الموضوع: ظواهر تجتاح التاكسيات و النقل في مصر !!!

بسم الله الرحمن الرحيم
السلام عليكم و رحمة الله و بركاته


ظاهرة تجتاح التاكسيات في مصر !!!
قولت اشارككم بيها جايز نكتشف ظواهر تانية انا مش واخد بالي منها هو تكلموا عنها هههه


البداية اني كنت واقف من يومين جنب العربية و قبلي 2 او 3 و بعدي كذلك و كلهم واقفين عند عربياتهم زي حالاتي و فاتحين الباب و مشغلين الكاسيت برده باختلاف اللي شغال طبعا
المهم زي ما عارفين ان التاكس طول مهو ماشي اي حد واقف يهدي عنده ع اساس انه زبون مع ان كل اللي واقفين و انا ضمنهم فاتحين باب العربية و مشغلين الصوت عالي كان شئ مستفز لكن اللي لفت نظري حاجة جوة العربية و هي ديه الظاهرة اللي بتكلم عنها

مسند الرقبة اللي عامل زي عضاضة الكلب اللي شبه العضمة
بالاضافة طبعا للديفيدي و الجي بي اس

كل تاكس يهدي الاقيه حاططها قولت جايز صدفة المهم لقيت الموضوع زاد عن حده
بقيت امشي بص في كل تاكس الاقيها محطوطة برده هو فيه يمين شمال برده موجودة سواقين التاكس كان ناقص ينزلوا يتخانقوا معايا من بصتي الغريبة ليها

انا عايز اسأل سؤال هي يعني بقت بـ 2,5 ج عشان كده الجميع جايبها و لا هو تقليد و خلاص و عشان مفيش حد يكون احسن من حد و لا عشان شكل العربية يبان انها متظبطة و الزبون يدفع

أصلي برده كنت عايز اجيبها لكن بعد ما لقيت الانتشار الرهيب ده ليها اليومين دول كرهوني فيها

زي موضوع الجي بي اس و الديفيدي كنت ماشي في عين شمس لقيت اكتر من نص نقل حاططينهم ع التابلوه
بعد ما شوفتها وقفت بلمت في الشارع و كله بقي يكلكسلي عشان امشي
مع اني متأكد لو قولتله بتستفيد بيهم في ايه مش هيعرف يرد و يقولك
اهو منظر و خلاص و نبقي متادمين يا بيه زي برة


ده احنا طلعنا غلابة و طيبين اوي يا جدعان