والله يا باشا انت عملت شغل جامد في الموضوع ده وتعبت فيه ربنا يكرمك ويجزيك خيير ان شاء الله
عرض للطباعة
والله يا باشا انت عملت شغل جامد في الموضوع ده وتعبت فيه ربنا يكرمك ويجزيك خيير ان شاء الله
بجد والله انا معايا عربية تانية فورد بس هبيعها عشان اجيب تيمبرا انا استفد كتير جدا من الموضوع ده ربنا يباركلكم يارب واشكركم جداااااااااااااااا
يا جماعه جهد مشكور جدا و جزاكم الله كل خير و الموضوع دا فعلا المفروض يتثبت عشان الفايده تعم
انا نازل ان شاء الله اليوم اشتري عربيه تمبرا و استفدت جدا من الموضوع دا ...... و عندي سؤال لخبراء التمبرا
العربيه تمبرا موديل 90 1400 سي سي انجكشن بس تقريبا معدله لكربراتير لسه هتأكد لان صاحب العربيه قالي انه لسه عامل الكربراتير و الموتور في عمه سوده مستطيله
العربيه فبريكا بره و جوه و طبعا من بره فيها خربيش و كده
عامله 154000ك و 2 زجاج كهربا و فتحه سقف شغاله كويس و طبعا تابلوه ديجيتال شغال فيه كل حاجه و فرش الفابريكه من جوه حالته كويسه
مفيش جنوط و كاوتش تعبان كله عايز يتغير
يا تري تقدروا العربيه دي بكام ؟؟؟؟؟؟؟؟؟
الف شكر يا باشا تسلم و تعيش على ذوقك الكبير
===================
بص يا باشا صعب جدا تتمن العربية بالوصف كدة
حالة العفشة اية
=========
بص فتحة السقف الكهرباء ليها تمن على فكرة حا تديلك انتعاش فى الصيف و حا تعجبك جدا كمان و بتدى شياكة و حداثة للعربية .
الراجل لاعب فى العربية قلبها من انجيكشن ل كاربراتير طبعا لان الصنايعية بتفتى من دماغها و مش فاهمة
الانجيكشن أفضل بكتير العربية مفيهاش اى ظبط اى حاجة بتبوظ مجرد تحدد العطل فين فين و شيل و حط .
العمة المستطيلة مش شرط ان الربية تبقى انجيكشن
شوف سلك البنزين الى داخل الكاربراتير داخل ازاى على الكاربراتير
لو السلك داخل عمودى من صدر العربية للكاربراتير يبقى عربية كاربراتير
لو السلك داخل بالجنب و فية صينية حديد بيلف السلك عليها تبقى انجيكشن
هو لو قلبها كاربراتير حا يبقى لاعب فى شوية حاجات اولهم ضفيرة الكهرباء ما تقلقش لو حبيت ترجع العربية لاصلها تانى حتى لو الضفيرة متقطععة نعرف الى يرجعها لك زى المصنع و نعرف نجيب الضفيرة منين دى ضفيرة المانى ماركة بوش على فكرة
و حا تلاقية لاغى طرمبة البنزين الكهرباء الى كانت راكبة فى التانك و مركب طرمبة بنزين عند الموتور من الامام
بص العربية دى لو خلتها ب 28 الف او 29 الف بعيوبها يبقى انت الى كسبان
دة رأى شخصى يحمل الصواب و الخطا
فية عضو داخل يبوظ الموضوع برجاء تجاهلة تماما
الى عمال يدوس على الديسلايك
اطالب مجلس اداره المنتدي بدراسه الغاء خاصيه ال like و dislike دراسه جاده
لانه للاسف فيه اشخاص بتستخدمها بطريقه سيئه و مش فاهمين هي معموله ليه
تحياتي و ارجو الاهتمام بالموضوع
تسلم الايادى يا جميل
والف شكرا لكل الاعضاء الى قاموا بالموضوع دا لانة ساعدنى جدا فى شراء العربية
بجدا ربنا يجازيكم كلكم خيرا ويجعلة الله فى ميزان الحسنات
واخص بالشكر الاخ الفاضل هشام وحبيبى تيف فيوز
وحضرتك من الى سمعتة منهما عليك
واتمنى تقبولنى عضوا فى اسرة التمبراوية
لا شكر علي واجب يا باشا و الموضوع فعلا رائع و مفيد جدا
العربيه اليقلتلك عليها ما اشتريتهاش عشان كانت عايزه مصاريف كتير جدا و صاحبها كان ماسك في 31.5 المهم انا الحمد لله تعالي ربنا وفقني و اشتريت تمبرا النهارده و طبعا ان شاء الله هعمل تقرير بكل حاجه في العربيه بس شويه كده
مواصفات العربيه كده علي السريع
موديل 93- فاتحه سقف ك - 1600- انجكشن - 4جنوط اسبور اصلي - سنتر - انزار - 4 زجاج كهرباء - 2 رافع - عدادات ديجتال - 170000كم - فرش و طاره و فتيش جلد اوريجنال - بدون تكييف بس في الزراير التاتش , و الجميل اوي في الموضوع ان فيها ( air bag ) في الطاره و الفرامل ( abs) بصراحه حسيت في العربيه بفخامه مش موجوده في عربيات اغلي و احدث منها بكتير ايه رئيك يا باشا العربيه دي تساوي كام في نظرك و هقولك طبعا انا اشتريتها بكاااام
مع العلم ان مفيهاش مصروف كتير الحمد لله و فيها كاوتش جديد