الموضوع: ما هوأستهلاك البنزين في الرينو كليو 2003

أود أن أشكركم جميعا

أنا لسة شاري العربية جديد و زي ما تقولوا كدة ألي كان راكبها قبل مني مكنش بيعمل صيانة خالص .
أول ما أخدتها منة رحت رايح عند سامح الهواري في العصافرة و غير الاتي:
1- تيل فرامل تركي ( ساعات بيصفر)
2-زيت موتور (total)
3-فلتر هواء
4-فلتر زيت
5-فلتر بنزين
6-جوان التاكيهات(و الفني غسل بابة الهواء بالبنزين لان كان عليها وساخة)
7-حساس بور
8-سيور(تقسيمة و تكييف و دينامو)

أنا كنت واخد العربية من صاحبها و تانك البنزين فاضي . رحت رايح البنزينة و فولت 40 لتر لغاية التانك ما أتملي علي أخرة و صفرت العداد. أول ما وصل المؤشر للنصف شوفت قراة العداد و لقيتة 150 كيلو متر.

بالنسبة للعربية عاملة دلوقتي 62.5 ألف كيلو و أنا كنت مغير البوجيهات قبل ما أروح لسامح الهواري ماركة ألماني كدة مش فاكر أسمها أية بس ألي كان راكب فيها قبل ما أغير كان NGK .

مش عارف موضوع الفرامل القافشة دة بيتعرف أزاي.

أية موضوع منظف الرشاشات دة ؟ أرجو الافادة

أية موضوعحساس الكسجين دة و هل هوة غير حساس الشكمان؟ أرجو الافادة

أ - r_gamal1 أنا ملاحظ أن حضرتك من الاسكندرية ف يا ريت حضرتك تفيدني و تساعدني لان العربية كدة مش مريحاني لان واحد جاري قالي أن العربية ممكن تعمل 600 و 650 كيلو كمان في التفويلة.

و شاكر جدا أهتمامك بالرد

المشاركة الأصلية كتبت بواسطة r_gamal1

حساس الشكمان هو الاكسجين وبيكون راكب فى اول الشكمان ووظيفته خلط الهواء بالبنزين فلو بيدى قراء غلط ل كمبيوتر العربيه هيكون استهلاك البنزين زيادة
بالنسبه ل الاستهلاك انا معايا ال 20 لتر بيعملو تقريبا 210 او 220 جوة البلد طبعا قابلة للنقص بسسب الزحمه الجامدة اليوميين دول
بالنسبه ل الفرامل قافشه هل بتحس ان العربيه تقيله معاك لو مش قادر تحدد .....بعد مشوار كويس حط ايدك على الجنطين اللى قدام لو سخن اوى تكون قافشه
لو محتاج اى حاجه انا تحت امرك فى اى وقت وهبعتلك رقمى على الخاص كلمنى فى اى وقت

ربنا يبارك فيك و أن شاء الله حكلم حضرتك علي أخر الاسبوع

لو فيه اى رعشة عندك و العربية دايرة اعرف ان فية بوجية مش شغال وده بيرجع ان ممكن البوجيه قاطع او الكويل فيه فرده مش شغالة لو شميت ريحت العادم كمان حيبان ان البنزين طالع ريحتة وحشه (نى )
فكرت تنظيف الرشاشات كويسة لان المفروض تعمل كده من غير ما يكون فى حاجة فى العربية و دى بتتنظف ان تجيب injector cleaner و تحتة كله على تانك كامل
تالت حاجة طبعا اسطوانة الدبرياج لو عندك ضعيفة حتحتاج انك تحرق بنزين اكتر علشان تحس ب سحب العربية
دى الحاجات الاساسية اللى اعتقد انها ممكن تحرق معاك بنزين اكتر راجع و قولى عملت إيه

المشاركة الأصلية كتبت بواسطة ashrafabdrabo

لو فيه اى رعشة عندك و العربية دايرة اعرف ان فية بوجية مش شغال وده بيرجع ان ممكن البوجيه قاطع او الكويل فيه فرده مش شغالة لو شميت ريحت العادم كمان حيبان ان البنزين طالع ريحتة وحشه (نى )
فكرت تنظيف الرشاشات كويسة لان المفروض تعمل كده من غير ما يكون فى حاجة فى العربية و دى بتتنظف ان تجيب injector cleaner و تحتة كله على تانك كامل
تالت حاجة طبعا اسطوانة الدبرياج لو عندك ضعيفة حتحتاج انك تحرق بنزين اكتر علشان تحس ب سحب العربية
دى الحاجات الاساسية اللى اعتقد انها ممكن تحرق معاك بنزين اكتر راجع و قولى عملت إيه

و الله أنا أستفدت من كلام حضرتك جدا و أن شاء الله حاعمل بة
خصوصا إني لسة جايب العربية جديد
بس injector cleaner بيتجاب منين
و شاكر جدا لحضرتك