كارثة في الفتيس برجاء المساعدة

**الصيداح** · 24-11-2011 02:27 AM

سلام الله عليكم

في مشكلة خطيرة قابلتني النهاردة
أولا أذكر إن كان عندي مشكلة في إسطوانة الدبرياج وهي إن صوت الموتور بيعلى من غير سحب لما أدوس بنزين للأخر

المهم سيبتها مؤقتا وتعايشت معاها مدة من غير مشاكل و وفجأة النهاردة
وأنا ماشي في أمان الله أفوجئ بالعربية بتكلبش مرة واحدة وتقف بصورة فجائية مرعبة ولازم أمور العربية وأديها الغيار من جديد وأمشي كام متر كدة وتكلبش مرة تانية وهكذا
المهم أنا خايف يكون الموضوع فيه فتيس كامل فمن إيه ممكن تكون المشكلة؟

وجزاكم الله كل الخير

**ahmed_h_g** · 26-11-2011 01:10 PM

عليكم السلام ورحمة الله وبركاته
متقلقش الموضوع ملهوش علاقه بالفتيس طالما مفيهوش مشاكل من الأول
بس الحق غير طقم الدبرياج

**ahmed_h_g** · 27-11-2011 12:44 AM

المشاركة الأصلية كتبت بواسطة الصيداح

شكرا يا غالي على الرد
أنا رحت للميكانيكي
ولقينا الأتي إن الفتيس بيجيب زيت على الإسطوانة ومغرق الدنيا برة زيت
والزيت فيه نقص بطريقة كبيرة
قالي الموضوع محتاج حاجة إسمها أولسيه درك وأولسيه كرنك خلفي المهم جبتهم ومنتظر أشوفه عمل إيه بكرة

المهم يا غالي في حاجة عايز أسألك عليها أنا عندي كان الأر بي إم بيعلى من غير سحب لما كنت بدوس بنزين جامد والميكانيكي قالي إن السبب هو إن الزيت بيجي على الإسطوانة فبيخليها تلف على الفاضي هل الكلام ده صحيح؟

فعلا" لو الزيت بييجى على الأسطوانه هيخليها تلف على الدسك بدون أحتكاك

**الصيداح** · 27-11-2011 04:22 PM

بالنسبة لما حدث :
ركبنا الفتيس والسحب كان فوق الممتاز لكن صوت خشونة رهيب
من بلي عمود الدريك وفجأة العربية بتقفش ولولا إني بلحق وأضغط دبرياج الفتيس كان ممكن يتكسر
وطبعا اللي حصل ده نتيجة إن زيت الفتيس كان بينقص ويخرج برة الفتيس نتيجة أويل سيل الدرك كان بايظ
وأنا مشيت على الفتيس كدة مدة

رجعت جربت مع الميكانيكي فكانت النتيجة تخبيط رهيب ورزع والعربية مش راضية تأخد الغيارات
والفتيس بالسلامة

غدا بإذن الله جولة مكوكية إلى الوكالة وما تيسر من أماكن لشراء فتيس إستيراد
والله المستعان

**karimfahmy99** · 28-11-2011 12:41 AM

طبعا اللوم عليك انت لانك تقاعست ف حل المشكلة مدة كما ذكرت لذلك دائما عند حدوث اى شئ او صوت غريب يجب معرفة السبب و معالجتة فورا - عموما ربنا يوفقك و تلاقى فتيس كويس و سعرة حنين .

الاسطوانة وظيفتها نقل الحركة من الموتور الى الفتيس و الدسك هو الذى يقوم بالضغط على الاسطوانة لنقل هذة الحركة - لما بتدوس دبرياج بتظغط على الدسك عشان يبعد عن الاسطوانة و تغير السرعات و ترجع تسيب تانى الدسك يضغط على الاسطوانة ليقوم بنقل الحركة للفتيس و منة للعجل - وجود زيت او تاكل ف الاسطوانة يسبب تهريب لنقل الحركة و كمان لو الدسك فى شرخ او ضغطة ضعيف ع الاسطوانة يسبب تهريب ف نقل الحركة يعنى صوت الموتور لا يتناسب مع السرعة و بتظهر جدا وانت طالع ع الاول او ف مطالع الكبارى و المرتفعات

**الصيداح** · 28-11-2011 10:45 PM

المشاركة الأصلية كتبت بواسطة karimfahmy99

طبعا اللوم عليك انت لانك تقاعست ف حل المشكلة مدة كما ذكرت لذلك دائما عند حدوث اى شئ او صوت غريب يجب معرفة السبب و معالجتة فورا - عموما ربنا يوفقك و تلاقى فتيس كويس و سعرة حنين .

الاسطوانة وظيفتها نقل الحركة من الموتور الى الفتيس و الدسك هو الذى يقوم بالضغط على الاسطوانة لنقل هذة الحركة - لما بتدوس دبرياج بتظغط على الدسك عشان يبعد عن الاسطوانة و تغير السرعات و ترجع تسيب تانى الدسك يضغط على الاسطوانة ليقوم بنقل الحركة للفتيس و منة للعجل - وجود زيت او تاكل ف الاسطوانة يسبب تهريب لنقل الحركة و كمان لو الدسك فى شرخ او ضغطة ضعيف ع الاسطوانة يسبب تهريب ف نقل الحركة يعنى صوت الموتور لا يتناسب مع السرعة و بتظهر جدا وانت طالع ع الاول او ف مطالع الكبارى و المرتفعات

شكرا لمشاركتك أخي الفاضل
وفعلا اللوم علي الحمد لله على كل حال
أنا ملقيتش النهاردة الفتيس بتاع الداتشيا ال5سرعات زي بتاعي أنا كدة مضطر أجيب ال4 سرعات اللي هو بتاع الموتور اللي أنا جبته بتاع الرينو12 وهو 4 سرعات
بس لي سؤال

هل من الممكن إن يكون الغيار الرابع في الفتيس ال4 زي الخامس في الفتيس ال5 غيار
يعني أقصد هل من الممكن أن يكون هو نفس قطر الترس المشغل ولا برضه هحس بالفرق إن معيش خامس بعد ما تعودت عليه وكمان علشان صوت الموتور