الموضوع: عايز اخد راي المازداوية (محتااار بجد).

المشاركة الأصلية كتبت بواسطة aaldrene

انا معايا يا جماعة مازدا 3 2011 هاتش باك وانا حاليا مقيم في السعودية وكنت جايبها علشان انزل بيها مصر بس اكتشفت للاسف ان منزلتش مصر :_alshmokh11: وسالت واتقصت اشوف هتنزل الموديل الجاي ولا لا وعرفت ان غالبا مش هتنزل وعرفت ان كل قطع غيارها موجوده بالكامل في التوكيل عدا الجزء الخلفي لكن التوكيل يقدر يطلبهملي بس هيتاخروا شويه شهر او حاجه ده لو لاقدر الله احتجتها .

فكنت عايز اخد رايكوا لو نزلت بيها هتبقي سوقها ماشي لو حبيت ابيعها في يوم من الايام ولا بلاش انزل بيها (بس انا بجد عجباني جدا العربية ومستخسر منزلش بيها )

ايه رايكوا يا مزداوية !!!!!!!!!!!!!

أنا شخصيا مليش في الهاتش باك خالص... و لكني أعرف إن فيه ناس كتير بتموت فيه... و كمان فيه ناس بيبقي مزاجها انها تركب حاجة مش موجودة في الشارع خالص... احساس التميز... فعشان كدة أعتقد إنك لو احتجت تبعها مش هتغلب قوي يعني و خصوصا لو كانت سمور بقي و جنوط و كدة، هتلاقي شباب كتير عندها استعداد تشتري علي ما أعتقد

المشاركة الأصلية كتبت بواسطة mazda3mazda

أنا شخصيا مليش في الهاتش باك خالص... و لكني أعرف إن فيه ناس كتير بتموت فيه... و كمان فيه ناس بيبقي مزاجها انها تركب حاجة مش موجودة في الشارع خالص... احساس التميز... فعشان كدة أعتقد إنك لو احتجت تبعها مش هتغلب قوي يعني و خصوصا لو كانت سمور بقي و جنوط و كدة، هتلاقي شباب كتير عندها استعداد تشتري علي ما أعتقد

معاك حق اكيد هلاقي اللي تدخل دماغة العربية بس هل الناس دي مش هتقللي في سعر العربية وكده

ودي صور العربية ياريت تقولي رايك ايه تجيب زبون ولا لا ImageShack Album - 5 images


وشكرا لردك ياريس

المشاركة الأصلية كتبت بواسطة mohamed456

بص يا باشا هيا لو حبيت تبيعها فا السوق المازدا نايم و كمان الظروف البلد ال فيها
قطع الغيار طبعا متوفره
انتا عايز رأى قبل ماتنزل اعمل اعلان فى كونتكت كارز و شوف فى حد عايزها ولا ايه النظام و بعد كده ابقى قرر انك تنزلها ولا لا

بصراحه فكره تمام اني اعرضها للبيع واشوف سوقها عامل ازاي .

شكرا ليك ياباشا

المشاركة الأصلية كتبت بواسطة aaldrene

معاك حق اكيد هلاقي اللي تدخل دماغة العربية بس هل الناس دي مش هتقللي في سعر العربية وكده

ودي صور العربية ياريت تقولي رايك ايه تجيب زبون ولا لا ImageShack Album - 5 images


وشكرا لردك ياريس

أنا أعتقد إنك ممكن تلاقي زبونها بسهولة، و خصوصا عشان موضوع الزجاج الفيميه اللي في الباب الوراني و الزجاج الخلفي (ده إذا كان من المصنع أصلي -عشان المرور- و إذا كنت أنا شايف كويس أصلا :) )
يعني و أعتقد هيكون فيها مفتاح بصمه و ده مش موجود في الهاي لاين اللي بتنزل هنا... الحاجات ديه بيبقي ليها تمنها عند الشباب برضه.

و علي ما أتذكر كان في واحد من فترة كان بيدور في المنتدي علي المزدا الهاتش باك و كان هيموت عليها (بس جديده علي ما أعتقد لأنه كان بيدور عليها في المعارض)

انما بالنسبة للسعر فمعرفش عشان ماليش في المستعمل خالص... و عموما زي ما mohamed456 قال، إعلان كونتاكت أحسن فكرة.

و بالتوفيق إن شاء الله

المشاركة الأصلية كتبت بواسطة mazda3mazda

أنا أعتقد إنك ممكن تلاقي زبونها بسهولة، و خصوصا عشان موضوع الزجاج الفيميه اللي في الباب الوراني و الزجاج الخلفي (ده إذا كان من المصنع أصلي -عشان المرور- و إذا كنت أنا شايف كويس أصلا :) )
يعني و أعتقد هيكون فيها مفتاح بصمه و ده مش موجود في الهاي لاين اللي بتنزل هنا... الحاجات ديه بيبقي ليها تمنها عند الشباب برضه.

و علي ما أتذكر كان في واحد من فترة كان بيدور في المنتدي علي المزدا الهاتش باك و كان هيموت عليها (بس جديده علي ما أعتقد لأنه كان بيدور عليها في المعارض)

انما بالنسبة للسعر فمعرفش عشان ماليش في المستعمل خالص... و عموما زي ما mohamed456 قال، إعلان كونتاكت أحسن فكرة.

و بالتوفيق إن شاء الله

الفيميه انا اللي مركبة مش جاي مع العربية فهيشيلوه اكيد لما انزل بيها وبالنسبة للبصمة ففعلا العربية فيها مفتاح بصمة
وانا فعلا عملت اعلان علي كونتامت وربنا ييسر الحال

المشاركة الأصلية كتبت بواسطة mohamed456

عرضها على كام ياباشا

والله يا باشا انا معرفش هي تجيب كام بس هي فارقه هنا في السعودية عن السيدان 3500 ريال يعني بالمصري 5500 جنيه في الجديد

انما المستعمل مقدرش اقول لاني معرفش السوق في مصر عامل ازاي هو في حد قالي 125 بس اعتقد علي اساس سعر السيدان