معقولة كورولا 2004 انا مش متوقع قولوا انتم بقي انا تعبت _____ ياتري ..... ؟؟

**omar-saad** · 21-11-2011 01:20 AM

معلش مع احترامى لblazer العفشة واحدة فى الاتنين
وهى كمان عفشة ال1800 اللى بتنزل فى الخليج
الحاجة الوحيدة اللى مختلفة ان ال1600 الgli اللى هى الهاى لاين
انها مصفحة من تحت
وزى ما الاعضاء قالت هى عربية مريحة جدا وانعم عفشة ممكن تركبها فى حياتك
بس العربية فعلا خفيفة وثبات الاوتو زى المانيوال
لو عجباك توكل على الله

**BLOODY_STONE** · 22-11-2011 10:15 PM

انا واحد صاحبي معاه زيها بس الاستيشن مش الصالون (اللي هي اكبر مرتين من دي) و 1300 برضه .. و اوتوماتيك .. اللي هو دمااااار يعني ... و كله بيقوله ايه يابني دي حتبقى بطة و تريقة و كلام من ده ....

على فكرة رووووووووعة و مريحة اوي اوي اوي و لو سايق طوالي بتبقى زي الفل و ثابتة ... معرفش بتبقى ثابتة لحد امتى الصراحة لأن اسرع حاجة مشينا بيها كانت 120 و كانت ثابتة زي الفل ...

الغرز انا معاك مش اوي ...

بس انا شايف سحبها مرضي اوي و ممكن السيدان تكون احسن كمان على اساس انها اصغر و اخف

**rompo10** · 24-11-2011 08:47 PM

التويوتا تمشي براحه هاتبقي احسن من الالماني انا جربت واحد فتره ثبااااااااااات بعد 120 منعدم فرامل زفت زفت زفت زيها زي الفيرنا بالظبط تدوس فرامل مفيش العربيه تزحف خفيفه جدا جدا جدا لكن لو هاتمشي براحه هاتها وانت مطمن

**AutoTycoon** · 29-11-2011 08:47 PM

اول مرة اعرف ان عفشة ال1.6 مختلفة
انا كدا ممكن اغير رأيي عن العربية دي لأني سقت ال1.3 كذا مرة و فعلاً خفيفة و حرام على سعرها

**S O P H O S** · 04-12-2011 11:30 AM

طب دلوقتي الجنط نفسه 14 لو تم تغير الكوتش نفسه لمقاس اعرض هل الثبات هيتحسن ولا لازم تغير الجنط نفسه كمان ..
لان الثبات بعد ال 110 مقلق جدا انا لما اتوبيس من المني باص ماشي سريع من جمبي واسرع من العربية اتزقت للشمال فحسيت فعلا بخفة العربية اوي
بارك الله فيكم علي الردود

**hany63** · 05-12-2011 02:49 PM

بص ياسيدي
العربيات كوم و العربيه دي كوم تاني
ناعمه جدا وموتورها ليه رنه مميزه جميله و الاوتو1300 فيها جميل احسن من الماركات التانيه 1600
احسن كرسي ممكن تقعد عليه في حياتك احسن من كرسي الباسات (عندي العربيتين) صالون واسع و مريح عفشه ناعمه
جوه البلد زي الفل -في السفر تحفه لحد 130 بعد كده بتحس انك قلقان

**S O P H O S** · 06-12-2011 01:35 PM

المشاركة الأصلية كتبت بواسطة hany63

بص ياسيدي
العربيات كوم و العربيه دي كوم تاني
ناعمه جدا وموتورها ليه رنه مميزه جميله و الاوتو1300 فيها جميل احسن من الماركات التانيه 1600
احسن كرسي ممكن تقعد عليه في حياتك احسن من كرسي الباسات (عندي العربيتين) صالون واسع و مريح عفشه ناعمه
جوه البلد زي الفل -في السفر تحفه لحد 130 بعد كده بتحس انك قلقان

مشكوووووور والله يعطيك الف عافيه ولكن اتفق معاك فكلامك ولكن انا ابحث عن حل للتقليل من عدم الثبات بعد 110 وليس 130 فسؤالي لكم هل تغير الكوتش لمقاش اعرض كافي ام لابد من تغير الجنط ايضا واتمني من جرب او له علم بهذا قول رايه ولك الشكر وللاعضاء الكرام اخي