الموضوع: احماء السياره غير مطلوب وبالصور والمصادر من الكتالوجات

المشاركة الأصلية كتبت بواسطة pro_samir

أولا شكرا علي الموضوع

انك تدور ثواني وتمشي دي ميزه ، لو هم بيقولو كده في الكتالوج علي اعتبارها ميزه مش هتضطر تقف تسخن اوك ..

لكن هل "غير مطلوب" معناها انه فيه ضرر ؟

معتقدش ! اذا كان هو بيقول امشي بالراحه لحد ما تسخن ، وكتالوج منهم بيقول متدوسش بنزين بعد ما تدور سيبها سلانسيه ..

يبقي أيهما افضل انك تسيبها شويه تسخن ومفيش تحميل علي الموتور ؟ ولا انك تمشي بيها وتسخن مع المشي والتحميل ؟

انا بفكر بصوت يا ريت حد يفهمنا

كلمة غير مطلوب عندي في الكتالوج موضحة بان دا اهدار للوقت والمال والبنزين وان دا مش في صالح العربية
هو ايوة مش هيضرها بس مش هيفيدها !

المشاركة الأصلية كتبت بواسطة traple_m

يستحسن انك تسخن العربية قبل ما تتحرك علشان الزيت يسخن و يعمل دورة تزيت كاملة للاماكن الضيقة قبل ما تتحرك لاطالة عمر المحرك و موضوع الكتالوج دة علشان فى الدول الاوروبية بيكون باب الكراج محكوم و التهوية ضعيفة فاحيانا و حدث بالفعل بعض حالات الاختناق نتيجة عادم السيارات فلجأت شركات السيارات الى حماية نفسها من الناحية القانونية عن طريق كتابة ان تسخين العربية غير ضرورى

طب لو فرضنا ان انا بصنع منتج معين
من مواصفات المنتج انه ميضرش باللي يستخدمه
الجراجات المقفولة دي مشكلة أصحابها مش مشكلة مصنعي السيارات
يبقا انا لما اكتب في كتيب الاستخدام شيء انا بكتبه عشان دا الافضل للحاجة اللي انا مصنعها واللي انا عاملها
واللا ايه رأيك؟!

المشاركة الأصلية كتبت بواسطة pro_samir

في ملحوظه كمان محدش ذكرها بخصوص التسخين

وهي زيت الفتيس ! اكيد زيت الفتيس مش هيسخن والعربيه واقفه

ممكن افهم اني امشي بالراحه الأول علشان زيت الفتيس كمان يسخن

لكن زيت الموتور ماهو هيسخن وهي واقفه عادي ايه الضرر في كده لو مكانش افضل كمان !

زيت الفتيس مش هيسخن غير مع حركة العربية مش هيسخن وهي واقفة !