تسريب ((يشلللللللللل)) من الفارغة "ألومنيوم"

**bee** · 21-05-2008 06:57 PM

انا من ساعة ما اشتريت العربية ال 205 وانا بفضل الله عمرى ما زودت نقطة مياه في الريداتير ..
فوجئت من اسبوع تقريبا ان المياه بتنقص شوية ما بين ال min و ال max
قلت صدفة
لقتها كل يومين تلاته تنقص شوية صغيرين جدا
لحد امبارح :( غسلت المكنة كويس وزودتها وراقبتها .. وحصل الي مكنش ع البال
فيه تسريب ((يشلللللللللل)) من الفارغة "ألومنيوم" :(
الميكانيكي بيقولي بسيطة هنحل المكنة وتتلحم انتي مونيا :D قلتله لا بسيطة فعلااااااااااا
وانا طبعا مش عايز احل المكنة لان زي ما كلنا عارفين على ما تظبط المكنة زي ما قعدت تظبط فيها كتير ده معناه ايه!!
المهم انا سمعت من اخويا Ahmed hasan ان فيه منتج تقريبا في كارفور بيضاف للمياه بيعالج الموضوع ده .... ممكن لو حد عارف يجبلي اسمه ؟؟
او اي اقتراحات ..
وشكرا ليكوا على مساعدتكم ..
وفي انتظار ردودكم

تحياتي

==========
تم تغيير العنوان لمخالفته قواعد المنتدى
وشكرا

الادارة 3

**nobody** · 21-05-2008 07:16 PM

حضرتك حتجيب سائل للحام شروخ البلوك بيضاف على مياه الرادياتير و بيتساب
تمنه عشرين جنيه و عن تجربة ممتاز جدا جدا

**boty50** · 21-05-2008 07:24 PM

خدوا بالكم ياجماعة ان بعض هذة السوائل
يحتوي علي مايشبه الرمل علشان ييجي في اي
ثقب ويسدة من الداخل
ولكن ، ده برضة ليه مساوئ قويه وهو انة ممكن
يسد المواسير داخل الرادياتير لو فيها بعض الصدأ مترسب
فحيمسك فيها ويكون مثل السدد في ماسورة او اكثر
وبكده تبدأ كفاءة التبريد تقل والحرارة تعلي

بس حبيت اقولك علشان تاخد بالك وتلاحظ الحرارة
باستمرار

**sab3aawy** · 21-05-2008 07:28 PM

زى ما انت شايف كدة محدش قاللك تجيب سائل لحام البلوك (هو اللى اسمه محدش nobody) :)

سائل لحام البلوك من نوع رابيدو انتاج مصرى فى علبة خضراء بلاستيك سعة 330 مللى وهو منتج كويس جدا

بس خد بالك علشان فيه لحام ردياتير وفيه لحام بلوك والأتنين فى علب خضراء، بس لحام البلوك مكتوب عليه block weld واغلى (حوالى 20 جنيه) فى حين ان لحام الردياتير تمنه 6 جنيه

هو بيتحط على مية التبريد لكن مش بيتحط فى الردياتير، انت بتسخن الموتور وبعدين تبطله وتفك اى خرطوم خارج من كوعة الموتور وتزود منه علشان تنزل على الموتور الأول وماتسدش الردياتير(هتلاقى التعليمات مكتوبة بالظبط على العبوة)

وفى اسوأ الفروض لو البلوك ويلد فشل معاك، وانا متوقع انه ان شاء الله هينجح/ لكن لو فشل ممكن تستعمل انبوتين R&D وتسد بيهم الشرخ بشرط ان مكان الشرخ يكون جاف 100% ونضيف 100% ساعة اللصق

**bee** · 21-05-2008 07:37 PM

شكرا لردودكم ..
بس بما ان انا في بورسعيد .. واعتقد اني هقاسي عشان الاقي الرابيدو

ممكن تدلوني الاقيه فيه في كايروووووو

متشكر جداااااااااااا

**sab3aawy** · 21-05-2008 07:53 PM

كارفور -سبينيز-هايبر وان-اون ذا ران-محطات البنزين النضيفة

**bee** · 21-05-2008 08:00 PM

شكرا يا باشا على الرد السريع

الف شكر

تحياتي

**Xpert** · 21-05-2008 08:01 PM

ممكن تطلع طبه من طبات المياه مخرومه ؟ لو كده غيرها ...

**bee** · 21-05-2008 08:46 PM

انا رحت للميكانيكي يا باشا وقالي الفارغة

شكرا على الاقتراح وعلى اهتمامك

تحياتي

**Ghamrawy** · 21-05-2008 10:58 PM

المشاركة الأصلية كتبت بواسطة bee

شكرا لردودكم ..
بس بما ان انا في بورسعيد .. واعتقد اني هقاسي عشان الاقي الرابيدو

ممكن تدلوني الاقيه فيه في كايروووووو

متشكر جداااااااااااا

ان شاء الله الموضوع محلول باقتراحات الزملاء بس انت فى بورسعيد و نصيحتى ليك تبتدى تعمل حسابك على موتور تانى استعمال علشان الالومينيوم ده لما بيعمل كده يبقى خلاص فى النهايات

الموضوع: تسريب ((يشلللللللللل)) من الفارغة "ألومنيوم"

LinkBack

أدوات الموضوع

عرض

تسريب ((يشلللللللللل)) من الفارغة - انشر الموضوع فى :

-

-

-

-

-

-

المواضيع المتشابهه

أريد مطبخ خشب أو ألومنيوم من شركه محترمه بالتقسيط .

رينجات ألومنيوم للجنوط الاسبور

ياتري ممكن حد يدلني على خراط يعمللي رينجات ألومنيوم

رينجات ألومنيوم للجنوط الإسبور

الموتور ألومنيوم ---- حاجه غريبه

الكلمات الدلالية لهذا الموضوع

المفضلات

المفضلات

ضوابط المشاركة