من اسبوع رحنا نحجز سياره زيرو من موزع معتمد لاخى الاكبر - بعد بحث على النت لمده عامين - استقرينا على النيسان صى - الموزع المعتمد عنده اكثر من وكاله لسيارات رينو - بريليانس - بيجو - ميتسوبيشى - هيونداى - دايو - كيا . ماشاء الله الله اكبر .
اتفرجنا على قاشقاى - كيا سبورتاج - ميتسوبيشى - و بعدين صاحب المعرض جالنا يكلمنا و سأل انتم بتسألوا عن حاجه معينه ؟ قلنا احنا بنبص على عربيه كويسه و مريحه فى الاستعمال و ميهمش الفلوس و احنا ميالين لليابابى - بس الكيا سبورتاج - و القشقاى خاطفه الانظار و كمان الالنترا الجديده 2012 - رد و قال طيب انتم شوفتوا الصنى - الرد نعم قال خليكوا فى الصنى - انا عاوز ابيع و الكيا سبورتاج و القاشقاى بيتكلموا فى 170 و انت طالع و هقولكم على حاجه من الاخر العربيه اللى تعلى عن الارض متسفرش بيها احسن و سيبك من حكايه اصلها مناسبه للشوارع المصريه .
انتم عاوزين رأى و متقلش عليا بياع اهبل مش عاوز يبيع - الصنى دى من الاخر بيجو العصر الحديثه عربيه حماره شغل و عربيه ماتورها مش بيبوظ .
رديت و قلت طيب حكايه استهلاك البنزين و قطع الغيار - الراجل فى حماس عاوز الحق قلت طبعا - قال من الاخر كده استهلاك الصنى كويس جدا و لكن العوامه بتاعت البنزين بتبقى خداعه احيانا و ما تعتمدش عليها و مبتعبرش عن الاستهلاك الحقيقى و دى معلومه انا متأكد منها - توكل على الله و خليك فى الصنى و انا بقولك عربيه مش هتحتاج حتى توديها للتوكيل لان الدنيا كلها عارفاها - عاوز الصح عاربيه موتورها ما بيبوظش و تحدى - ردى طيب نبص على الميتسوبيشى لانسر بالفتيس الجديد رد و قال خليك فى الصنى و مش عاوز احلفلكم ان العربيه دى الايام اللى جايه هتغلى مش اقل من اربع او خمس الاف جنيه و توكلنا على الله و حجزنا ex اوتوماتك .