لماذا تتحول المقارنات الى مشاحنات

السلام عليكم
بداية احب اكرر حبي و اعجابي بالمنتدى
ودة انا قلته قبل كده كتير
انا ياجماعة دخلت المنتدى هنا و انا لا افقه شيئا عن السيارات و قبل ما يكون عندي سيارة اصلا
لكن الحمد لله اتعلمت و استفدت كتير جدا على الاقل لما جيت اشتري سيارتي
ورغم ان مشاركاتي مش كتير لكن المنتدى بياخد جزء كبير من وقتي

المهم ... انا ملاحظ ان للاسف دايما لما يبقى في مقارنة بين سيارتين من ماركتين مختلفين غالبا ينتهي الموضوع الى مشاحنات و خناقات بين الاعضاء

طبعا كل عضو بيتحيز لسيارته و بيبقى عايز يقنع الناس كلها انها احسن عربية في الدنيا

انا والله بزعل جدا لما بلاقي حاجات كده

خلونا نتفق على حاجة ... الخلاف في الرأي لا يفسد للود قضية

مع ان هنا في مصر الخلاف في الرأي يفسد اي قضية
وده طبعا لاننا بنفتقر للموضوعية في الحوار و الحكم على الاشياء

انا عارف ان ده طبيعي خصوصا يعني لما يبقى الواحد دافع مبلغ و قدره في عربية مش عايز حد يطلع له فيها عيوب

ما اصل لو انا كنت شايف ان في عربية تانية احسن في نفس السعر كنت اشتريتها

فأكيد كل واحد شاري عربية هيا بالنسباله احسن اختيار في السعر ده

وطبعا تختلف احتياجات كل واحد عن التاني و هو عايز ايه بالظبط من العربية

هل عايزها عائلية و اعتمادية
ولا شبابية و منظر
ولا 4*4
ولا زيرو او مستعملة

طبعا انا مش بتكلم هنا عن النقطة دي لاني عمري ماحعرف اعمل موضوع من المواضيع الجامدة اللى في المنتدى واللى منها مثلا موضوع SEATLOVER خواطر..فى الاختيار بين الزيرو والمستعمل

انا بس عايز اقول انه لولا اختلاف الاذواق لبارت السلع

طيب ماتيجو نحاول نعمل حاجة

تعالو نحاول لما نعمل مقارنة نخلي دايما كلامنا على اساس علمي موضوعي

يعني نقول حقائق و اللي مش مصدقها هو حر يشرب من البحر
وبعدين تعالو نكبر دماغنا شوية بمعنى ...

انت قلت حقائق عن عربية معينة
وانت الناس عارفاك في المنتدى و ليك اسمك و الناس عارفة ان معاك العربية
وجه واحد قعد يقولك لأ اللي انت بتقوله غلط
وهو اصلا تلاقيه ماحدش سمع صوته قبل كده

خلاص ياجماعة سيبو كل واحد يقول اللي هوا عايزه و تعالو نكبر عقلنا

مش انت اشتريت العربية و فرحان بيها خلاص بقى سيبك من اي حد عايز يلامض و خلاص

وبعدين لو انا فعلا بفكر في العربية حدور على اكتر من مصدر عشان اتأكد من المعلومة

معلش يا جماعة انا عارف اني طولت عليكم بس ده فعلا عشان دمي بيتحرق لما بشوف الخناقات دي بتحصل
وبقيت خلاص مابفتحش مواضيع المقارنات لانى بقيت متأكد اني لو دخلت حلاقي خناقة والدنيا الصراحة مش ناقصة حرق دم
بس المشكلة ان الموضوع زاد لدرجة ان لو حد بس جاب سيرة انه عايز يشتري عربية تلاقي الناس كلها بتتخانق على انهي احين عربية
كأن كل واحد حياخد نسبة من مبيعات العربية بتاعته

ما علينا
دي كانت مجرد فضفضة لانى بحب المنتدى و زعلان من اللي بيحصل فيه

واتمنى ان مايكونش حد زعل مني :dots:

فعلا عندك في ناس بتنحاز لسيارتهم و بيجدلو و خلاص و انا شايف ان المقارنة لو بقت مميزات و عيوب السيارة حتكون اكثر موضوعية

لو عاوز تكره عربيتك



























قارن بينها و بين اى نوع تانى فى القسم بتاع الاخيرة


اوعدك انك هتنزل تبيعها تانى يوم

لأن المصريين بيحبو يفتو و دايما فيه واحد ابن عمة خالة ابوه قاله ان العربية دي ماتسواش بصلة
المصريين كده بيحبو التهويل يعني يا بنطلع الحاجة فوق قوي يا بنخسف بيها الارض قوي..يعني ممكن تلاقي واحد بيقولك ان اللادا هي افضل ما توصلت اليه البشرية لأن صاجها شديد و حديد في حديد و الرزق يزيد..
وواحد تاني يقولك ان ال بي ام دي اي كلام و بتعوم على 250 و و حاجتها غالية الخ
بص من الاخر ما ينفعش واحد يدي رأيه في عربية غير صاحبها الي له تجربة معاها انما الناس الي بتدخل تقول صاحبي قالي و سمعت مرة ع القهوة و الكلام ده سيبك منهم

تم الحذف لعدم وجود محتوى
وشكرا

الادارة 3

كلام صحيح
و لولا اختلاف الاذواق لبارت السلع
و لكن للاسف البعض وهم قله و الحمد لله يعتقدو ان عدم اختيار الناس لنفس اختيارهم هو اهانه لذكائهم في اختيار شراء العربيه اللي ممكن تكون حلوه بس مفيش عربيه بيتفق عليها كل الناس
و برضه مفيش عربيه مفيهاش عيوب
بس الاهم تعترف بكده
و تذكر للناس العيوب قبل المميزات لانها امانه
وكلمتك دي امانه يا هتخلي الواحد يدعيلك كل مايركب العربيه يا هيدعي عليك
و كما قلت
اختلاف الرأي لايفسد للود قضيه

و شد حيلك يا اسماعيل عاوزين مواضيع جامده

اقتباس:

---

المشاركة الأصلية كتبت بواسطة Nile_Storm

و شد حيلك يا اسماعيل عاوزين مواضيع جامده

---

اسماعيل مين انا اسمي اسلام :v_SPIN:

شكرا على الرد ياباشا

عزيزى islamnabil

كلامك صح

كل منا يتحيز لسيارته

سأبدأ بنفسى و اقول لك على شيئين بيجننونى فى الياريس ( بالنسبة لى )

اولاً : مراية الصالون كبيره جداً و مدلدله و

اخوك مرجع الكرسى على الاخر

و مش بشوف كويس الناحية اليمين من الطريق ( المرايه مخبياها )

و لما بيكون حد قاعد بجانبى اقول له

" انت خلى بالك من الناحيه اليمين وانا اخلى بالى من الناحيه الشمال " :biggrin24:

و لو كنت لوحدى بحط راسى تحت المرايه فوق العدادات

و ايدى بتبقى لورا ماسكه الدريكسيون :D

ثانياً : ظهر الكرسى غير مريح للمسافات الطويله

كتفى بيبقى فى الهوا مافيش حاجه سنداه ( النيسان افضل فى هذا )

و مش لاقى حل !!

بس الكلام ده سر بينى و بينك ... :thinking:

سوري اسلام باشا :)

طيب يا جماعه انا شايف ان الكلام اللي احنا بنقولوا كلام في الهوا معلش يعني محدش يزعل مني بس احنا بنتناقش في حاجه و خلاص من غير ما نوجد حل للمشكله دي
لان اللي بيواجهه المشكله دي هم الاعضاء الجدد المقبلين علي شراء سياره جديده لان طبعاً كل واحد متحيز للعربيه بتعته و فعلاً احنا كده بطريقة التحيز مش بنقدم خدمه لحد بل بالعكس حيره و وجع دماغ علي الفاضي

فانا اقترح للحد من المشكله دي
تقوم الاداره باختيار عضو او موضوع عن عربيه عمله عضو موثوق في كلامه في كل قسم من الاقسام و لكل نوع سياره
السيارات التي يتم السؤال عنها باستمرار
مع تثبيت هذا الموضوع و وضعه في اول صفحة القسم للوضوح
و اي عضو يعمل موضوع عام او مقارنه عن سيارتين نقوم يتوجيهه لهذه المواضيع منعاً للحيره و لتسهيل الاختيار

مثال : قسم النيسان (حيث امتلك هذه السياره) نختار عضو ذو خبره في هذا القسم و ليكن الاستاذ سبعاوي يعمل موضوع (تقييم نيسان صني) حيث انه يمتلكها و ايضاً نجد شخص اخر للنيسان تيدا و للنيسان أكس تريل اظن ان هما دول السارات المنتشره في قسم نيسان و تقوم الاداره بتثبيت هذه المواضيع و في اول الصفحه

في اول الصفحه علي اساس ان العضو لا يجتهد في ايجاد الموضوع الذي يهمه حيث عدم التثبيت يؤدي الي انتقال الموضوع للصفحه التي تليه و هكذا يعني كمان شهر واحد حيسال علي النيسان حيلاقي الموضوع في صفحه رقم 8 ولا حاجه دا اذا وصل للصفحه دي من الاصل فيستسهل و يعمل موضوع جديد و الناس ترجع ترد من تاني و ممكن ناس تقول هوه انا مش ليسه مجاوب علي الموضوع ده من يومين
زي ما حصل في موضوع في قسم النيسان واحد عمل موضوع بيسال عن حاجه المهم انا جاوبت و الاستاذ لؤي جاوب و الموضوع اتنقل للصفحه التاليه جه صاحب الموضوع ملقاش الموضوع يظهر مخدش بالو ان في حوار صفحات قام عمله تاني
1-
http://www.nilemotors.net/Nile/showthread.php?t=25036
2-
http://www.nilemotors.net/Nile/showthread.php?t=24922

و اهم الاقسام : ميتسوبيشي و هيونداي علشان القسمين دول عاملين مشاكل جامده :blink4:

معلش طولة عليكم و اللي عندوا اقتراح بخصوص الموضوع ده يقول و نرجو من الاداره الاهتمام حيث اصبح الموضوع متفاقم

يا جماعه انا لما دافعت عن عربيتي من الظلم اللي وقع عليها راح قله من احبابنا بالمهاجمه الشديده :gun_bandana:اقول ان الار بي ام كذا يطلع واحد يقول اشك دي في كذا كذا طب وانا مالي بكذا اللي بيقول عليها هي عندي كده طيب اصورها لك عشان تصدق ولا ايه
التاني يقول اصل قطع غيارها مش موجوده بره و غاليه ومش موجوده في التوكيل واكنه بيوصف عربيته وهو اصلا مشتكي من الحجات دي :no4:
اقول العزم = شد يروح قايل لا العزم = سرعه والله الواحد زهق من الجدل الفاضي ده :011:
النكته ان العربيه معايا و واحد يقول لي انزل اسال تاكسي العاصمه و الاروش ان تاكسي العاصمه عربيه تانيه و الراجل مصدق نفسه وعمال يقنع صحبها انها زباله زي ماهو قال :rofl:
المصيبه انه اعترف انه ما سقهاش وبيقول الموضوع ابسط من كده انزل اسال تاكسي العاصمه
طب ياخونا نعمل ايه بس

اقتباس:

---

المشاركة الأصلية كتبت بواسطة حاتم سليم

عزيزى islamnabil

كلامك صح

كل منا يتحيز لسيارته

سأبدأ بنفسى و اقول لك على شيئين بيجننونى فى الياريس ( بالنسبة لى )

اولاً : مراية الصالون كبيره جداً و مدلدله و

اخوك مرجع الكرسى على الاخر

و مش بشوف كويس الناحية اليمين من الطريق ( المرايه مخبياها )

و لما بيكون حد قاعد بجانبى اقول له

" انت خلى بالك من الناحيه اليمين وانا اخلى بالى من الناحيه الشمال " :biggrin24:

و لو كنت لوحدى بحط راسى تحت المرايه فوق العدادات

و ايدى بتبقى لورا ماسكه الدريكسيون :D

ثانياً : ظهر الكرسى غير مريح للمسافات الطويله

كتفى بيبقى فى الهوا مافيش حاجه سنداه ( النيسان افضل فى هذا )

و مش لاقى حل !!

بس الكلام ده سر بينى و بينك ... :thinking:

---

والله عندك حق
الصراحة الكرسى ظهرة مش مريح
اما موضوع المرايات دا .....انا اصلا مبرجعش الكرسى لورا :superman:

===============
تحذير أخير للعضو الكريم
سبق وتم تنبيهك اكثر من مره
لتصغير حجم التوقيع
فيرجى الأستجابة والا سيتم تفعيل القوانين عليك مما يترتب انذارك
وشكرا

الادرة 3

الجدال قد يكون شىء صحى 00 اذا كان مقترن بحجج وادلة اكيدة ومحترمة للراى ، ولكن البعض يتشبث برأية مهما كان الامر 00 حتى وان كان على خطأ ، وهذا نتيجة من عدم الخبرة والدراية الكافية للامور 000 لذا انصح نفسى والجميع 00 ترك الجدال والتعنت فى الراى وتذكر مقولة ( راى صواب يحتمل الخطأ ورأى غيرى خطأ يحتمل الصواب )
والانسان لن يستطيع ادراك كل شىء الدنيا والحياة مهما كان لدية من خبرات وعلم ( وفوق كل ذى علماً عليم )

اقتباس:

---

المشاركة الأصلية كتبت بواسطة walidadel

طيب يا جماعه انا شايف ان الكلام اللي احنا بنقولوا كلام في الهوا معلش يعني محدش يزعل مني بس احنا بنتناقش في حاجه و خلاص من غير ما نوجد حل للمشكله دي
لان اللي بيواجهه المشكله دي هم الاعضاء الجدد المقبلين علي شراء سياره جديده لان طبعاً كل واحد متحيز للعربيه بتعته و فعلاً احنا كده بطريقة التحيز مش بنقدم خدمه لحد بل بالعكس حيره و وجع دماغ علي الفاضي

فانا اقترح للحد من المشكله دي
تقوم الاداره باختيار عضو او موضوع عن عربيه عمله عضو موثوق في كلامه في كل قسم من الاقسام و لكل نوع سياره
السيارات التي يتم السؤال عنها باستمرار
مع تثبيت هذا الموضوع و وضعه في اول صفحة القسم للوضوح
و اي عضو يعمل موضوع عام او مقارنه عن سيارتين نقوم يتوجيهه لهذه المواضيع منعاً للحيره و لتسهيل الاختيار

مثال : قسم النيسان (حيث امتلك هذه السياره) نختار عضو ذو خبره في هذا القسم و ليكن الاستاذ سبعاوي يعمل موضوع (تقييم نيسان صني) حيث انه يمتلكها و ايضاً نجد شخص اخر للنيسان تيدا و للنيسان أكس تريل اظن ان هما دول السارات المنتشره في قسم نيسان و تقوم الاداره بتثبيت هذه المواضيع و في اول الصفحه

في اول الصفحه علي اساس ان العضو لا يجتهد في ايجاد الموضوع الذي يهمه حيث عدم التثبيت يؤدي الي انتقال الموضوع للصفحه التي تليه و هكذا يعني كمان شهر واحد حيسال علي النيسان حيلاقي الموضوع في صفحه رقم 8 ولا حاجه دا اذا وصل للصفحه دي من الاصل فيستسهل و يعمل موضوع جديد و الناس ترجع ترد من تاني و ممكن ناس تقول هوه انا مش ليسه مجاوب علي الموضوع ده من يومين
زي ما حصل في موضوع في قسم النيسان واحد عمل موضوع بيسال عن حاجه المهم انا جاوبت و الاستاذ لؤي جاوب و الموضوع اتنقل للصفحه التاليه جه صاحب الموضوع ملقاش الموضوع يظهر مخدش بالو ان في حوار صفحات قام عمله تاني
1-
http://www.nilemotors.net/Nile/showthread.php?t=25036
2-
http://www.nilemotors.net/Nile/showthread.php?t=24922

و اهم الاقسام : ميتسوبيشي و هيونداي علشان القسمين دول عاملين مشاكل جامده :blink4:

معلش طولة عليكم و اللي عندوا اقتراح بخصوص الموضوع ده يقول و نرجو من الاداره الاهتمام حيث اصبح الموضوع متفاقم

---

الكلام دة مينفعش خالص

انت كدة حجمت مصدر المعلومة

بدل م 100 واحد متلا يقولوا رائيهم
و انت تحدد على اساس راى الاغلبية

كدة هتخلى شخص واحد يس هو مصدر المعلومة
و المصدر دة مهما كان ممكن يغلط
فهتظلم صاحب الموضوع و الشخص اللى بيطلب المعلومة

تم حذف المشاركة لعدم وجود محتوى
وشكرا

الاادرة 3

اقتباس:

---

المشاركة الأصلية كتبت بواسطة solycar

الكلام دة مينفعش خالص

انت كدة حجمت مصدر المعلومة

بدل م 100 واحد متلا يقولوا رائيهم
و انت تحدد على اساس راى الاغلبية

كدة هتخلى شخص واحد يس هو مصدر المعلومة
و المصدر دة مهما كان ممكن يغلط
فهتظلم صاحب الموضوع و الشخص اللى بيطلب المعلومة

---

بالظبط بالإضافة لإن كدة واحد بس هيتكلم عن كل عربية و خلاص بدون أي آراء أخرى يبقى إيه لازمة المنتدى؟
كمان كل شخص ليه متطلبات في العربية اللي راكبها.. يعنى ممكن واحد يجيب عربية كبيرة و يشتكي إنها بلاعة بنزين لكن غيره ممكن يبصلها إنها عربية واسعة و سريعة و آمنة.
واحد تاني يدور العربية الصبح و على غيار الريق يطلع في صلاح سالم كل يوم على 150 و 160 طبعاً هيشتكي إن أي عربية بتعوم و مش ثابتة عكس واحد زي حلاتي غلبان أخره 100 في السفر يعني لو راكب مركب حتى هقولك دي ثابتة و زي الفل :).

اقتباس:

---

المشاركة الأصلية كتبت بواسطة ahmedfd

بالظبط بالإضافة لإن كدة واحد بس هيتكلم عن كل عربية و خلاص بدون أي آراء أخرى يبقى إيه لازمة المنتدى؟
كمان كل شخص ليه متطلبات في العربية اللي راكبها.. يعنى ممكن واحد يجيب عربية كبيرة و يشتكي إنها بلاعة بنزين لكن غيره ممكن يبصلها إنها عربية واسعة و سريعة و آمنة.
واحد تاني يدور العربية الصبح و على غيار الريق يطلع في صلاح سالم كل يوم على 150 و 160 طبعاً هيشتكي إن أي عربية بتعوم و مش ثابتة عكس واحد زي حلاتي غلبان أخره 100 في السفر يعني لو راكب مركب حتى هقولك دي ثابتة و زي الفل :).

---

انا رايي كده برضه
وكمان فكرة المنتدى انه بينقل خبرات ومعلومات الناس كلها بدون تقييد برأي احد
وممكن انا مشوفشي حاجه غيري يشوفها وينبهني عليها
وبكده كل واحد هيلاقي احتياجاته كلها

الموضوع ابسط من كدة والله بدون اي امثلة
واحد بيقول العربية دي وحشة قولو هاتلي دليل سوقتها
ايون وطلع فيها كذا
انت عارف ان مفيهاش الكذا ده
تقول رايك وانت صاحب العربية وخلصت
مش مستاهلة كلام كتير
بيقولو على عربيتي الكرولا بتعوم على 100
انا بقول ثباتها مش حلو بعد 140 قبل الجنوط الكبيرة وحلو بالجنوط لغاية 160
انا معرفش اللي بيقول كدة ده ساق وواحدة ايجار ولا موديل مختلف ولا ايه بالظبط
قولت اللي عندي وكلمتي قصاد كلمتة
وخلصصصصصت مش مستاهلة
بكرة هابيع الكرولا وهاجيب بيمر وهايوقولوي وحشة وحاجتها غالية
انت مالك مش عاجباني خلاص
من غير ماعصب نفسي
ده الخلاصة
وعمري ماهاتحيز لعربية حتت حديد على 4 عجلات

اقتباس:

---

المشاركة الأصلية كتبت بواسطة أبو عبدالله

انا رايي كده برضه
وكمان فكرة المنتدى انه بينقل خبرات ومعلومات الناس كلها بدون تقييد برأي احد
وممكن انا مشوفشي حاجه غيري يشوفها وينبهني عليها
وبكده كل واحد هيلاقي احتياجاته كلها

---

هوه انا تقريباً نسيت اذكر ان باقي العضاء في القسم حتقول رايها علي الكلام اللي بيقولوا العضو بردوا يعني زي مايكون مناقشه وديه بين اصحاب السيارات يعني

مش عارف انا حسيت ان المعني حيتفهم لوحده لكن من الواضح اني كان لازم اقول النقطه دي

قصدي حوار كده زي مجلس الشعب صفوتي(صفوت الشريف) يطرح الموضوع و يقول رايه و باقي الاعضاء مواقفه او لأ و اللي عنده حاجه زياده يقولها و هكذا

انا شخصيا كواحد متابع المنتدي منذ فترة ،،

قررت ماسألش في المنتدي لما ربنا يكرمني و اجيي اشتري عربية ،،

بس استفدت جدا جدا لأقصي درجة من المنتدي

اتعلمت منه يعني ايه ارقام و مواصفات لكل عربية بدقة ،، عشان اقارن صح

اتعلمت منه يعني ايه فئات عربيات

عشان ماظلمش عربية

اتعلمت منه اهمية خدمة وكيل

اتعلمت مسألش حد العربية دي ناعمة ، دي ثابته ، دي سحبها حلو ، صوتها واطي

عشان دي تقديرات بتختلف تماما من واحد لتاني

اتعلمت احدد احتياجاتي و اولوياتي الأول قبل ما أقرر

الخلاصة اللي عايز اقولها ،،

ان عقل القارئ ،، كويس ،، و بيعرف لوحده يحدد الموضوعي من المبالغات و التعصب

بس بيبقي محتاج وقت متابعة للمنتدي عشان يقدر يحكم علي اللي بيقراه ،،

و الناس اللي بتقول رأيها ،،

المطلوب منها تلبس نظارة سودا عشان تشوف عيوب اي عربية

و بعدين تلبس نظارة بمبي عشان تشوف مميزات نفس العربية ،،

للأسف اللي بيحصل ان الناس بتلبس نظارة بمبي لما تشوف عربياتها

و بتلبس نظارة سودا عشان تشوف اي عربية تانية تقارن بيها


رغم ان في النهاية مش هتاخد نسبة لو المشتري اختار عربيتك

و عربيتك مش هيوقف سوقها لو المشتري ماختارهاش

و مادام عربيتك عجباك و مبسوط بيها يبقي طنش رأي اي حد تاني

و شوية و كده كده الفلوس بتبرد و بتزهق منها و العربية بتتخبط ،

و يبقي مالهوش اي لازمة التعصب

اقتباس:

---

المشاركة الأصلية كتبت بواسطة Ahmed Anwer

انا شخصيا كواحد متابع المنتدي منذ فترة ،،

قررت ماسألش في المنتدي لما ربنا يكرمني و اجيي اشتري عربية ،،
و يبقي مالهوش اي لازمة التعصب

---

انا معاك ان الناس بتفتي كتير بس مش معاك اني ما اخدش راي حد
انت ممكن بالممارسه والذكاء تطلع اي حد بيفتي ازاي
واحد بيقول لك ان العربيه دي زباله علي شان التوكيل وحش اقلب علي طول لان التوكيل هو اللي وحش مالها العربيه انما لو التقييم موضوعي هيقول العربيه حلوه بس التوكيل وحش او العربيه وحشه كمان التوكيل وحش
واحد بيقول لك اسال معرفش مين وانت معاك العربيه اقلب اذا كانت هي معاك واكيد ماسقهاش بدليل انه بيقول اسال مش انا سقتها
واحد يقول اصل وفصل اصل هي مع واحد صاحبي اصل اصل اقلب لوكان هو سقها كان ادا لك تقيم صح او نقل كلام صاحبه بالنص
واحد يفتي ويقول ان ثباتها وحش طب علي سرعه كام 200 ولا100
وممكن هو بيقول اللي يعرفه فمن مهم تعرف معاه ايه
يعني واحد معاه بي ام هيقول علي التيوتا وحشه مع احترامي للاتنين
واحد معاه 133 هتبقي الشاهين زي الفل مع احترامي للاتنين
فيه منتدي اجنبي كان مكتوب فيه تقيم الفراري انها وحشه 350 او450 حصان قال ايه ما بتديش اللي هم كانوا متوقعينه منها
في نفس المنتدى ده كان تقييم ال 128 والناس كلها كتبه" اكسيلانت" بس مبعزقين كرامه السياره يعني مثلا الثبات حلو جدا قبل ال 80 الصالون ممتاز بس ضيق والخامات مش اد كده وصوت تزيق وووووو المهم ان كان التقيم "اكسلانت" مع احترامي لل128
بس لما الناس كلها تتفق علي حاجه بتبقي صح مثلا ضيق الصاني من الخلف مع احترامي للنيسان طبعاً
من الاخر اقراء اللي بينكتب واعمل فلتره وميز بين الذهب والفضه و الرمال وفي الاخر انت الكسبان حتي لو كان فتي لانك بتعرف الانسان لما يجي يفتي يفتي ازاي :)