el 3arabiya mabtes7absh 5ales

**korayem** · 08-01-2009 05:15 PM

طلع ايه السبب؟؟

**adelmagdy** · 08-01-2009 06:55 PM

ولا حاجة بص علي تاريخ المشاركة هتلاقي المشاركة قديمة جدا

**korayem** · 09-01-2009 04:38 PM

مانا أخذت بالى عشان كده أستغربت أنك ما كملتش الموضوع و قلت ايه السبب فى كده من زمان

يعنى العربية لسه مابتسحبش؟

أصلى ناوى أشترى واحدة :k4: و بحاول أكون رأى على أساس السوباروية القدامى الأكثر خبرة

**adelmagdy** · 11-01-2009 02:41 PM

بص يا سيدي اللي لاحظته العربية علي حسب ماتعودها يعني تجري بيها يومين وتشد شوية تلاقيها بقت زي الفل ويوم تمشي بالراحة تلاقيها خدت غلي الوضع بس برضه انا كنت حاسس الاحساس ده علشان الاوتو بالنسبالي جديد بس لما جربت عربيات تانية اوتو لقيتها نفس الموضوع(الاوتو تحس ان دواسته تقيله شوية)

**ahmad7610** · 11-01-2009 04:03 PM

المشاركة الأصلية كتبت بواسطة adelmagdy

بص يا سيدي اللي لاحظته العربية علي حسب ماتعودها يعني تجري بيها يومين وتشد شوية تلاقيها بقت زي الفل ويوم تمشي بالراحة تلاقيها خدت غلي الوضع بس برضه انا كنت حاسس الاحساس ده علشان الاوتو بالنسبالي جديد بس لما جربت عربيات تانية اوتو لقيتها نفس الموضوع(الاوتو تحس ان دواسته تقيله شوية)

-
على فكرة والمانوال كمان :)
-
أنا قريت فى موقع تانى ان ال wrx بتبقى مقفولة كمبيوتر أول 5000 كم علشان تحافظ على الموتور أول 5000 كم وبعد كده المفروض بيظبطوها بالكمبيوتر فى الصيانة
-
لكن مش عارف فى مصر ايه النظام ..
-
انا معايا المانوال والعربية مفيهاش وسط .. ياما أطلع على الأول جامد ( لحد rpm 4 مثلا ) وبعدين تانى فى تالت ( دايما بنقل وال rpm قبل 4 بشويه ) العربية بتبقى بتجرى و صوتها عايز يتخانق ..
لكن لما أكون ماشى على التانى بالراحة جوه البلد والطريق قتح وعايز أجرى

العربية بتبقى تقيلة فى الأول ( برضه أنا مش عايز أقرص عليها فى أول 5000 ) بس بدأت أتعود عليها وعرفت امتى أخليها تجرى وامتى بالراحة .. لان الدواسة بتاعتها حساسة حبتين... ,,وسمعت ان ده بسبب التحكم الالكترونى فى الصمامات ...
يعنى العربية هى اللى بتحدد امتى تفتح وامتى تقفلها فى وشك .. على حسب طريقة سواقتك

-
يعنى ياما تبقى سواقتك على طول سبورت ياما تتعود على الهدوء

مفيش وسط

**adelmagdy** · 11-01-2009 07:51 PM

علي فكرة يا احمد انا رحت غملت صيانة ال15000 وقابلت الاستاذ هاني ستارز وقاللي المفاجئة خلال الاسبوع ده غيرت التيل والطنابير علي الضمان وبرمجو الecu وسئلت الاستاذ هاني علي البرنامج هل طلع فولتات في العربية قاللي لأ احنا بنزل سوفتوير للعربية علشان الكاتاليزر مظبوط علي جو اوروبا فبنغير السوفتوير اللي في العربية علشان يناسب اجوائنا والكاتالايزر ميتحرقش

**ouba2** · 11-01-2009 09:54 PM

الف مبرك صيانة ال 15000 وعقبال صيانة ال1000000
و ياريت تكون المفاجئة كويسة

**ahmad7610** · 12-01-2009 07:08 AM

مش عارف ليه حاسس ان المفاجأة خلاص حتكون فرع الصيانة فى اسكندرية .. لكن مستنيين المفاجأة ..
----------------
عادل ... هو التيل والطنابير انت غيرتهم علشان الرعشة برضه ... طيب دى أول مرة تغير التيل ..؟ أصل أخدت بالى ان دايما اللى عندهم الرعشة بيغيروا الطنابير عند ال 15 الف دايما ....
------------
وال ecu حسألهم عليه لو ينفع يتعمل بدرى يبقى أفضل برضه ..
-
وألف شكر ليك

**adelmagdy** · 12-01-2009 02:24 PM

انا رحت التوكيل العربية عاملة 17004كم رحت علشان الرعشة كمان تتطورت بقي لما تيجي تفرمل تحس بتخبيط المهم رفعوا العربية وجم يفكو التيل لقينا حاجة غريبة الشمال خلص لاكن اليمين متلمسش لسه فيه كتير فقولت للمهندس بم تفسر؟؟؟ قاللي تلاقي الصمام هنا محمل شوية بس طبعا قعدت واقف علي ايده لغاية ما اشوف الطنابير الجديده بعيني بس ما بقاش في رعشة خالص دلوقت انا حتي الان عملت 200كم بالطنابير والتيل الجداد مافيش مشاكل انا حتي الان ماشي بحسس علي الفرامل هي تقلت شوية عن ما كنت شاريها بس بالتطبيع بترجع واحدة واحدة

**Ahmed Hassan** · 13-01-2009 12:00 AM

المشاركة الأصلية كتبت بواسطة adelmagdy

علي فكرة يا احمد انا رحت غملت صيانة ال15000 وقابلت الاستاذ هاني ستارز وقاللي المفاجئة خلال الاسبوع ده غيرت التيل والطنابير علي الضمان وبرمجو الecu وسئلت الاستاذ هاني علي البرنامج هل طلع فولتات في العربية قاللي لأ احنا بنزل سوفتوير للعربية علشان الكاتاليزر مظبوط علي جو اوروبا فبنغير السوفتوير اللي في العربية علشان يناسب اجوائنا والكاتالايزر ميتحرقش

نصيحه لما تعوز تعرف حاجه اسأل المهندس ايهاب علشان توصلك المعلومه صحيحه.