حد جرب جهاز انذار spy5000 ؟

**bondjames** · 20-11-2011 11:53 PM

المشاركة الأصلية كتبت بواسطة mero100

تمام ....كويس ان فيه حد مركب semphony زيي .....موضوع المارش و الكلام دة ..... اجربه ازاي؟.....انا مركب symphony v 200 .....معرفش اللي ركبه ركبه ازاي ......و لا هوةة اول ما بيركب بيدي الخواص دي؟......طبعا قلقان لاني سمعت ان الحرامي بيعرف يتعامل و يفصل اي جهاز انذار ......

ممكن تكون القطعة دى راكبة - أو لأ - شوف الكتالوج بتشتغل إزاى و جرب لو هاتشتغل تبقى راكبة - أما لو الخاصية دى ما إشتغلتش معاك تبقى القطعة مش راكبة - وعموما الإنذار بيخوف الحرامى فقط - لكنه لو بجح زى اليومين دول هايرفع العربية بونش ويمشى - حتى لو فيها إيه - كان مكتوب فى المنتدى عن سيارة بها كلبش للدبرياج مع البنزين - وأخر للدريكسيون - + جهاز إنذار - رفعها الحرامى بالونش الساعة 2 بالليل قدام الناس اللى سهرانة فى القهوة مدعيا إنه من التوكيل (ماهو معاه ونش) لكن لو صاحبها كان عنده spy 5000 2 ways كان حس باللى بيحصل ونزل لحقها - لكن للأسف الناس بتقول أهو كله إنذار و بتوفر200 -300 جنيه - على حساب عربية ب 70 ألف وفاكرة إنها عملت البدع

**foxfoxfox1** · 21-11-2011 02:39 AM

معلش كنت عايز اسال حضرتك عن ازاى المرش بيشتغل مع الانظار وكنت عايز اعرف اجيبة منين وبكام لانى عايز اجيب واحد لعربيتى وكنت عايز اعرف حاجة العربيات الجيتا الجديدة نازلة انى اول متفتح العربية النور العالى ينور ممكن اعمل الخاصية دى مع الجهاز ولا لا ارجوا الرد

**blazer** · 21-11-2011 02:50 PM

كنت قريب فى المنتدى ان فيه مركز "توكيل ولف او سباى حاجه كدا " بيركب كمان
فلو حد يعرف عنوانهم
او عنوان مركز مضمون يقول

**bondjames** · 21-11-2011 09:04 PM

المشاركة الأصلية كتبت بواسطة foxfoxfox1

معلش كنت عايز اسال حضرتك عن ازاى المرش بيشتغل مع الانظار وكنت عايز اعرف اجيبة منين وبكام لانى عايز اجيب واحد لعربيتى وكنت عايز اعرف حاجة العربيات الجيتا الجديدة نازلة انى اول متفتح العربية النور العالى ينور ممكن اعمل الخاصية دى مع الجهاز ولا لا ارجوا الرد

فيه فردة سلك ممكن تتوصل على المارش لو حبيت تدور العربية عن بعد من الريموت - وكمان قطعة إضافية لقطع المارش من الريموت حتى لاتدور العربية - بالنيبة للنور هما بيوصلوا الإنذار على السنتر بتاع العربية - وبكده لا أعتقد إنهم هايجوا جنب النور فى حاجة - وتفضل الخاصية زى ماهى

أنا جبته من التوفيقية - هناك الوكيل (غريب) لكن مش بيبيع قطاعى لكن فيه محل بتاع الشيخ (إسأل عنه) بعد التوكيل ب50 متر على الشمال داخل ممر - كان سعره 340 - لكن منقريب كان فيه مشاركة إنه بقى 450 - عموما مش متأكد من السعر الجديد ده - لو وصلت لشارع سوق التوفيقية وسألت تعرف السعر الأكيد

**bondjames** · 21-11-2011 09:17 PM

المشاركة الأصلية كتبت بواسطة blazer

كنت قريب فى المنتدى ان فيه مركز "توكيل ولف او سباى حاجه كدا " بيركب كمان
فلو حد يعرف عنوانهم
او عنوان مركز مضمون يقول

بص ياسيدى دى نمرة الكهربائى (محمد 01222710226) اللى أنا بتعامل معاه وهو اللى ركب الجهاز خلف جامع كشك حدائق القبة بس هو إحتاج إنى أقرأ له التوصيلات علشان كانت بالإنجليزى لكن ركبه 10 على 10 و مستخبى مش باين ماحدش يعرف يوصله بسهولة من غير ما يقطع ولا أى سلكة ولا يلعب فى أى ضفيرة - عن تجربة فى حاجات كتيرة

**BMW5260** · 21-11-2011 09:24 PM

يعني أفهم من كدة إن أفضل نوع هو spy 5000 ؟؟؟؟؟؟

**bondjames** · 22-11-2011 10:49 AM

المشاركة الأصلية كتبت بواسطة BMW5260

يعني أفهم من كدة إن أفضل نوع هو spy 5000 ؟؟؟؟؟؟

فى رأيى المتواضع - بلا منافس

**drmomoking** · 24-11-2011 08:58 PM

المشاركة الأصلية كتبت بواسطة bondjames

بص ياسيدى دى نمرة الكهربائى (محمد 01222710226) اللى أنا بتعامل معاه وهو اللى ركب الجهاز خلف جامع كشك حدائق القبة بس هو إحتاج إنى أقرأ له التوصيلات علشان كانت بالإنجليزى لكن ركبه 10 على 10 و مستخبى مش باين ماحدش يعرف يوصله بسهولة من غير ما يقطع ولا أى سلكة ولا يلعب فى أى ضفيرة - عن تجربة فى حاجات كتيرة

دة اللى فى شارع البحترى الراجل اللى عندة دقن؟

**bondjames** · 25-11-2011 09:47 AM

[QUOTE=drmomoking;3873952436]دة اللى فى شارع البحترى الراجل اللى عندة دقن؟[/QUOT
الناصية اللى قبل جامع كشك - تدخل يمين تلاقى مكتبة كل شئ على اليمين - جنبها برج البطل - بيته أمام البرج جنب الحلاق - هو بيشتغل من بيته ما عندهوش ورشة - البيت هو مقر العمل -