الموضوع: تأجيل مقابلة الصقوووور ...... وكـل تأخيرة وفيها خيــرة !!!!!

انا هاعمل حسابي ان شاء الله علي اللي توافقوا عليه

و16-12 عيد ميلاد سونتي .... ربنا يحفظها ويحميها :)))

المشاركة الأصلية كتبت بواسطة mhmdalsaadany

بعد اذن منتدى نيسان والصقور كلها انا مش معايا نيسان لكن والله انا من اول الموقعين على معاهده شيفروليه ونيسان وبموت في كل اعضاء نيسان اخواني واحبائي وانا بسلم عليهم كلهم وبقلهم وحشتوني جدا فممكن بعد اذنكم لو المقابله يوم 16/12 احضر معاكم لو مش هيضايق حد عشان انا من بره القسم بعربيتي الشيفروليه لكن بحب كل الناس فيه ومقدرش مشفهمش فانا بطلب الاذن ممكن

حبيبي ياهندس .... ده انت تيجي علي عيني :))
ربنا يعلم معزتكم ومعزتك انت شخصيا يا بو ادهم وان شاء الله اشوفك علي خير

المشاركة الأصلية كتبت بواسطة mhmdalsaadany

معقوله يا وليد باشا انا ازعل منك ميصحش على العموم كدا انا ان شاء الله موجود معاكوا وهظبط مع باسم ونكون موجدين بأمر الله اشوفكم على خير

يا باشا حتنور .. واكيد كنت حكلمك والله انت وباسم .. عشان تنورونا

الواحد بجد ميقدرش يستغنى عن روحكم وعن وجودكم معانا يا محمد .. ربنا يديم المعروف بينا


--------

المقابلة يوم 16 باذن الله
والمعاد حيكون بعد الصلاة مباشرة يعنى حنتقابل من 2 الى 2ونص
واحتمال اصلى هناك فى التجمع

عشان حنمشى بدرى علىا لساعة 7 او 8 باليل بالكتير

وباذن الله .. فى المقابلة حيتم تكريم بعض الاعضاء

وحيكون فى مفاجاءة للجميع باذن الله

وحيكون فى هدايا رمزية لجميع الحضور .. والحمد لله ان المعاد لسه قدامه جمعتين عشان الحق الحق ارتب للمقابلة

المكان حيكون مطعم ينى فى التجمع الخامس

حيتم الاعلان عن المقابلة فى موضوع منفصل .. لما اروح المطعم وارتب الغدا واقولكم على التفاصيل .. عشان المعاد حيكون معاد غدا

الموضوع اللى حينزل حينزل فيه كل التفاصيل باذن الله .. واللى حيشارك ويحط اسمه .. حيقول اذا كان حيجى على حضور عادى .. ولا على غدا .. عشان نجمع الاسماء اللى حتتغدى .. واعرف العدد ونقدر نجيب عليه خصم .. ونطلع خدمة محترمة ومريحة للاعضاء .. زى المقابلة اللى فاتت والغدا اللى فات

هو رنج الغدا مش حيزيد عن 80 جنيه وممكن يقل .. واللى عاوز يشوف التفاصيل ونظام الاكل المرة اللى فاتت يدخل على لينك المقابلة اللى فاتت .. موجود فى الفهرس .. ويتفرج ويشوف تعليق الناس على الاكل والصور

كل الامور قريب حنلعن عنها باذن الله

استنونا قريبا

تحياتى