الزيت عندي بيتنسف !

**HotRide** · 24-11-2011 07:58 PM

يا شباب العصابه

العربيه عندي مش بدخن الي مع القرص دخنه سوده و مع القرص اوي اوي 7200 rpm بتطلع دخنه ممزوجه بشويه ازرق خفيف ومع تفصيل بيطلع دخنه ممزوج اسود علي ازرق برده

بحط شيل الازرق مشيت بيه 1000 كيلو وقرص وجري نقص كيلو زودتو مشيت 500 محترم نقص اقل من ربع كيلو كملت بقيت 500 قرص نقص كيلو برده

غيرتو وحتيط موبيل xhp قرصت عليه 1000 كيلو نقص ربع بس

هل ده كده المكنه خفيفه؟ بس طقم شنبر بيدخن علي الهادي وعلي اي وقت لكن ديه لاء خالص

ولا زيت خفيف مش بيستحمل قرص؟

**lord_of_egypt22** · 24-11-2011 09:50 PM

الموتور نوعه ايه
وبلاش شيل الازرق
خليك في الصفر ابو 120
والقرص للدرجة دي ممكن ياكل زيت بس مش كده
شوف الميه بتاعت الريداتير لو شكلها طحيني
يبقي جوان وش سليندر

**HotRide** · 24-11-2011 10:55 PM

المكنه vtec d15b
والعربيه مفاش وش سليندر الحمد لله وجربت اسوف سمكن في تسريب زيت بس مافيش ايه نوع تعريق حتي وكرتيره تمام

**wildwest100** · 24-11-2011 11:50 PM

تقريبا كدا الزيت خفيف اوى على المكنة

**SAMEH_FOUAD** · 25-11-2011 12:57 AM

شوف ياعم محمد دلوقتى انت بتوصل لعدد لفات rpm عالى وطبيعى مع الضغط الشديد على المكنة حرارة الزيت بترتفع جدا وبيخف , فدة طبيعى لكن اللى مش طبيعى انك تفضل ماشى قرص على طول او انك كل شوية تجيب 7000 لفة فى ماتور اخر لفاتة 7200 لفة يعنى انت كدة بتخلص المحرك بدرى بدرى

يامحمد صدقنى الجرى لية اوقاتة احسن وقت تجرى فية لما تكون جايب الرابع والطريق مفتوح , لكن حرق على الغيارات ( اول وتانى ) مابقاش ينفع اليومين دول

* وقولتلك قبل كدة 100 مرة ماتحاولش تعدى ال5500 لفة لو عايز المحرك يعيش معاك بأحسن حال لكن كل شوية هتقرص وتلاقى زيت يتاكل وكل شوية تجيب لتر ب60 جنية حرام هتلاقى نفسك جايب غيارين زيت فى ال4000 كيلو

* المحرك بتاعك لو بياكل زيت هتلاقى فية اى اثار تزييت على المحرك سواء على الشكمان او خرطوم الفائظ , بالنسبة للضغط علية طبيعى فى اى عربية لازم يطلع دخان ولو بنسبة خفيفة تخيل بقى انت شغال لمسافة 1000 كيلو حرق وفحت وانا عارف سواقتك

**tarekzein** · 25-11-2011 08:30 PM

أزود على كلام سمسم حاول تحط شل الأصفر

كان بيستحمل القرص معايا شويه عن الأزررق ومش بيطير بسرعه

**m3touk_85** · 26-11-2011 01:25 AM

انت قلبت مانوال ولا ايه يا بوحميد

**OmaR_FekrY** · 26-11-2011 02:39 AM

يا عم ممدوح بطل اللى بتعمله فى العربيه ده و هى هتبقى فله :))

**SAMEH_FOUAD** · 26-11-2011 01:13 PM

يادوحة طالما عندك زيت بيعرق من ال Vtec يبقى اللى هتعملة كالاتى

هتروح عند مجدى الدسوقى وتقولة عايز جوان Vtec اوريجينال تمنة 95 جنية وتجيب معاة انبوبة سيليكون

وعشان ال Vtec دة يتشال يبقى لازم هتشيل غطاء التاكيهات , وتحط سيليكون على الطبة السوداء اللى ورا ال vtec

* بالنسبة للزيت لو انت حطيط شيل الاصفر مش هيبقى حلو على المكنة لانة زيت تقيل ومش بتاع جرى فهيبقى تقيل على الكرنك

* وياعم انا ماجيتش جنب سواقتك فى حاجة انا عارف انك تمام وكل حاجة ربنا يحفظك من كل سوء واحنا كمان

بس انا كل اللى بتكلم فية عن اسلوبك فى القيادة لانك بتقرص فى كل وقت