السبت اللى فات بعد غسيل العربية وتنضيف فلتر الهواء - كان مليان تراب ووساخة وشبه مسدود ولونه رمادى - وفلتر التكييف بالبلاور - اول مرة يتنضف من ساعة تركيبه عند 40 الف كم ودلوقت انا عامل 55555 الف كم
المهم قولت استغل الموضوع وكنت عامل حسابى وشارى علبة ديتول بخاخ من اسبوعين ورشيت على ارضية العربية تحت التلاجة وشغلت التكييف ساخن لمدة 10 دقايق على اتجاه الوجه والارجل وقفلت العربية ووقفت برة وكل دقيقتين او تلاتة اغير اتجاه مرور الهواء وقفلت التكييف وطلعت البيت
وتانى يوم الاحد الدنيا مطرت والحمد لله والغسلة راحت ع الارض بس مش ده المهم
المهم ان التجربة نجحت والروايح انتهت فى اول التشغيل
وفكرت انى ارش فلتر التكييف بالمرة ديتول ... ايه رأيكم؟ بس فى المغسلة كان حطلى عليه معطر جو
وعلى فكرة لما طلعت الفلتر فعلا مش بتاع الصنى لأنه مش مالى التجويف المخصص له بالكامل وخفيف جدا وخامته ورقية من طبقة واحدة يعنى بصراحة مش جامد زى فلتر الموتور بس قبل التنضيف كان لونه رمادى فاتح من الاتربة ولقيت كمان اعواد كده رفيعة زى القش مش عارف جت منين مع انى 99% باعمل التكييف recycling !!!
المفضلات