حد جرب جهاز انذار spy5000 ؟... لو حد ركبه قريب يا ريت يكلمنا عن سعره ومنين ومميزاته و هل فعلا فيه فرق بينه وبين ال wolf و ال symphony ؟
و شكرا
عمرو ابراهيم
عرض للطباعة
حد جرب جهاز انذار spy5000 ؟... لو حد ركبه قريب يا ريت يكلمنا عن سعره ومنين ومميزاته و هل فعلا فيه فرق بينه وبين ال wolf و ال symphony ؟
و شكرا
عمرو ابراهيم
انا مجرب الولف وجامد قوى
سعرة 150ج وضمان 5 سنوات
مميزاتة
مانع للسرقة ( بيفصل الكهربة عن العربية)
امكانية توصيلة على الستنر
والشنطة
وممكن المريات (لو ضم كهربائى)
وفتحة السقف
مانع للسرقه ( بيفصل الكهربه عن العربيه ) .....
ازاي؟.....ممكن تكلمني بتفصيل اكتر
و هل دي موجودة في ال symphony 200 ( انا مركبه عندي )
دى ياباشا اهم مميزات الجهاز
لما ركبتة الكهربائى قالى ممكن اوصلهولك بطرقتين
الاولى المارش يشتغل بس العربيية مش هتنطق
والثانية ولا مرش ولا تكة ولا اى حاجة
انا اخترت التانية
دة طبعا الطريقة دى بتشتغل سواء شغلت الجهاز صامت او بالسرينة
لو عايز اى استفسار
انا تحت امرك
اما اللى انت مركبة معرفش عنة حاجة
spy 5000 أفضل جهاز إنذار - الوكيل غريب بالتوفيقية - بس مش بيبيع قطاعى - لكن المحلات حواليه عندها - كان سعره من سنتين 350 - و الكهربائى ركبه ب 40 - لكنه بأمانة أطول مدى ممكن تجده فى أى إنذار - أما الأهم إنه بينبهك بالريموت بتاعه إيه بيحصل لعربيتك - يعنى لو سامع سرينة فى الشارع إنت تعرف دى عربيتك ولا لأ - وفيه وحدة قاطع مارش - علشان لو حد حاول يفتح السيارة تطفيها إنت من الريموت وإنت فوق لغاية ما تنزل وتدافع عن ممتلكاتك - أى جهاز تانى هجص وأى كلام
و على فكرة حتى لو سعره النهارده 500 ج - تيجى إيه جنب ثمن العربية لو راحت؟
http://www.youtube.com/watch?v=qHP6O0FILxk
بالفعل الزملاء هنا كتير مجربينة بس انا للأسف دورت علية و مالقيتهوش
ربنا يوفقك و تلاقية
متابع باهتماااام
تمام ....كويس ان فيه حد مركب semphony زيي .....موضوع المارش و الكلام دة ..... اجربه ازاي؟.....انا مركب symphony v 200 .....معرفش اللي ركبه ركبه ازاي ......و لا هوةة اول ما بيركب بيدي الخواص دي؟......طبعا قلقان لاني سمعت ان الحرامي بيعرف يتعامل و يفصل اي جهاز انذار ......
ممكن تكون القطعة دى راكبة - أو لأ - شوف الكتالوج بتشتغل إزاى و جرب لو هاتشتغل تبقى راكبة - أما لو الخاصية دى ما إشتغلتش معاك تبقى القطعة مش راكبة - وعموما الإنذار بيخوف الحرامى فقط - لكنه لو بجح زى اليومين دول هايرفع العربية بونش ويمشى - حتى لو فيها إيه - كان مكتوب فى المنتدى عن سيارة بها كلبش للدبرياج مع البنزين - وأخر للدريكسيون - + جهاز إنذار - رفعها الحرامى بالونش الساعة 2 بالليل قدام الناس اللى سهرانة فى القهوة مدعيا إنه من التوكيل (ماهو معاه ونش) لكن لو صاحبها كان عنده spy 5000 2 ways كان حس باللى بيحصل ونزل لحقها - لكن للأسف الناس بتقول أهو كله إنذار و بتوفر200 -300 جنيه - على حساب عربية ب 70 ألف وفاكرة إنها عملت البدع :no1:
معلش كنت عايز اسال حضرتك عن ازاى المرش بيشتغل مع الانظار وكنت عايز اعرف اجيبة منين وبكام لانى عايز اجيب واحد لعربيتى وكنت عايز اعرف حاجة العربيات الجيتا الجديدة نازلة انى اول متفتح العربية النور العالى ينور ممكن اعمل الخاصية دى مع الجهاز ولا لا ارجوا الرد
كنت قريب فى المنتدى ان فيه مركز "توكيل ولف او سباى حاجه كدا " بيركب كمان
فلو حد يعرف عنوانهم
او عنوان مركز مضمون يقول
فيه فردة سلك ممكن تتوصل على المارش لو حبيت تدور العربية عن بعد من الريموت - وكمان قطعة إضافية لقطع المارش من الريموت حتى لاتدور العربية - بالنيبة للنور هما بيوصلوا الإنذار على السنتر بتاع العربية - وبكده لا أعتقد إنهم هايجوا جنب النور فى حاجة - وتفضل الخاصية زى ماهى:plusone1:
أنا جبته من التوفيقية - هناك الوكيل (غريب) لكن مش بيبيع قطاعى لكن فيه محل بتاع الشيخ (إسأل عنه) بعد التوكيل ب50 متر على الشمال داخل ممر - كان سعره 340 - لكن منقريب كان فيه مشاركة إنه بقى 450 - عموما مش متأكد من السعر الجديد ده - لو وصلت لشارع سوق التوفيقية وسألت تعرف السعر الأكيد
بص ياسيدى دى نمرة الكهربائى (محمد 01222710226) اللى أنا بتعامل معاه وهو اللى ركب الجهاز خلف جامع كشك حدائق القبة بس هو إحتاج إنى أقرأ له التوصيلات علشان كانت بالإنجليزى لكن ركبه 10 على 10 و مستخبى مش باين ماحدش يعرف يوصله بسهولة من غير ما يقطع ولا أى سلكة ولا يلعب فى أى ضفيرة - عن تجربة فى حاجات كتيرة:11:
يعني أفهم من كدة إن أفضل نوع هو spy 5000 ؟؟؟؟؟؟
[QUOTE=drmomoking;3873952436]دة اللى فى شارع البحترى الراجل اللى عندة دقن؟[/QUOT
الناصية اللى قبل جامع كشك - تدخل يمين تلاقى مكتبة كل شئ على اليمين - جنبها برج البطل - بيته أمام البرج جنب الحلاق - هو بيشتغل من بيته ما عندهوش ورشة - البيت هو مقر العمل - :glasses18:
الـ spy 5000 ببيعه عندي بـ 420 جنيه
متابع لما نشوف اخرتها مع الحرميه ايه
فين بالظبط, انا امبارح لقيته فى شارع دمشق عند محل اسمه موسى ب 450 بالتركيب و ضمان 5 سنين
تمام كده بس شارع دمشق ده مشوااااااااااااار
السلام عليكم
انا لسه شارى واحد من اسبوع من الأسكندرية عامل 370 جنيه
انا اشتريت واحد النهارده وركبته ب 385 ج غير التركيب
اشتريته من غريب التوفيقيه
وركبته عندى فى كفرالشيخ
صحيح هل فية خاصية تشغيل المحرك عن بعد ؟؟؟؟!!!!
فى عرض هنا يا جماعة بـ 375 جنيه بس
Cobone: Retail-Electronics deals in Electronics, SPY 2 Way Alarm Systems from Mercedeco for 375 EGP instead of 500 EGP
غريب رضى يبيع قطاعى؟ من سنتين رفضوا يبيعوا لى إلا لو هاخد جملة أجهزة
طيب ياجماعة هل فيه خاصية فتح الشنطة بتاعت العربية ولا لاء انا معايا النترا 2012 وعايز اركبوه ايه رئيكوا
ايوه فــــيه
افضل انذار بلا منافس