ايه افضل فى طقم الدبرياج

**aatef1** · 20-11-2011 09:31 AM

انا معايا اسكورت 1999 1600 وكل شهر فبرت الدبرياج تكسير روحت لميكانيكى قالى انه عايزه طقم دبرياج كام ايه الافضل هوه قالى انه ممكن يجبلى طقم استيراد وانا سالت لقيت الوك 1050
ونوع تانى مش فاكر اسمه 1450 ايه رايكم اركب ايه

**aYaBooY** · 20-11-2011 11:53 AM

حضرتك تروح تشتري فبرة جديدة و تطلع على خراط يعملك واحدة زيها معدن و يكسيلك المجرة بتاعت السلك فبر علشان تبقى طرية و متغيرش حاجة

**aatef1** · 20-11-2011 01:29 PM

حضرتك جربت الموضوع ده

**aatef1** · 20-11-2011 01:30 PM

ولو ممكن رقم تليفون حضرتك

**aatef1** · 20-11-2011 01:36 PM

كل مره بغير الفبره الميكانيكى يرفع الدبرياج شويه علشان تاخد الغيار لحد مهتوصل للطاره هههههههههههههه

**aYaBooY** · 20-11-2011 01:57 PM

رقمي في موضوع رابطة ملاك فورد ادخل على اهم مواضيع القسم
انا مجربتش الموضوع ده علشان معنديش سلك للدبرياج اصلا الموضوع عندي مساتر بعيد عنك و عن السامعين
بس انا لما شوفت الفبرة واضح انها ممكن تتعمل خراطة معدن افضل من انها تبقى فيبر و خصوصا ان كل الاجزاء الي في السوق اليومين دول مضروب
يعني الفيبر و ده بيخلي عمرها قصير بس ميزتها انها بتكون حنينة في الاحتكاك بالواير و علشان كدة هاتحتاج تكسي المجرى بتاعت الواير في القطعة المخروطة بالفيبر
طبعا انا كلامي عن الفبرة الي بتركب في الدواسة مش الفبرة الي في الاخر فوق الفتيس

**egytamer** · 22-11-2011 05:04 PM

انا كنت سئلت علي الطقم الجديد في اسباني وايطالي والماني وتركي الاسعار في حدود من 800 الي 1200 عند الصيرفي ويافا.
وياريت لو حد يعرف انواع او اسعار تانية يقولنا علي سعر البلية لوحدها والاسطوانة لوحدها والدسك لوحدو كمان.

**aYaBooY** · 22-11-2011 07:11 PM

اكثر انواع الاطقم رواجا في السوق هو اللوك الالماني ( طبعا هو بنسبة 80% صيني بس عديها ) و ده تمن الاسطوانة و الديسك اعتقد متقارب للاسكورت و الفيستا حوالى 750 و تمن البلية طبعا لوحدها ممكن يكون 300 بس انا مش عارف علشان انا عندي ماستر بـ 650 جنيه و ماستر تاني بـ 420 جنيه و حاجة ربنا ما يحط حد فيها