عربية سفير اليابان

**Hossam_Hassan** · 21-05-2008 05:33 PM

امبارح و أنا مروح من الشغل، لقيت عربية ماشية جنيى فى طريق المطار و رافعة علم اليابان و على حد علمى مادامت رافعة العلم، يبقى السفير راكب فيها، و فعلا كان فى الكرسى الأمامى حراسة.

المهم، تعرفوا العربية نوعها ايه، كامرى v6 بس مش مكتوب غير كده و ليها 2 فتحة عادم، واحدة على كل جنب و طبعا هيئة سياسية.

سفير اليابان بجلالة قدرها راكب كامرى مع العلم ان اى عربية هيركبها هتبقى معفية من الجمارك، ياترى بقى، سفيرنا فى اليابان، راكب عربية نوعها ايه؟ هقول الله أعلم، بس اللى انا شبه متأكد منه، انها مش كامرى، و اللى اعرفه بالتأكيد برضوا ان سفير فلسطين راكب S مرسيدس و قنصل مصر فى نيويورك كان راكب مرسيدس مش فاكر نوعها من 10 سنين.

فعلا، الجنس الخشن خشن و الجنس الناعم ناعم و ادفعى ياللى مانتش غرمانة

**أبو عبدالله** · 21-05-2008 05:37 PM

بس استنى يا حسام معلشي
هو انت فاكر ان سفير اليابان هيركب كامري كده زي اللي بتتباع عندنا
استحاله طبعا
دي اكيد اولا دفع رباعي
ثانيا هتبقى طبعا انتاج خاص له
يعني ضد الهوا وضد الناس وضد اي حاجه

كفاية كلمة V6

**Hossam_Hassan** · 21-05-2008 05:40 PM

و الله لو بتطير، بردوا كامرى و أكيد المرسيدس أغلى و أفخم

**kingnoro** · 21-05-2008 05:40 PM

دول ناس عمليين و بيشجعوا صناعتهم

الدور و الباقي على اللي معندهوش صناعة

**hazem_khidr** · 21-05-2008 05:46 PM

لونها اسود؟؟؟
شفت وحده عليها العلم و بنفس المواصفات و هيئه سياسيه برضه في تويوتا العبور بتعمل صيانه

**أبو عبدالله** · 21-05-2008 05:49 PM

المشاركة الأصلية كتبت بواسطة Hossam_Hassan

و الله لو بتطير، بردوا كامرى و أكيد المرسيدس أغلى و أفخم

ما هو مش ده قصدي يعني يا حسام

انا عارف هما كأشخاص طبعا مش بتفرق معاهم الحاجات دي زي عندنا
يعني غالب العربيات اللي الشعب بيشتريها هناك هتلاقيها عربيات صغيره مش عربيه تجرها الخيول والكلام ده

بس انا كان قصدي انها مش زي العاديه يعني