فيه حد عنده معلومات عن حظر تجوال اليوم
عرض للطباعة
فيه حد عنده معلومات عن حظر تجوال اليوم
لغاية دلوقتى لأ
زميلتي في الشغل زوجها احد القيادات العسكرية ابلغها باحتمال حظر تجول اليوم في مناطق الخطر من الرابعة عصرا
وبقية المناطق من العاشرة مساء
ويتم مناقشة الامر في القيادة العسكرية حالا
وهي بعتت السواق ياخد العيال من المدرسة تحسبا للطوارئ
في إسكندرية تم إبلاغ المدارس بصرف التلاميذ لبيوتهم وبدء حظر التجول من 3 عصرا إلى 6 صباح اليوم التالي حتى إشعار آخر
ربنا يستر
انا سامع عن منشورات بردو فى بعض المدارس فى القاهرة و ذكر اسم يحيى الرافعى, هل فيه جديد؟؟؟؟؟
عندنا فى الشغل قالولنا ان المشى الساعة 3
ونفس الاشاعات عندنا في الشغل ولم يتم ارسال ميل رسمي
ولكن هناك كلام من القصر العيني بفرض حظر تجول من السادسة مساء للسادة صباحا بكل البلاد
مفيش داعى لحظر التجول , المشكلة كلها فى وسط البلد , يبقى يشل باقى البلد و يعطلها ليه ؟ يا رب تكون اشاعة
من الساعة 11 صباحا
قامت أدارة بعض المدارس فى الدقى بالاتصال باولياء الامور للحضور و اخذ اولادهم
الكلام دة من الساعة 11 صباحا
يا جماعه كل دي اشاعات مفيش حظر تجول ولا حاجه لغايه دلوقتي
عاجل : جامعة اسيوط توقف الدراسة لاجل غير مسمى
اكدت مصادر من جامعة اسيوط ان الجامعة قررت ايقاف الدراسة بها من اليوم ولاجل غير مسمى .
واكد عدد من الطلاب ان الجامعة اخبرتهم اليوم بايقاف الدراسة ولم تحدد موعدا للعودة .
يأتي ذلك في ظل الاحداث الراهنة في ميدان التحرير وخروج طلاب الجامعة في مظاهرات منددة بالعنف المفرط من الامن تجاه المتظاهرين .
واكد الطلاب ايضا ان الانتخابات التى تجرى الاسبوع القادم القت بظلالها على اجواء الجامعة وهو ما حدا بالادارة الى ايقاف التدريس بها خوفا من انداع اعمال عنف بها .
محافظ الاسكندرية ينفى حذر التجوال ويؤكد على ممارسة كافة الاجهزة
قالت مصادرنا المطلعة داخل محافظة الاسكندرية أن محافظ الأسكندرية الدكتور أسامة الفولي نفي وجود أي تطبيق لحذر التجوال بمدينة الأسكندرية اليوم "الثلاثاء" مؤكدا أن كافة الأجهزة التنفيذية بمدينة الأسكندرية تمارس عملها بصورة طبيعية .
جاء ذالك بعد أن أنتشرت فى الاوساط السياسية ونشطاء المجتمع المدنى منذ مساء أمس بفرض حظر التجوال على المحافظة فضلا عن فرض الاحكام العرفية وهذا مانفتة المحافظة .
في تعليمات للبنوك انها تقفل وبيقولوا قفلوا كوبري اكتوبر
ممكن حد يأكد او ينفي الخبر ده
الى وقف البورصة لغاية دلوقتى
والخسائر 10 مليارات
إيقاف التداول بالبورصة ساعة
كتب: صلاح الدين عبدالله منذ 39 دقيقة 44 ثانية
أوقفت البورصة جلسة تداول اليوم لمدة ساعة بسبب الهبوط المتواصل للأسهم والمؤشرات على خلفية تصاعد الأحداث بالتحرير.
وقال رئيس البورصة محمد عمران :القانون كفل لرئيس البورصة اتخاذ قرار بتعليق التداول حسبما تقتضيه الأمور مشيرا الى أنه لم يتخذ قرارا لتعليق التعامل بشكل مستمر وإنما لفترة ساعة نتيجة الخسائرالقوية .. وستعاود البورصة تداولها بعد انتهاء المدة.
وخسر رأس المال السوقي للاسهم المقيدة نحو 10 مليارات جنيه ليصل إلى 292 مليار جنيه كما هبطت المؤشرات بين نسب تتراوح بين 4 و 5 فى المائة تجاوز المؤشرات نسب الانخفاضات المقررة هبوطا .
اقرأ المقال الأصلي علي بوابة الوفد الاليكترونية الوفد - إيقاف التداول بالبورصة ساعة
في بعض القطاعات الحكوميه طلبوا من الموظفين الإنصراف من حوالي ساعه
البورصه اشتغلت تانى و الخسار بتتزايد
اول منشور رسمى للبنوك وهو الانصراف الساعه 2 والتعامل مع الجمهور حتى 1.30
المشير طنطاوى يلقى بياناً للأمة خلال ساعات
الثلاثاء، 22 نوفمبر 2011 - 14:33
أعلن التليفزيون المصرى، أن المشير حسين طنطاوى، رئيس المجلس العسكرى، سيلقى بيانا للأمة خلال ساعات.
يأتى هذا القرار فى الوقت الذى يجتمع فيه الفريق سامى عنان، رئيس أركان القوات المسلحة، مع القوى السياسية حالياً بمقر وزارة الدفاع.
متحدث رسمى ينفى حظر التجوال
القاهرةـ أ ش أ: منذ 12 دقيقة 57 ثانية
نفى متحدث رسمى مسئول ماتردد عن أنباء بفرض حظر تجوال على خلفية أحداث ميدان التحرير ، والمصادمات التى تجرى بالقرب من وزارة الداخلية .
وقال المتحدث لوكالة أنباء الشرق الأوسط: إن ما تناقلته بعض وسائل الاعلام فى هذا الصدد غير صحيح على الاطلاق ، وأهاب المتحدث بكافة وسائل الاعلام تحرى الدقة والابتعاد عن اثارة الشائعات التى من شأنها إحداث القلاقل.
اقرأ المقال الأصلي علي بوابة الوفد الاليكترونية الوفد - متحدث رسمى ينفى حظر التجوال
الموضوع رسمي يا جماعة حتى الكلية عندي لغوا الإمتحان بتاع النهاردة والكلية عندنا اخرها 2 مساءا وتقفل بعد كده ..
حتى الان مافيش اي اخبار عن حظر تجول رسمي
لكن عندي في الشركة فرعين لبنوك كبيرة قفلو من الساعة 3
وسحبو كل الفلوس من ال atm
وصدر قرار بخروج الموظفين من شركتي الساعة 4 العصر
وتم ارسال ميل رسمي من مدير امن الشركة باخلاء مسئولية الشركة عن تواجد اي موظف بالشارع وتعرضه لاي خطر بعد السادسة
واعلان مصر منطقة غير امنه وتوقف جميع رحلات العمل اليها الا في الضرورة القصوى
رغم اننا واخد عقد تجديد مولدات السد العالي وده ن اكبر صفقاتنا السنادي :-(
يوم الاحد اجازه كل عام وانتم بخير بمناسبه راس السنه الهجريه
مش عارف بقا يا استاذ هشام اخبار باقى القطاعاتاقتباس:
قررالبنك المركزى اعتبار الأحد 27 نوفمبر/ تشرين الثاني 2011 عطلة رسمية بالبنوك ووحدات الجهاز المصرفي بمناسبة الاحتفال برأس السنة الهجرية.
وذكر البنك فى بيان الثلاثاء ان العمل سيستأنف بجميع البنوك اعتبارا من الاثنين الموافق 28 نوفمبر.
وانت واحشنى والله يا هشام بك
البنوك كلها شغاله بالاحتياطى الحمد لله انها ماشيه والحمد لله ان البنوك شغاله فى ظل الظروف اللى بتحصل
الحمد لله البورصه النهارده استعاده 4 مليار من خسائرها وده سبب انها بتشتغل
انا عن نفسى لسه فى الشغل وانا وغيرى كتير لو نقدر نعمل حاجه اكتر من كده مش هاتاخر
بنكنوت هههههههههههههههه ياريت والله
على فكره البنوك بطلت موضوع الاجندات والنتايج والحاجات دى من كذا سنه على اساس ان روؤساء البنوك اللى راحوا بيوفروا ودى من ضمن الحاجات اللى بتهدر الاموال
انما العربيات والشاليهات والمكاتب واللابات دى من الحاجات الاساسيه
حزب الوفد يدعو لفرض حظر التجوال بشارع محمد محمود
تفتكروا دى البدايه
ربنا يستر على يوم الجمعه الجاى