حل مشكلة صوت الترزيع بتاع العفشه فى السيراتو.من كيا كوريا. بالصور ,موضوع خمس نجوم

**nab!l** · 30-01-2013 03:24 PM

المشاركة الأصلية كتبت بواسطة ahmed_201091

مش عارف اشكرك ازاى بجد والله صوت المساعد اليمين دا كان بيشكيكنى فى نفسى ساعات و انا عمرى ما لبست مطب او نقرة و بحسس على العفشة كنت هتهبل :)

عندى نفس المشكله فى الاوبل والعفشه سليمه
طب ايه السبب وليه اليمين ؟

**ostoraa** · 31-01-2013 07:51 PM

يعني دلوقتي اجيب الجلده دي والزقها بكولا في الكاوتشه اللي زي السوسته وبس
يعني مش بعد ما الزقها في السوسته ملزقهاش في البطاحه؟
يعني الجلده يكون فيها لزق من الناحيتين ولا من ناحيه واحده؟

**moha4tec** · 01-02-2013 11:41 AM

من ناحيه وحده فقط و تلزقها فى البطاحه طبعا و تكون خامة الكوتشه كويسه طبعا و تستحمل

**moha4tec** · 24-03-2013 11:32 PM

الصور موضحه انها تتلزق فى البطاحه اقرا الكلام كويس جدا و هتفهم اكتر
و تعمله فى المساعد اليمين و الشمال .
انا لما عملتها بنوع كوتشه بس ضعيف الصوت راح لمدة اسبوع او كذا يوم و رجع تانى و لما رفعت العربيه لما الصوت رجع لقيت مفيش كوتش اصلا ههههههههههههههه اتاكلت لانها طريه جدا و ضعيفه .
المهم نلاقى نوع كويس و محمل و يتركب صح و خلاص

**essam wahby** · 25-03-2013 11:10 PM

بصراحة يا جماعة انا بشكركم جميعا علي هذا الموضوع الجامد جدا وخصوصا صاحب الموضوع له مني جزيل الشكر وربنا يباركله ويجازيه خيرا ، واحب ان انقلكم تجربتي عن اللي عملته حتي يستفيد الجميع لحل تزييق عفشة السيراتو حل جزي ان شاء الله
اولا : غسلت العربية في البنزينة بالماء والصابون فقط غسلة محترمة بعد ما غمزت الواد بتاع البنزينة باللي في النصيب وغسلها مرتين صح ، وارجوكم ابعدوا عن الجاز او الشحم او اي حاجة تانية لانها هتاثر علي العفشة والجلب في القريب او البعيد وده عن تجربة
ثانيا : اخذت العربية بعدها علي طول ونزلت الجراج عندي ورفعت العربية علي الكوريك وبدأت اشتغل في اضافة الكوتشة اياها ، والموضوع مخدش نص ساعة للاتنين المساعدين
ثالثا والاهم : تفتكروا انا جبت الكاوتشة منين ؟ اللي عنده فلتر مياه تانك الثلاث مراحل هيعرق كويس لاني وانا بغير الفلاتر لقيت الكوتشة اللي في الصورة بالظبط بنفس المقاس بالظبط بس لونها ابيض فاخذت اتنين منها وجبت لصف الدبل فيس ( اللي لونه اسود وعليه شريط اخضر ) وقعد اقصقص اللصق علي اد الكوتشة من ناحية واحدة طبعا .... وعملت زي اللي في الصور بتاعة الموضوع بالظبط ...... وانا بشتغل لقيت الكرتيرة بتزيق وبتخبط كل لما اخبط فيها فجبت كيس قط ابيض وقعد احشي الفراغات اللي في الكرتيرة اللي بتعمل صوت لغاية لما ما بقاش فيها اي صوت خالص
اخيرا خرجت اجرب العربية بفضل الله اولا وصاحب الموضوع ثانيا الحمد لله العربية حاجة تانية خالص طبعا انا جربت العربية لمدة ربع ساعة فقط ولسة طالع البيت حالا ، واكيد لسة هجربها الفترة اللي جاية وهقولوكوا اذا كان في اي جديد
مرة اخري شكرا لكل من ساهم بصغيرة او كبيرة في هذا الموضوع ويارب اكون قدرت اضيف شيئ واسف علي الاطالة

**moha4tec** · 01-06-2013 12:20 AM

المشاركة الأصلية كتبت بواسطة essam wahby

بصراحة يا جماعة انا بشكركم جميعا علي هذا الموضوع الجامد جدا وخصوصا صاحب الموضوع له مني جزيل الشكر وربنا يباركله ويجازيه خيرا ، واحب ان انقلكم تجربتي عن اللي عملته حتي يستفيد الجميع لحل تزييق عفشة السيراتو حل جزي ان شاء الله
اولا : غسلت العربية في البنزينة بالماء والصابون فقط غسلة محترمة بعد ما غمزت الواد بتاع البنزينة باللي في النصيب وغسلها مرتين صح ، وارجوكم ابعدوا عن الجاز او الشحم او اي حاجة تانية لانها هتاثر علي العفشة والجلب في القريب او البعيد وده عن تجربة
ثانيا : اخذت العربية بعدها علي طول ونزلت الجراج عندي ورفعت العربية علي الكوريك وبدأت اشتغل في اضافة الكوتشة اياها ، والموضوع مخدش نص ساعة للاتنين المساعدين
ثالثا والاهم : تفتكروا انا جبت الكاوتشة منين ؟ اللي عنده فلتر مياه تانك الثلاث مراحل هيعرق كويس لاني وانا بغير الفلاتر لقيت الكوتشة اللي في الصورة بالظبط بنفس المقاس بالظبط بس لونها ابيض فاخذت اتنين منها وجبت لصف الدبل فيس ( اللي لونه اسود وعليه شريط اخضر ) وقعد اقصقص اللصق علي اد الكوتشة من ناحية واحدة طبعا .... وعملت زي اللي في الصور بتاعة الموضوع بالظبط ...... وانا بشتغل لقيت الكرتيرة بتزيق وبتخبط كل لما اخبط فيها فجبت كيس قط ابيض وقعد احشي الفراغات اللي في الكرتيرة اللي بتعمل صوت لغاية لما ما بقاش فيها اي صوت خالص
اخيرا خرجت اجرب العربية بفضل الله اولا وصاحب الموضوع ثانيا الحمد لله العربية حاجة تانية خالص طبعا انا جربت العربية لمدة ربع ساعة فقط ولسة طالع البيت حالا ، واكيد لسة هجربها الفترة اللي جاية وهقولوكوا اذا كان في اي جديد
مرة اخري شكرا لكل من ساهم بصغيرة او كبيرة في هذا الموضوع ويارب اكون قدرت اضيف شيئ واسف علي الاطالة

يا باشا مشكور جدا كمل جميلك و ادينا صورة الكوتشه دى هههههههههه
ارجوك صورلنا صورة الكوتشه بتاعه الفلتر دى و لو عاوز اشتريها بتيجى مع الفلتر الاحتياطى او قطعة الغيار يعنى

**essam wahby** · 02-06-2013 09:37 PM

انا هتجنن حد يقولي انزل الصورة ازاي .... كل ما احمل الصورة يقولي فشل عملية التحميل ... ممكن تقولولي علي طريقة تنزيل الصور

الموضوع: حل مشكلة صوت الترزيع بتاع العفشه فى السيراتو.من كيا كوريا. بالصور ,موضوع خمس نجوم

LinkBack

أدوات الموضوع

عرض

-

-

-

-

المواضيع المتشابهه

تعديل تابلوه السيراتو (تعديل جديد )بالصور .موضوع 5 نجوم.

ركبت ultra racing bars(على السيراتو)الشدادات و المدعمات للشاسيه بالصور 10 نجوم و نسر

حل مشكلة التعويم و الحدفة الشمال او يمين من توكيل كيا كوريا (مؤكد بالصور)خمس نجوم

حل مشكلة صوت فتحة السقف فى السيراتو من كيا كوريا. http://www.kiatechinfo.com/

تعديل اعضاء نايل موتورز لسيراتو كوبيه و سيدان بالصور.موضوع خمس نجوم

الكلمات الدلالية لهذا الموضوع

المفضلات

المفضلات

ضوابط المشاركة