لمبات كويسه

**AhMeD MeTwAlY** · 24-11-2011 11:29 PM

انا اتخنقت من نور العربيه وخصوصا عندنا في مصر سواقين الربع نقل حاجه زباله بيمشي مشغل النور العالي وبتقلب ليه نور ولي كانه هنا حاجه تخنق ربنا يسامحهم
عايز اشتري لمبات تكون الاضائه بتاعتها قويه وكنت عايز اشتري الزينون بس ولدي قالي بلاش لان باخد العربيه معايا الجامعه وبركنها من الساعه 9 لحد الساعه 2 ومش بعرف ابص عليها كل شوية واحد غبي يخبط العربيه زي المره الي فات يكسرلي الفنوسين ولي حيوان يقعد علي العربيه ويخبط الفنوس بكعب الجزمه ويكسر الفنوس (شوفتها بعيني)
فيا ريت تفيدوني في نوع لمبات ناس بتقولي هات لمبات 200

**Gendy_90** · 25-11-2011 12:16 AM

انا محتار بصراحة زيك لكن مش هركب زينون أبداً .. عشان مشاكلة و حوراته ...

إن شاء الله هحاول اركب فيليبس أو أوسرام أو تنجسرام .. لكن أنا محتار بينهم بصراحة ...

و لسه هحاول أختار حاجه نضيفة ..

**am79** · 25-11-2011 02:47 AM

التجسرام جلوين وليهم مواضيع كتير بالنتدي مجربهم
وانا عن نفسي مجربهم بس خلي بالك في دلوقت منهم مضروب

**theking_med** · 26-11-2011 01:26 AM

المشاركة الأصلية كتبت بواسطة xmanx51

انا اتخنقت من نور العربيه وخصوصا عندنا في مصر سواقين الربع نقل حاجه زباله بيمشي مشغل النور العالي وبتقلب ليه نور ولي كانه هنا حاجه تخنق ربنا يسامحهم

عايز اشتري لمبات تكون الاضائه بتاعتها قويه وكنت عايز اشتري الزينون بس ولدي قالي بلاش لان باخد العربيه معايا الجامعه وبركنها من الساعه 9 لحد الساعه 2 ومش بعرف ابص عليها كل شوية واحد غبي يخبط العربيه زي المره الي فات يكسرلي الفنوسين ولي حيوان يقعد علي العربيه ويخبط الفنوس بكعب الجزمه ويكسر الفنوس (شوفتها بعيني)
فيا ريت تفيدوني في نوع لمبات ناس بتقولي هات لمبات 200

انا عارف الاشكال ديه...عيال مؤذيه صحيح....عملتلوا ايه لما شفتوا... انا مركب زينون وزي الفل واللمبه الي بتتحرق في العادي بتتحرف في الزينون ونفس العمر الافتراضي

**Land_Cruiser** · 26-11-2011 01:31 AM

اوسرام جامده جداً و خاصه النابت بريكر

**amz2011** · 26-11-2011 01:41 AM

الناس دلوقتى فى الشارع و خصوصا بتوع النقل يبقى ماشى ورايا و بينى و بينه مفيش 30 سم و منور النور العالى انا مش عارف الدنيا جارلها ايه ناس ليه بتضايق فى بعضها

**amz2011** · 26-11-2011 01:44 AM

بص لو انت عربيتك فيها لمبتين فى الفانوس الواحد فبالتالى ممكن تجيب لمبة الوات بتاعها عالى علشان تنورللك اما لو الفانوس الواحد فيه لمبة واحده زى الانسر البومة يبقى افضل الزينون احسن و لو ركبت لمض عادية بس ب وات كبير يبقى لازم كتاوت

**AhMeD MeTwAlY** · 26-11-2011 02:10 PM

سهل اركب الزينون بس المرور
العربيه الفانوس فيه لمبه واحده

**tarek_2005** · 29-11-2011 01:50 PM

فيلبس رالي وتركبلها كتاوت وادعيلي
وعلشان بتوع الربع نقل هناك حل ممتاز بس هتستغني عن فانوس اليمين بتاع عربيتك وتظبطه علي عين الي جي امامك في الشمال اول ما تنور نورك هتخلي الي جي امامك يركن علاطول (( مؤزي انا )) معلش بس الي بنشوفه اليومين دول من اداب القيادة يخلي الواحد يعمل اكثر من كده دي بقت معارك قيادة مش اداب قيادة وسلوكيات