدبرياج اسرع من الاولاني شوية بس متنتش رجلك لا برضه بالراحة, وده طبعا عشان العربية حتكون اخدت سرعة شوية علي الاولاني.
2-3 و بالنسبة للنقل من التاني للتالت نفس الكلام بدوس علي الدبرياج و اخف البنزين شوية و انقل علي طول و العربية حتكون بتجري و تقدر تشيل رجلك من علي الدبرياج عادي جدا بس مش نتش لا بس خلاص العربية دلوقتي بتجري.
3-4 من التالت للرابع خلاص انت علي الطريق و مفيش اي مجال اني العربية تأمرك او تنتش منك في الأرض تنقل من التال للرابع بأنك تدوس دبرياج و تخف البنزين و تنقل و تشيل رجلك نم الدبرياج عادي جدا جدا.
4-5 نفس الكلام بالظبط من الرابع للخامس بس مفتكرش انك هتجيب الخامس دلوقتي و استني شوية لما تتمكن كويس من العربية.
1-2-3-4-5-R بالنسبة للنقل من السرعات الالأربعة او الخمسة للـ R فدي اهم نقطة عايز اكلمك فيها لازم أقف خالص بالعربية و العربية تكون ثابتة (انت طبعا لما تتمكن مش حتنفذ ده بالظبط بس ده الصح) و امور العربية لو علي اول تاني اي غيار امور العربية واتاكد اني الفتيس مور و ابدا في تعشيق السرعة الخلفية.
و متقلقش الموضوع سهل و بسيط و حتلاقي الموضوع بسيط اوي لما تتعود و بيحصل حاجة اسمها التوحد مع الآلة و تبقي بتتعامل معاها و كأنك جزء منها.
و أي سؤال تحت امرك..