مساعدة عاجلة في شراء شارك 2009 زيرو

**ahmedezar** · 19-11-2011 01:24 AM

السلام عليكم يا جماعة
وأنا بلف علي المعارض لقيت لانسر شارك 2009 زيرو في معرضين وعجبتني
واحدة ب 115 ألف وواحدة في معرض تاني ب 128 ألف
الفرق بينهم ال 128 فيهم كاست cd بدل من type والطارة ملتي فانكشن
لكن الأتنين شبه بعض تقريبا في كل حاجة عجل طاسات وأزاز كهربا ومرايات كهرباء
سألت علي الضمان قالولي 100 ألف أو 3 سنين

السؤال دلوقتي إيه عيوب ومميزات العربية دي وهل ضمانها مع الوكيل الجديد ولا القديم كمان في معارض تانية لسه بتبيع العربية دي ولا دول يبقي فيهم عيب أو حاجة لإني سامع أن الجديدة بتبتدي ب 137 ألف جنية

وهل العربية دي تبقي أحسن ولا بومة ب 115 بس 2011 مفيهاش الهوا
أنا طريقي طويل وهجيب ال 100 ألف كيلو في 3 سنين لو ربنا أحيانا

شكرا ليكم

**drmsadek1979** · 19-11-2011 11:24 AM

المعرض دا فين والالوان المتاحه ايه؟
عموما هي عربية ممتازة وعجباني جدا

**mdogs1979** · 19-11-2011 02:08 PM

فين المعرض ده يا باشا ؟

هو لسه فى عربيات ستوك من الهاى لين ؟

عموما المفروض اللى ب 128 دى هاى لين فول اوبشن بصمه زنزن جنوط عتب سبويلر فاميه
فتحه سقف اعلى فئه
و اعتقد ان دى خلص نهائى مفيش غير عند ديموند 165 الف موديل 2011

بالنسبه لل 115 الف دى ضمان الرواس و ليس ضمان دايموند موديل 2009 كاست شرايط اى بى اس ايرباج اوتومتك زجاج كهرباء و مريات كهرباء مثيلتها عند دايموند 2011 بسعر 141 الف

و طبعا العربيه مشاء الله جميله جدا و افضل من البومه بكتير

**IronHead** · 19-11-2011 10:48 PM

ضمان ال 2009 زيرو عند دايموند ايضا عشان هو دلوقتى الوكيل الوحيد من الشركة الام فى مصر بش بشرط تعمل الصيانه الدورية عندهم او مراكز الخدمة المعتمده منهم,

**ma7oo** · 19-11-2011 11:00 PM

ضمان وصيانة اى ميتسوبيشى من 2010 وقبل مع الرواس لكن لو روحت عملت صيانتك فى دايموند عادى بس الرواس هيفضل معاه ضمان وصيانة اى عربية قبل 2010 من الشركة الام وقطع غيار اصلية وانا سالت فى الموضوع ده

**IronHead** · 20-11-2011 11:30 AM

المشاركة الأصلية كتبت بواسطة ma7oo

ضمان وصيانة اى ميتسوبيشى من 2010 وقبل مع الرواس لكن لو روحت عملت صيانتك فى دايموند عادى بس الرواس هيفضل معاه ضمان وصيانة اى عربية قبل 2010 من الشركة الام وقطع غيار اصلية وانا سالت فى الموضوع ده

ياباشا الضمان سارى عند دايموند برضو, انا كان عندى جوان الازاز الاسود بتاع الباب الجانبى قففع, روحت مصرية فى شهر ابريل قلولى معندهمش جديد منها وقلولى كلم دايموند لما يفتح, كلمت دايموند لما فتح قلولى انى اجى عندهم ونا بعمل الصيانه عشان يغيرهالى فى الضمان لو متوفرة , ولو مش متوفرة هيثبتوهالى انها فى الضمان وهيطلبوا قطعه الغيار من الشركة الام

**ma7oo** · 23-11-2011 01:11 AM

ياباشا لو ركزت فى كلامى هتعرف انى قلت انه لو راح دايموند موتورز عادى الضمان معاهم برضه

**Eng_hatemfathy** · 25-11-2011 01:53 AM

انا جبت اللى ب 115 دى ب 113 من سمير ريان من اسبوعين بالظبط وملقتش فى السوق اى عربيه هاف اسبورت او هاى لاين الهاف سيورت المفترض انها كانت ب122 واخر واحده سوده اتباعت قبل ما اشترى بايام قليله -يا ريت تعرفنا ايه اللى ب 128 دى وفين وتسألنا ايه كمالياتها لانها لو مش هاى لاين يبقى وفر الفرق واشترى البيسك ووضب على مهلك لانك تقدر تركب كل حاجه الا فتحة السقف والبصمه واتو كروز اللى هما احلى حاجه فى الهاى لاين الجنوط طبعا سهله بل الاحسن انى اجنط بنفسى علشان اجيبها 215 مش 205 وممكن 18" زى الخليجى ال2000 سى سى والاسبويلر والعتب سهله والكاسيت طبها بيجى ومعاه جى بى اس وكل ده مش هيعدى 10 الاف وتفضل المشكله فى السقف والكروز واليصمه
يا ريت تعرفنا ايه الجديد وربنا يكرمك بالخير

الموضوع: مساعدة عاجلة في شراء شارك 2009 زيرو

LinkBack

أدوات الموضوع

عرض

المواضيع المتشابهه

طلب مشورة عاجلة في شراء عربية زيرو ((النترا2011 او صني 2012))

جين 2 زيرو - ميجان 2009 - شارك 2009

ممكن حد يساعدنى فى شراء لانسر شارك زيرو؟

تويوتا (كسر زيرو) ام شارك (زيرو 2009) ام......مطلوب نصيحة من اهل الخبرة

الكلمات الدلالية لهذا الموضوع

المفضلات

المفضلات

ضوابط المشاركة