الموضوع: تحسين ساوند سيستم لشخص لا يفقه شئ في الصوتيات

المشاركة الأصلية كتبت بواسطة axel

طب معلش انا مش فاهم ايه حوار الدابل كويل و السنجال كويل بس عامة انا هطنش الباب
يعني عايز اركب حاجة صغيرة في التابلوه قدام و برده شئ مش اساسي يعني ديه تعتبر زيادات ممكن ازودها بعدين و ممكن لأ

اللي يهمني دلوقتي الجهاز و السماعات و الصب و لو فيه اي اضافات تانية لازم تتجاب

دلوقتي هشوف موديل الجهاز اللي يعجبني زي 7050 او 6950 مثلا و لا هتبقي فيها مشكلة و لازم موديل معين ؟؟؟؟
بالنسبة السماعات يبقي بايونيير 600 بيضاوي زي مقولت
و الصب يبقي ايه يعني كام وات و يكون في صندوق ؟؟
و هل لازم اجيب جي ام و لا مش لازم و يكون كام وات و هو ايه لازمته في الليلة ديه

معلش هتعبكم معايا شوية
و باقي المعلومات و الميزانية و خلافه في المشاركة السابقة

بالنسبه للكاسيت 7050 ده حلو اوى الصب فيه بيبقى دبل بيز والعادى وبيتقال عليه دبل كويل وده بيبقى عايز جى ام لوحده علشان يقومه صح انت تجيب العادى ولازم الجى ام علشان توصل عليه السمعات والصب وبالنسبه للصب حسب انت بتحب ايه بتحب الصوت مكتوم والا بيز عميق البوكس بيرمى جوه العربيه حلو اوى والبازوكا بيرمى جوه وبره وتلاقى العربيه بترقع من كل حته بس والصب بايونيير 1400 وات والجى ام عندك 720 كينوود ده حلو وهيقومهملك حلو برضه

المشاركة الأصلية كتبت بواسطة Axel

طب تمام
يعني جهاز بايو 7050 + سماعتين بايو 600 وات بيضاوي + صب 1400 وات ( بوكس او بازوكا ) + جي ام كينوود 720 وات = الحسبة ديه تساوي كام كل واحدة فيهم ؟

و لو مثلا جبت الصب و ركبته ع بوكس او بازوكة اعتقد هتوفر حوالي 100-200 جنيه

و سؤال اخير هل الــ1400 وات الصب و الــ720 وات جي ام مش كتيير شوية ؟؟؟ و لا ده وات مناسب للقصة ديه ؟؟؟
لأني قبل كده سألت في محل بقوله صب 600 بيقولي كتيير كفاية 400 و نفس الموضوع بالنسبة للجي ام فهل ينفع اني اقلل الواتات شوية
يعني سماعات بايو 400 وات + جهاز 7050 + و ايه الصب و الجي ام اللي يمشي عليهم و لا مش هتبقي كويسة

لأني اكيد اللي يهمني جوة قبل برة و لو عوزت برة هفتح الشنطة و اسمع مصر كلها لأني هاتشباك و في نفس الوقت مش عايز افتح في المصاريف

و متنساش ان البطارية عندي 40 امبيير فهل هحتاج لـكابستور ؟؟؟؟

معلش عارف اني تعبتك بس استحملوني لأني جاهل بالصوتيات

الصب عامل 340 والجى ام عامل 750 والسمعات 350 وسلوك بتاع 100 جنيه كله 1450 كله والبوكس 100 يبقى كله 1550 والجى ام مش كبييير والا حاجه ده انت اصلا المفروض تشغله على جى ام لوحده ويكون سيمفونى 600 وات علشان يقوم صح لاكن انت كده هيديلك اداء حلو بس مش هتاخد اداء الصب كله وعلى فكره هى مش بتتحسب بالوات بتتحسب بrms

المشاركة الأصلية كتبت بواسطة Axel

الف شكر لتعبك يا باشا بس الحسبة كده هتقفل بتاع 2000 جنيه هههههههههه
و انا بقول 1000 جنيه كبيري 1500 لساوند سيستم بس
شكلها هترسي ع بايونيير جهاز و سماعتين 600 وات و فل ع كده و نبقي نبص للحاجات التانية الوحشة ديه بعدين ههههههههه

شكرا ليكم جميعا

بالتوفيق ياكبيييييير

بص يا كبير
ممكن تجيب كاسيت بايونيير 4350 او 3350
الاول ب حوالى 800 مثلا
التانى 700 و جاجه

مع سماعتين بايونيير 600 وات فى حدود 500 جنيه

و قدام شويه ممكن تجيب سماعتين فى الباب مدورين لو الفلوس مكفتش

او لو فى فلوس هاتهم بالمره هايبقى فى حدود برضه ال 300 جنيه
و كده يبقى تقريبا 1500 1600

لكاسيت و سماعتين بيضاوى و سماعتين مدورين
و بالتوفيق ان شاء الله :)

و لو حسيت ان الصوت محتاج زياده نبقى نقرر بعد كده

انا ميزانيتى فى نفس رينجك
قررت اجيب كاسيت سونى عشان ارخص بحوالى 300 جنيه وكاسيت محترم جدا