الموضوع: تحسين ساوند سيستم لشخص لا يفقه شئ في الصوتيات

بسم الله الرحمن الرحيم
السلام عليكم و رحمة الله و بركاته

بداية انا ببصم في حاجة اسمها ساوند سيستم يعني معلوماتي عنه زي معلومات سواق التوك توك عن سواقة الطيارة

كنت جايب عدة صوت مؤقتة و قولت هغيرها لكن رجعت في كلامي لكن دلوقتي و بعد 4 سنين بدأت أتأمر عليها ( ندالة بقي )

و هي عبارة عن كاسيت و 2 سماعات كلهم كلاريون
الكاسيت يعتبر عادي حتي مش فاكر موديله احسن حاجة فيه ان الوش بيتشال و يتركب مفيهوش اي امكانيات تانية :)
و السماعات ع ما اتذكر كانت 350 او 365 وات حاجة زي كده بيضاوي

طبعا الصوت مش عاجبني و عايز اظبط العدة ديه تنصحوني اجيب ايه ع اللي عندي بحيث يحسن الصوت و يديني بيز كويس


و اذا افترضنا اني هقلب العدة ديه كلها و اجيب ساوند سيستم جديد كله بايونيير
مع العلم اني عايز صوت فوق المتوسط و نقي جدا و البيز يكون محترم يشرف يعني

ايه موديلات الاجهزة البايونيير اللي تنصحوني بيها و السماعات و الصب و...ألخ...ألخ
و بفكر احط قدام في الباب او التابلوه سماعات صغيرة معرفش ديه اللي اسمها تويترات و لا التويترات ديه حاجة تانية , بس حاجة مش اساسية يعني ممكن استغني عنها

فايه اللي تنصحوني بيها و يكون سعره كويس
عشان احصل ع صوت فوق متوسط و نقي و البيز يكون حلو
و محدش ينسي ان الشنطة عندي صغيرة في الألتو يعني لو حد فكر يفتح فيها اوي يسيبلي مكان الكوريك حتي ههههههههه

في انتظاركم يا شباب

المشاركة الأصلية كتبت بواسطة mody_mt2007

ياباشا انت ممكن تغير الكاسيت بس و تجيب كاسيت بايونيير و هتلاقى الصوت اتظبط ان شاء الله

شكرا ليك بس اعتقد هيبقي حرام اني اسيب سماعتين مش اوي كلاريون و اركب جهاز بايونيير عليهم طب ما اجيب سماعتين بايونيير 400
و لا حضرتك تقصد اجيب ع السماعتين اللي عندي جهاز بايونيير كويس و صب ؟؟
و لا حضرتك شايف ايه ؟؟

المشاركة الأصلية كتبت بواسطة ahmedaglan

ياباشا هو كاسيت بايونير 7050 مع سماعتين كينوود 600 وات هتخرب الدنيا والتكلفة 1500 جندى وبالتوفيق

البايونيير 7050 امكانياته حلوة لكن بالنسبة السماعات الكينوود معجبتنيش زي البايونيير عشان كده عايز اجيب العدة كلها بايونيير
و شكرا يا باشا لردك :)

المشاركة الأصلية كتبت بواسطة ahmedaglan

معالي الباشا لاشكر علي واجب وعايز اقولك انك لو شفت الكينوود وسمعت ادئها هتغير رايك
لان البايو 600 وات 80rms
اما الكينوود ال 600 وات 150 rms

الحقيقة مسمعتش الصوت بس هحاول اسمعه لكن اعتقد ان الــ rms الزيادة دول مش مجانا للسماعات هههههههههه اكيد برده السعر حلو زييهم و الواحد مش عايز يفتح اوي في الساوند سيستم و حاطط رينج معين يعني الزيادة ديه اجيب بيها حاجة تنفع العربية من قطع غيار او كماليات احسن مش كده و لا ايه :)
بالمناسبة بقي ايه حوار صناعات البايونيير و الكينود في مصر دلوقتي لأن اخر مرة سألت ع البايونيير كان تايلاندي و دلوقتي ابتديت اسمع حاجات غريبة صيني و فيتنامي و تايواني هههههههه