ايهما افضل فيات بونتو كلاسيك و لا رينو كليو كلاسيك

السلام عليكم
انا انشاء الله ناوت اجيب عربية و الصراحة متحير ايهما افضل فيات بونتو كلاسيك و لا رينو كليو كلاسيك الاتنين تقريبا نفس السعر سواء زيرو او مستعمل (2002 - 2005) (لاني ناوي لو جديد يكون بالقسط او لو مستعمل يبقي كاش انا انشاء الله)
بس ايهما احسن في تكلفة التشغيل و التوكيل و اسعار قطع الغيار و الجودة و المتانة و العمر الافتراضي وقلة الاعطال و سعر اعادة البيع و كل الحاجات اللي بتتقارن بيها العربيات يعني لو ناويت انا انشاء الله اجيب
ايه من الاثنين
وياريت اللي يرد يوضح ليه بيقول الرأي ده و ياريت اخوانا اللي راكبوا العربيتين دول يشاركوا يالرأي برضو
وشكرا ليكم

انا اسمع ان الكليو فى ناس بتشتكى منها (الكهربا بتاعت العربيية) و ان قطع غيرها مش معمرة
فانا فى رايى الشخصى ان البونتو افضل .و طبعا هات زيرو اريحلك
على فكرة توكيل فيات (omatra) زى الزفت انما توكيل رينو اسمع انه محترم

بعيد عن التوكيلات انا ارشحلك البونتو
اتلكنولوجيا الى فيها مش معقده زى الكليو و ممكن تتصلح برة التوكيل بكل سهوله
وانا شايف ان شكلها احلى كتير من الكليو

اضم صوتي الي صوت اخي القرموطي و حبيبي تاج تيربو:).
البونتو
قطع غيار متوفره و خارج التوكيل و اسعارها معقوله.
مش معقده تكنولوجيا و اي ميكانيكي نضيف يشتغل فيها عادي
كمان مساحات الحوض واسعه و من السهل الوصول الي معظم المكونات.
اعاده البيع برضه البونتو سعرها اعلي.
فوق كل دا كامله و جنوط ايطالي 14 و كاوتش بيرللي.
الرينو ميزتها توكيلها احسن من فيات لكن يفيد بايه اذا كانت قطع غيارها غاليه.
و مفيش ميكانيكي بيحب يشاغل فيها و بيخاف.
يعني لا قدر الله اي ظرف حصل حتجر العربيه علي التوكيل.

لا أعرف الكثير عن الكليو و لكننى لا أحبذها,
خاصة أن رينو لها سمعة سيئة فى مصر بدأت فى التحسن قليلا فى الفترة الأخيرة,
البونتو أفضل من كل الجوانب, و هى سيارة معمرة و أدائها متفوق فى فئتها.

انا عندي بونتو

توكل على الله
وهاتها

هو اسعار قطع غيار الكليو مش رخيصه
ولكن لا اعلم البونتو اسعارها ايه بصراحه

بص انا اشتريت شوية حاجات كده من قطع الغيار من فتره دي اسعارها

تيل فرامل امامي : 200 ج (أصلي)

فانوس خلفي شمال: 320 ج


ده من عند الكيلاني بتاع الفيات

أنا جبت بونتو بس بصراحة الكليو ماكانتش في المقرنة أصلا.

و إذا كنت غاوي رونو بص على ال (logan) شكلها أظرف و في نفس السعر.

شكرا ياجماعة علي الردود الحلوة ة القيمة ديه .
بس ياريت حد يدي شوية تفاصيل اكتر في الموضوع لان انتو عارفين قرار الشراء بيكون صعب.

ايه ماحدش عنده جديد !!!!؟!!!

اقتباس:

---

ايه ماحدش عنده جديد !!!!؟!!!

---

جديد من ناحيه ايه بالضبط؟؟؟؟؟؟؟؟؟؟؟؟

جديد من ناحية الكليو يعني يا سنيور زيموس :)

أيمن باشا ....بص يا سيدي الفاضل كل عربية ليها مميزات و عيوب و كل مشتري ليه أولوياته ....أنا معايا كليو و مبسوط منها لحد دلوقتي الحمد لله .....كانت من أولوياتي توكيل محترم و مش فارق معايا قطع الغيار الأصلية الغالية شوية و زهقت من التعامل مع مكانيكية مش فاهمين لو إنت مقتنع بكلامي هات كليو ...مش مقتنع يبقى إسمع كلام حازم باشا و هات بونتو :)
ربنا يوفقك

بونسيرا سينيوري.:)
يعني انت شايف الموضو و بتتقل علينا ;)
ماشي يا شيكو باشا .:)

انا برده نفس كلام شيكو .. و الكليو عربية حلوة و سواقتها ممتعة

اولا شكرا جدا لكل الناس اللي شاركوا في الموضوع
معلهش يا جماعة اصل انا كنت في معرض الطارق يالاسكندرية (وده غير المعرض النصاب اللي في القاهرة)و كان في ناس بتسأل علي العربيتين دول وكانوا راكنين ادام بعض بس لائيت الراجل ال(Sales) هناك الرينو احسن بس معرفتش ليه و ده كان السبب اني حابيت اسال الناس هنا من واقع خبرتهم عن الموضوع وخاصة ان العربيتين سعر واحد تقريبا علشان الناس اللي بتبص علي (Nile Motors) تستفيد

انا ارشح الرينو بصراحه

اقتباس:

---

المشاركة الأصلية كتبت بواسطة hazem_khidr

بونسيرا سينيوري.:)
يعني انت شايف الموضو و بتتقل علينا ;)
ماشي يا شيكو باشا .:)

---

العفو يا سنيور زيموس ...لا تقل و لا حاجة بس يعني الصراحة بعد نصيحتك و أنت قلب هجوم و هداف نايل موتورز ما كنتش ناوي أقول حاجة لكن لقيت الأخ الفاضل مستني يسمع الرأي الأخر فتطوعت و قلته ... تشاو يا باشا :)