النيون اللى تحت العربيه

**BESO516** · 22-11-2011 06:31 PM

مساء الخير ياشباب ويارب تكونوا بخير وتكون مصر كلها بخير وسلام ويخرجنا الله من هذه الأزمات اقوى واعلى الأمم بأذن الله
كنت عايز استفسر على النور الأزرق اللى بيكون تحت العربيات لأنى بفكر بجديه اعمله فعايز حد يكون جرب وفاهم اعمل ايه ؟؟
- ليدات شرايط
- لمض عاديه زرقا
ولا ايه فياريت اللى عنده خبره فى الموضوع ده يقولى

**Amr Axel** · 22-11-2011 08:15 PM

قدامك حل من الاتنين

اولهما تجيب شرايط ليدات و تركب تحت كلا من الاكصدام الامامي و الخلفي و العتب و تكون بزاوية مايلة شوية عشان تفرش تحت العربية كويس و دي بتعتمد ع حسب هتحتاج كام شريط 60 سم او 120 سم لو فيه
ميزتها انها مش هتكسر لو خدت مطب بس ممكن في اي وقت تفصل او تتأثر لو اتحكت لكن تتغير

و الحل التاني لمبات نيون و دول 4 لمبات هتركبهم و عليهم غطا بلاستيك يحميهم بس سعرهم اغلي طبعا
لكن عيبهم ان ممكن اي مطب عالي شوية او طوبة راحت اللمبات و الفلوس اللي ادفعت يعني متنفعش عندنا اساسا
ميزتها ان اضائتها افضل من شرايط الليد تحت العربية

و المصنعية ع حسب الكهربائي اللي هيركبهملك

و بالتوفيق ان شاء الله

**Amr Axel** · 22-11-2011 08:40 PM

المشاركة الأصلية كتبت بواسطة samooh2010

طب انا لو عايز لمبتين نيون الصغيرين بس ينفع ولا لازم الطقم
و الطقم بكام ؟؟؟
و لو ينفع اللمبتين يبقى بكام ؟؟؟

الحقيقة مقدرش افيدك في الاسعار دلوقتي :(

**BESO516** · 22-11-2011 11:17 PM

شكرا ليكوا ياشباب وان شاء الله اشوف الكهربائى هيقولى ايه احسن وبأذن الله انقله لكوا

**samooh2010** · 23-11-2011 08:25 AM

المشاركة الأصلية كتبت بواسطة eldell

الطقم كله كااان عند جو ب250 جنيه ده من حوالى فتره لاكن دلوقتى مش عارف والله

انا سمعت عن جو كتير بس مش عارف هو فين

**BESO516** · 23-11-2011 06:35 PM

وانا كمان نفس الكلام مش عارف مكانو

**madaxman** · 24-11-2011 01:01 PM

المشاركة الأصلية كتبت بواسطة eldell

الطقم كله كااان عند جو ب250 جنيه ده من حوالى فتره لاكن دلوقتى مش عارف والله

الطقم انا جايبه من عند جو ب 450 وكان أزرق واحمر ال 2

المشاركة الأصلية كتبت بواسطة samooh2010

انا سمعت عن جو كتير بس مش عارف هو فين

جو فيه فرعين فرع في ألماظه وفرع في مساكن شيراتون بس لما تروح روح فرع ألماظه عشان بحسه مليان اكتر من فرع شيراتون

والي صاحب الموضوع انا جبت اللمبات النيون وفي اول يوم تركيب بعد ما طلعت بالعربيه اللي ورا اتكسرت وبعدها اللي في الجناب اتكسروا مش فاضل غير ال قدام بس وبلاش تجبها لأن في تركيبها صعبه وأضائتها معجبتنيش اوي يعني روحت عملت الشرايط والنتيجه احسن منها بكتيرطبعا

انا مركب في كل جنب شريط 120 سم وشريط 60 سم وواخد جنب العربيه كله من الاول للأخر والأضائه بسم الله ماشاء الله قويه جدا واللي بيشوف النور بيفتكرني مركب نيون وانا مركب شرايط لونها احمر اما عن طريقه التركيب
انتا لو غاوي ممكن تركبهم بنفسك زيي كدا

وتخلي بس الكهربائي يوصلهملك

-اول حاجه هتعملها هتغسل مكان اما هتركب الشرايط تحت العربيه كويس

-هتجيب الشرايط واللزق بتاعهم كويس هيمسك بس مشكلته هيفك بعد فتره ف هتروح تجيب أمير وتحط علي مسافات كدا ع شريط الليدات بس أهم حاجه تحط في الاول والاخر جامد عشان دي اول حته بترخي لما اللزق يضعف

-هتلزق وتمام بعد كدا تجيب سيليكون وتحط من برا ع شريط كدا وتلزق عشان الشريط يبقا ماسك نفسه وتنساه خالص

اما عن سعر الشريط ف انا جبت ال 120 ب 15 جنيه من التوفيقه وعن الأضائه ف أقوي نور شوفته كان الليدات اللي لونها ابيض بيبقا النور لونه روعه وجامد كدا وبالتوفيق

**samooh2010** · 24-11-2011 01:23 PM

معلش هتقل عليك شويه ممكن عنوان جو فى الماظه بالتفصيل شويه
و لو عندك صور لعربيتك باليدات

و الف شكر.....

-

-

الموضوع: النيون اللى تحت العربيه

LinkBack

أدوات الموضوع

عرض

-

-

-

-

-

المواضيع المتشابهه

النيون رينج اللى بيتركب على السماعات

ايه نظام قطع غيار النيون ؟؟؟؟

حد عنده فكرة عن اللمبات النيون اللى من غير ترانس او ستارتر ؟؟

حد عنده معلومات عن النيون

سؤال عن لمبات النيون

الكلمات الدلالية لهذا الموضوع

المفضلات

المفضلات

ضوابط المشاركة