السلام عليكم
عايز عربية لحد 100,000 وتكون اوتوماتيك عشان المدام, في إيه موجود؟
بس عايز حاجة مضمونة واعادة سعر البيع كويس
شكرا
عرض للطباعة
السلام عليكم
عايز عربية لحد 100,000 وتكون اوتوماتيك عشان المدام, في إيه موجود؟
بس عايز حاجة مضمونة واعادة سعر البيع كويس
شكرا
زود شوية كمان وهاتلها اوكتافيا ايه فايف مستعملة
نيسان صني زيرو اوتو ب 93 الف تقريبا
اكسنت ار بي 103
بروتون جين تو 92
اوبترا99
صني سوبر صالون104
صني 97
احسنهم في اعاده البيع بالترتيب صني-اكسنت-اوبترا-بوتون
احسن توكيل فيهم نيسان
اشيك عربيه اكسنت-جين تو
اعلاهم استهلاك بنزين صني
اقلهم مشاكل و اكثرهم عمليه جين تو -اوبترا
المبلغ 10 الاف
ولا 100 الف
هات سيراتو اول فئه اتو
نيسان صنى الافضل توكيل - اعتمادية - تحمل - خدمة شاقة - امان
واستهلاك البنزين مانيوال 250 كم / الصفيحة
و220 كم اتوماتيك
اكسنت ار بى 103
اوبترا 102
نيسان صنى 96
هات النترا الشكل القديم
او من رايي ممكن تجيب فيرنا اوتوماتيك لانها مش محتاجة امكانيات عالية وتوفر فلوسك
أصوت لصالح الصني أو لو تعلي شوية صغيرين وتجيب بومة أوتوماتيك.
You can Check Sirion 1.3 GLX auto
زود 5000 بس وهات صنى سوبر صالون
زود 10 الاف وهات بى ام دبليو 318 2002 بيز لاين
عربيه حديده وحلال فيها الفلوس وصيانتها ارخص من الكورى واليابانى الجديد
اصوت لصالح الصنى بس خد بالك من موضوع البنزين لانها فعلا عاليه فى الاستهلاك
صني
nissan sunny +abs 97000 l.e
السلام عليكم
أنصح حضرتك بالتوجه للمدرسة الأوروبي سواء في شراء المستعمل أو الزيرو حيث معدلات أمان أعلى من الياباني والكوري -وبالطبع إنسى الصيني ولو ببلاش- بالإضافة لكفاءة محركات الأوروبي والتجهيزات المحترمة وقوة الأداء مع الاحتفاظ بالشياكة أو البرستيج وخير دليل زي ما تفضل أخ ونصح بشراء bmw الفئة الثالثة أوئل الألفينات ومن السهل الحصول على حالة جيدة جدا منها، ممكن فولكس بورا 2004-2005 حديثة وممتازة ولن تتعدى التسعينات، أوكتافيا a4 2009-2008 قطع غيار مناسبة ومتوفرة ولن تتعدى التسعينات، وما شابه مما سبق، والكل أوتوماتيك جميع الكماليات ثبات على الطريق في السرعات العالية ووسائد هواء وقوة محرك وفرامل abs وغيره. وطبعا الألماني يكسب علما بأن الصيانات والإصلاحات تستمر لمدة طويلة وقطع الغيار بتركبها وتنساها ولو حسبت التكلفة هتلاحظ إنها معقولة جدا. وبالتوفيق،،،،
النيسان صنى ذى الفل عن تجربة
طالما للمدام يبقي في عربيه تانيه لحضرتك رأي فكر في عربيه صغيره وتكون زيرو علشان أنت عارف الستات مش بيعرفوا في العربيه غير المفتاح ودواسة البنزين بس ( مش عايز ضرب ) ويكون الموتور سي سي قليل ولو بنفس السعر اللي حضرتك حاطه هتلاقي حاجات كتير وهتختار كمان أوبشنز أعلي فئه
ورأي شوف الرينو سانديرو
أكسنت rb ....
هى الأشيك فى رأيى ....
احسن الاختيارات
نيسان صنى
كيا سيراتو
اكسنت rb
نيسان تيدا - لانسر بومة
و عربية عائلية يبقي كيا كارينز بدون نقاش
نيسان صني بدون تردد و لو سوبر صالون يبقي كده من الآخر .
موتور زي الوحش - صاج محترم جدا - عفشه بتاعه شغل شاق - صالون حجمه معتدل - تكييف ثلاجه - شنطه وسعها جيد - قطع غيار متوفره في كل مكان ( اصلي و ياباني و تايواني و صيني كمان ) .
توكيل قوي جدا جدا و محترم و بيراعي الزبون لتمام الرضاء .
موضوع البنزين قتل بحثا و مناقشه علي المنتدي و اتضح ان زيها زي اي 1600 و الموضوع موضوع سواق قبل ما يكون موضوع العربيه نفسها .
أنا من رأيي تجبلها كيا بيكانتو أعلى فئة أوتوماتيك بـ 96000
أو هيونداي i20 أعلي فئة أوتوماتيك بـ 96900
أو سوزوكي سيليريو أعلي فئة أوتوماتيك بـ 72000
و أتمني الرد يساعد
النيسان صنى العفشة خشنة شوية
وكمان دى للمدام يعنى عايز عربية حجمها معقول مش كبيرة قوى زى الصنى
انا ليا زملاء فى العمل بيقولوا لى عفشتها خشنة لانى كنت بافكر اشتريها وبعدين صرفت نظر
ياريت تقولنا استقريت على ايه ؟
اوكيه
واللهي يا جماعه الناس الي بتشكر في الصني دي لو ركبت الصني 2003 الياباني هيعرفو ان الي ركبنها مش نيسان اصلا
:redeye: نفسى اعرف ايه الفارق الرهيب بين الاتنين اذا كانت اللى راكبينها دى مكوناتها الاساسية موتور وعفشة وفتيس وكاوتشات كلها يابانى 100% ومتجمعة هنا وبس
ومش شايف حاجة مصرى فيها غير كاوتشات الابواب وزجاج جريش وبطارية كلورايد سائلة وكراسى فوم وتابلوه بلاستيك وضفيرة الكهرباء يعنى حاجات غير مؤثرة
يعنى لا شوفت مثلا كاوتشات نسر (نازلة بريدجستون يابانى الفردة فى التوكيل ب600ج وبرة ب580ج) ولا فوانيس مصرى ولا تيل فرامل ولا فلاتر وسيور ولا اى جزء مؤثر
يبقى ايه الفارق بقى ؟!!!!!!!!!!
آه نسيت اقول لحضرتك ان ال2003 اليابانى كانت 1300 سى سى عشان تمنها كان 107 و 110و115 الف ج ومفيهاش نص اللى موجود دلوقت من كماليات - بعد تعويم الجنيه وقبل تخفيض الجمارك ووقتها برضه البومة وصلت 150 الف ج والكورولا ال1300 كانت بتبدأ من 128 الف مانيوال بتكييف وباور وازاز منافلة
انما دلوقت 1600 سى سى المصرى التعبانة الفول اوبشن مانيوال ب89 الف بعد اما كانت ب83.5 من سنة لاول فئة ex saloon
يا عم هدي اعصابك انا مقصدش ان دي وحشه واللهي ومليش دعوه بالجنيه المصري والتعويم والحاجات دي كلها يا عم:majd(4): ولا الاوبشن ولا الفرامل ال ابي اس والحورات دي كلها انا الي اقصده نعومه العربيه وحلوتها في السواقه تحس ان ليها شخصيه ,بص انا صاحبي كان معاه ال2003 وكنت بسوقها كتير جميله جدا متورها وحش ثباتها مش اد كدا مش هي دي القصه الفكره في الراحه وحبك لسوقتها جاب بعد كدا الصني الجديده كان فرحان بيها واول ما ساقها اتصدم وانا زايو بجد مش عارف احدد انا سايق ايه حاسس اني سايق عربيه نقل ومش نقل وعشان تعرف كلامه لو جتلك فرصه تسوقها جرب
تقبل مروري
بيكانتو 2012 او سيريون
ياريت والله نفسى اقابل حد اعرفه عنده 2003 عشان بس اقعد جنب السواق مش اسوقها عشان احكم بنفسى باذن الله
وانا بافسر احساس حضرتك وصاحبك ده فى العفشة الناشفة شوية للصنى وممكن كانوا زمان مش منشفينها اوى كده
مع العلم نفس التصميم فى العفشة انا شايفه من موديلات 96 لحد دلوقت متشابه خاصة العمود المتصل (الدنجل) فى الخلف
هار أسود,, :majd(4):
العربيات المعوقة دى بالأسعار دى..؟؟؟!!!
بيكانتو ايه و i20 ايه يا جماعة اللى بـ100 ألف ؟؟؟!!!!!!!!!
مش ممكن..؟؟!!!
والسيليريو دى مسروق منها بستم كاااااااامل (مش 3 سلندر برضه)..؟؟ موتوسيكل ونص!!
دى عربيات Sh*t يا جدعان..؟!! :facebowling:
أمال الأوروبى الـSuper-Mini يتباع بكام؟؟!!
+111
أحييك على الكومنت ده أووووووووووى..!!
كان عندنا واحدة فـ المصنع قالبة عداد يعنى معدية المليون كم؟؟!!! وكان طوب الأرض بيركبها (حتى بتاع الأمن).. والله تركبها ولا الهوا: عربية.. أصلى أصلى..؟؟!!!
على الرغم انها كانت 1300cc فعلا, ومانيوال.. بس رااااااااائعة.. جرى, نعومة.. فرامل وهاندلينج.. تمااااااااااااام..!!
متزعلش أوى كده يا أستاذ y2y1500
أنا اول ما قريت الرد بتاعك.. عرفت انك ماركبتهاش..؟؟!!! :frown:
فعلا العربية دى غير اللى انتو راكبينها خااااااااااااالص, e Respect
آه المصرى عربية محترمة بالنسبة لسعرها.. بس معلش لا تقااااااااااارن بالصنى بتاع 2003 الـ1300cc فى "السواقة"
يحطوا ABS+EBD أيرباجز.. أوكسجين sensor, يعبوها أوبشنز... انسى,,
مش هيعرفوا يعملوا واحدة زيها تانى..!! :redeye:
ههههههههه
أستااااااااااااااااذ يابنى والله.. تانى مرة.
هى فعلا ثباتها (فوق) مكانش قد كده.. فـ الـstraight تمام عادى, لكن ملفات وغرز وكده.. لأ.
واحدة زميلتى فـ الشغل, كانت عايزة عربية فـ حدود 100 ألف أو اكتر,,
وكانت هتجيبها قسط (تبع النقابة, يعنى 6-7% وعلى 6 سنين تقريبا)..!!
قلتلها البونتو أيفو, الفورد فييستا أو أوبل كورسا..
راحت اتفرجت عـ الـ3.. انبهرت بالأيفو (عشان tank الأوبشنز والـstyle).. جبتلها جراند بونتو تجربها.. (على اساس انها أقرب حاجة ليها فـ السواقة), مش هاخدعها وأسوقها برافو يعنى..!! :ma:
كام يوم لقيتها جابت صنى كاملة, فوق الـ100 بشوية..؟؟!!! :bigeyes02:
أيه اللى حصل؟؟.. قالولى الفيات "بيسخن", و البونتو ايفو دى "طلقة" وانت مش محتاجة عربية كده..؟؟!!! :grinder: طبعا no comment المعلومتين غلط..!!
سوقت العربية ياعم, أيه ده يا بنتى؟؟؟!!!:8954[1]:
معلش ده رأيى, ومش بقارنها بأى عربية أوروبى.. بقارنها بالكورى واليابانى (حتى لو أغلى سيكا)..؟!!
- الدركسيون تقيل, مفيهوش أى precision.. حتى الـdrive-feeling سىء.
- أبعاد العربية وحشة جدا, فيه حتت زيادة من قدام وورا (قدام بالذات بوز).. مالهاش أى لازمة, وبتخلى الحركة فـ الزحمة مزعجة جدا.. دانا ماكنتش عارف اطلع بيها من الركنة.؟؟!! روحت ورجعت 3-4 مرات؟؟!!! مش dynamic كده.
- الفتيس بينتش فـ الغيارات (1st و 2nd أكتر), مش نعومة فتيس أوتو خاااااااالص..!!
- الرؤية فـ المرايات سيئة جدا (مصفرة كده, والتجميع بتاع المراية للشارع ضعيفة أوى)..؟؟!!
الصراحة: مش عربية بنات أو ستات نهائيا.. قديمة أوى؟!! :girlsthink:
الكلام ده برضه للأخ العضو الـthread starter كماااااااااان.. :colsmil:
وبالتوفيق isA فـ الأختيار,
بيكانتو او سيريون الاتنين يمشوا حسب الذوق ... الصني ماعتقدش انها رجالي يعني بس برضه ممكن تدخل في الاختيار حسب الذوق...اكسنت rb لو عايز حاجه تحافظ عالسعر