انا معايا اسكورت 1999 1600 وكل شهر فبرت الدبرياج تكسير روحت لميكانيكى قالى انه عايزه طقم دبرياج كام ايه الافضل هوه قالى انه ممكن يجبلى طقم استيراد وانا سالت لقيت الوك 1050
ونوع تانى مش فاكر اسمه 1450 ايه رايكم اركب ايه
عرض للطباعة
انا معايا اسكورت 1999 1600 وكل شهر فبرت الدبرياج تكسير روحت لميكانيكى قالى انه عايزه طقم دبرياج كام ايه الافضل هوه قالى انه ممكن يجبلى طقم استيراد وانا سالت لقيت الوك 1050
ونوع تانى مش فاكر اسمه 1450 ايه رايكم اركب ايه
حضرتك تروح تشتري فبرة جديدة و تطلع على خراط يعملك واحدة زيها معدن و يكسيلك المجرة بتاعت السلك فبر علشان تبقى طرية و متغيرش حاجة
حضرتك جربت الموضوع ده
ولو ممكن رقم تليفون حضرتك
كل مره بغير الفبره الميكانيكى يرفع الدبرياج شويه علشان تاخد الغيار لحد مهتوصل للطاره هههههههههههههه
رقمي في موضوع رابطة ملاك فورد ادخل على اهم مواضيع القسم
انا مجربتش الموضوع ده علشان معنديش سلك للدبرياج اصلا الموضوع عندي مساتر بعيد عنك و عن السامعين
بس انا لما شوفت الفبرة واضح انها ممكن تتعمل خراطة معدن افضل من انها تبقى فيبر و خصوصا ان كل الاجزاء الي في السوق اليومين دول مضروب
يعني الفيبر و ده بيخلي عمرها قصير بس ميزتها انها بتكون حنينة في الاحتكاك بالواير و علشان كدة هاتحتاج تكسي المجرى بتاعت الواير في القطعة المخروطة بالفيبر
طبعا انا كلامي عن الفبرة الي بتركب في الدواسة مش الفبرة الي في الاخر فوق الفتيس
انا كنت سئلت علي الطقم الجديد في اسباني وايطالي والماني وتركي الاسعار في حدود من 800 الي 1200 عند الصيرفي ويافا.
وياريت لو حد يعرف انواع او اسعار تانية يقولنا علي سعر البلية لوحدها والاسطوانة لوحدها والدسك لوحدو كمان.
اكثر انواع الاطقم رواجا في السوق هو اللوك الالماني ( طبعا هو بنسبة 80% صيني بس عديها ) و ده تمن الاسطوانة و الديسك اعتقد متقارب للاسكورت و الفيستا حوالى 750 و تمن البلية طبعا لوحدها ممكن يكون 300 بس انا مش عارف علشان انا عندي ماستر بـ 650 جنيه و ماستر تاني بـ 420 جنيه و حاجة ربنا ما يحط حد فيها
انا سألت لقيت اللوك الالمانى 1150 من بدرسيان
انا اشتريت الطقم لوك الماني في شهر اغسطس من يافا في شارع دمشق - بسعر 1000 جنية
الطقم كامل اسطوانه و ديسك وبلية
واية اخبار اداء العربية بعد الطقم الجديد حسيت بفرق جامد ولا اي كلام؟؟
وركبتهم عند مين وبكام؟
وشكرا ليك مقدما.
الاسطوانه والديسك اللوك او الساكس بيلعبو من 950 ل 110 انت وشطارتك والمفروض الماني اما ماستر الدبرياااج في اتنين واحد بيقولو عليه الماني موتور كرافت وعليه فعلا علامه الفورد بس ده تركي وبحوالي 600 جم وفي واحد تاني بردو فورد بس انجليزي ب 1400 اما الموتور كرافت الاستيراد بحوالي 600 طبعا كل ده المونديو وناس تقولك الساكس احسن وناس تقول لا اللوك هوه الاحسن والله اعلم
طبعا لو ليك حد ف بلد اوروبي يجبلك الطقم كله ب 1300 جم ( اسطوانه وديسك ودبرياج ) لوك
انا ركبت الطقم عند رمضان فى الحرفيين 280 بس ركب كمان قعده ماتور وقعده فتيس واويل سيل عصايه الفتيس