ازاييك يا بشوي واحشني كتير
بالنسبة للطرق اللي بمشي فيها : طريقي هو الدائري وطرقي كلها ممهدة بس انت عارف احنا في مصر والمطبات بردو ما شاء الله عليها
بالنسبة للسمكرة اتكلفت 150 جنيه
ألف مبروك يا باشا عالصيانة .. و عقبال صيانة المليون .. وخد بالك من نفسك بعد كده عشان الترلات مافيهاش هزار وبيخشوا مابيهمهمش .. ابعد عن الشر وغنيله ههههههههه
مبروك يا حبى على الصيانة .. وعلى السمكرة .. والحمد لله انها جت على قد كدا .. وقدر الله ماشاء فعل
وبخصوص ايمن .. ايمن من الناس المحترمة .. والناس الجدعة جدا وولاد البلد
وموضوع الكاوتشة .. انا معاك .. لو طلع كاوتشة التراب دى مصرى .. مفروض تتغير فى الضمان عشان كدا تدخل فى عيوب الصناعة .. لان الكاوتش المحترم .ز مش حيتقطع على 20 او 30 الف .. فياريت يخلى بالهم من النقط دى
ربنا يستر وميحصلش عيوب فى الصنى الجديدة لما يقفلوها هنا
اولا: 1000 مبروك على الصيانة وشكرا ع التقرير الجميل ده :B4_388: اللى اول مرة اشوفه دلوقت مش عارف ازاى !!! :majd(4):
ثانيا: تغيير كاوتشات المساعدين ده بيرجع من نوعية الطريق وما تستهونش بالدائرى يا استاذ احمد كفاية انك بتبقى ماشى على 100 وتعدى على فواصل مش موجودة اساسا او تنزل فى نقرة والهبدة ترزع فى المساعد واللى عرفته ان الكاوتشات دى بتحمى ان المساعد ينضغط للاخر يعنى حماية له وكمان تغييرهم وقاية عشان لو سيبتهم مقطوعين انك تعجل بتغيير المساعد نفسه قبل ميعاده وانا برضه غيرت الاتنين الاماميين ب300ج فى صيانة ال40 الف كم (تمن الكاوتشة الواحدة 65ج + مصنعية تركيبها 85ج لأن تركيبها يستلزم فك العفشة من تحت والركبة كلها) :redeye: وده كان بسبب الطرق المليانة مطبات اللى بامشى فيها ومرة عند 32 الف كم اخدت مطب محترم على 50-60 كم لأنى ما شوفتوش باليل
ثالثا: الف سلامة على الخبطة اللى واضح من وصف حضرتك انك كنت واقف ورا التريلا وزهقت وطلعت يمينها والطريق كان واقف فريح عليك وهو بيتحرك لقدام .. حصل خير وجت سليمة الحمد لله بس خد بالك المرة الجاية