الموضوع: الي كل من يمتلك لانسر الكريستاله

المشاركة الأصلية كتبت بواسطة kemo

بتحط بنزين كام ؟؟؟؟؟؟ وبتكون ماشي علي d ولا حاجه تاني


انا بحط 92 وبمشي على ال d عادي

طيب الحكايه دي بقالها كتير ولا لسه من قريب ؟؟؟
وبقالها قد ايه ؟
وبتمون من نفس البنزينه ولا بتغير ؟

المشاركة الأصلية كتبت بواسطة kemo_nagy

شكرا يا اب نيمو والف شكر يا جيمانو....يا جماعة طب انا بعد ماركبت 12 خابور فى الفردة اليمين و 8 فى الفاردة الشمال من ساعتها و انا عايز اغير كاوتش بس يكون اريح من اللى راكب عشان اللى عندى فى المطبات دوشة قوى..... تنصحونى اجيب اية و مقاسوا اية انا الجنط عندى 13 و برضوا محتاج اغير بطارية اجيبها 55 ولا 70 و جفة ولا سائلة؟؟وعايز اغير زيت وهى صاحبها قالى انو حاطط موبيل 1 مش عارف اكمل على كدة ولا احط موبيل ال xhp؟
معلش طولت عليكو والف الف الف الف شكر و جزاكوا الله كل خير

ولا يهمك يا مان بس انا انصحك خليك علي نفس مقاس الجنط الاصلي بس ابقي زود العجل 28 وهتحس انه نايم شويه بس عادي وياريت تجيب كاوتش ياباني وبلاش الخابور اللي بيدمر الفرده خليك في المكواه هي ضاره اه بس بالنسبه للخابور فا هي ضررها 5% من الخابور وبالنسبه للمقاس هات فرده اعلي من الاصلي شويه وهتلاقي المقاس مكتوب عندك في قايم الباب الشمال بتاع السائق خلي بالك ان هي اعلي مش اعرض العلو شيء والعرض شيء وبالنسبه للبطاريه جافه طبعا احسن ومافيهاش مشاكل انا راكبه عندي بقالها 5 سنين وبالنسبه للأمبير ده زي ماتحب يعني لو مركب عده صوت وجي ام والكلام ده او ناوي تركب يبقي 70 امبير لكن لو معندكش ومش ناوي يعني العربيه استاندر المصنع يبقي خليك 55 امبير
وبالنسبه للزيت موبيل 1 طبعا بس بيني وبينك انا استريحت لشل بس انا بغير اللي هو كل الف كيلو بس فرق معايا جامد وبعدين حرقت عليه اكتر من موبيل لأن موبيل انا بنزله 1200 او 1300 بالكتير لكن شيل بغيره علي 1500 وبيكون كويس مش محروق اما بالنسبه لموبيل اللي انت بتقول عليه فا انا بصراحه معرفوش او مسمعتش عنه خلي حد عارفه يفيدك فيه لأني مش هقدر اقارن لعدم المعرفه
واي خدمات نحن في الامر ,,,

المشاركة الأصلية كتبت بواسطة momo44

ممكن نعرف انت جبت تيل الفرامل ده منين

من عند بتاع قطع الغيار بس انزل التوفيقيه احسن وهو اسمه تقريبا كده جرين لاين وهو ياباني وفي منه كذا نوع للعربيات كلها

المشاركة الأصلية كتبت بواسطة kemo_nagy

يا جماعة انا غيرت فلتر الزيت و فضيت زيت المتور و حطيط زيت شل 4 كيلو و مقياس الزيت معدى الماكسيمام بكتييير.....ياريت حد يقولى الانسر بتاخد زيت اد اية مع الفلتر وهل أنزل شوية ولا أسيبة كدة؟

هو طبيعي هتلاقيه معدي لأن انا كنت بحط 3 إلا ربع وباردو كان بيعدي
بس انا عرفت انه 3 ألا ربع وانا دلوقتي بحط 3 في العادي
ومع الفلتر تزود نص كيلو يعني كلو المفروض يكون 3 ونص
لكن 4 ده كتير حاول تنزل نص

المشاركة الأصلية كتبت بواسطة kemo_nagy

يا جماعة انا غيرت فلتر الزيت و فضيت زيت المتور و حطيط زيت شل 4 كيلو و مقياس الزيت معدى الماكسيمام بكتييير.....ياريت حد يقولى الانسر بتاخد زيت اد اية مع الفلتر وهل أنزل شوية ولا أسيبة كدة؟

٤ كيلو على موتور ١٣٠٠ ؟!!
دة الموتور ينفجر :)


Thanks
Eng.Sherif Shaker