ماهى أفضل أنواع مساعدين لانسر كريستالة موديل 99 الأمامى والخلفى؟؟؟ وياريت لو حد يقولنا ايه الأسعار؟؟؟؟
عرض للطباعة
ماهى أفضل أنواع مساعدين لانسر كريستالة موديل 99 الأمامى والخلفى؟؟؟ وياريت لو حد يقولنا ايه الأسعار؟؟؟؟
الجديد بكام والاستيراد بكام؟؟؟ وتنصحونى بإيه؟؟؟؟
أنصحك بالاستيراد
عمرك ماهتلاقى مساعد احسن من بتوع بلدها
وكل الجديد الى نازل غاز ....... اما الاستيراد فهو زيت
اخر ماسألت على اسعارهم بس من فترة الاربعة 900 جنية ونضاف
الموضوع كان لواحد صاحبى وجاب واحد استيراد ب 200 جنيه ده كل اللى كان محتاجه واحد خلفى بس وهو بيجربه وربنا يسهل الاتفاق مع التاجر على رجوعه لو طلع مش كويس
من تجربة شخصية هات بتوع بلادها استيراد
انا جبت 4 مساعدين kyp جداد و ندمان جدا جدا علي كل جنية اندفع فيهم لو كنت سبت المساعدين القدام كان احسن
مساعدين ناشفه جدا و رخمه جدا و تحس انهم بايظين كده و العربية بترزع و حاجة تقرف
لو عايز جديد هات مونورو محدش اشتكي منهم
المشكلة برضوا لسه قائمة لان المونرو برضوا ناشفة بالرغم من انها كويسة بس ناشفة جدا والkyb اللى فى السوق مضروبين والاستيراد سالنا على الامامى كانوا ب 500 بالسوست والخلفى ب 400 بالسوست وانا استغليتهم جدا يعنى 900 جنيه وقولت الواحد يحط عليهم ويجيب جديد بس ايه هوة الجديد بقى كان فى زميل معانا اسمه ابو حمزة غير بنوع مش فاكر اسمه توكيكو تقريبا والمفروض انه بقاله فترة ماشى بيه كنا عايزين نعرف تقيمه ليه ايه تقبل مرورى تحياتى
انا ياباشا اللي كنت جايب التوكوكو
وده مساعد رقم 1 في اليابان
وبصراحة كان حلو جدااا
وحرااااااااااااااام طبعا اجيب مساعد استيراد ب 200 جنيه
دا انا جايب ال 4 في الأوبترا استيراد ب 350
سعر المساعدين قدام 450 استيراد (شونة بورسعيد) نتقفلين بالسوست بتاعتهم
والخلفى ب300
بص حضرتك 900 فى الأربعة استيراد كويس جدا طالما كاملين بسوستهم
أما الجديد لو kybأصلى زى بتوع بلادها الاتنين اللى ورا بس ب 1200والمشكلة انك يإما تجيب من حد ثقة جدا يا إما التوكيل لأن غير كده كل اللى فى السوق مضروووووووووووووب والنكتة انه برده مكتوب عليه صنع فى اليابان...الاتنين الخلفى ب 470
المساعدين اللى بتنزل فى العربية من المصنع kyb واللى فى التوكيل kyb بالضبط الأصلى اللى بينزل فى العربية من المصنع أما الـ kyb اللى فى السوق أقل بكثير جدا فى السعر والجودة وده بيرجع الى انه يا إما مضروب ومش يابانى ولا حاجة كالعادة فى السوق المصرى يا إما هو kyb من اليابان فعلا بس الجودة بتاعته أقل من المساعد اللى بتورده شركة kyb لشركة متسوبيشى وبالتالى التوكيل حيث ان القطعة التى توردها أى شركة قطع غيار لمصانع السيارات كقطعة أوريجينال دائما تكون أعلى جوده من مثيلتها التى تطرح فى السوق فا من الأخر اللى عاوز نفس كفاءة قطعة الغيار والعربية زيرو يجيبها من التوكيل وطبعا هيدفع أكتر بس ده مقابل انها نفس القطعة الأصلية بالضبط ومش استهبال من التوكيل ولا حاجه زى ما بيعتقد البعض
مشكله فعلا ومش لاقيين لها حل
ومش كل الاستيراد حيكون كويس
والله اعلم بالعمر بتاعه
ياجماعة موضوع التوكيتو ده كان عامله الاستاذ ابو حمزة هحاول اجيب الموضوع وانسخه هنا لغاية دلوقتى بيشكرو فيه تحياتى
يعنى من الاخر لو هنغير نجيب اييه يكون ناعم و مش ناشف فى المطبات ؟؟؟
و ايه تانى يكون ناشف شوية و يديك ثبات على الطريق ؟؟
انا لسه مغير المساعدين قدام ..جبتهم بصراحه استعمال مساعدين بس من غير السوست . kyb الغاز بتوعها الاصليين جبتهم ب 260 جنبه . بس نصيحه لازم يكون حد ثقه او يفضل العفشجي الي انتا بيشتغل عندك عشان هو اكتر واحد هيكون ضامنهم ..طبعا انا مقتنعتش بالمستعمل الا لما لفيت علي الجديد وبشهاده الجميع قالولي معظم الي موجود في السوق مكتوب عليه ياباني بس مضروب وكانو بالمناسبه الاتنين قدام الجديد كانو 750 .. والاستعمال ورا بالسوست كانو عاملين 300 ومن غير السوست تقريبا 240 ..
متابع .....
طيب لو استيراد اعرف ازاى انهم كويسين
ولو سمحتو متقولوليش العفشجى حيعرف لآن كلهم مش ثقة ونصابين؟
متابع بأهتمام
السلام عليكم
المساعدين التوكيكو مازالوا شغالين والحمد لله
ال kyb
مش مضروبين
يمكن جودتهم مش قد كده حسب كلام البعض (مش عن تجربه ) بس هما أصلي وممكن تشتريهم من وكيلهم أو موزع معتمد
رايي بلاش استيراد عشان مهما كان مش مضمون م ش معروف مشيوا كام كم
ألأخ أبو حمزه
السلام عليكم
المساعدين التوكيكو موجدين فى السوق ولا لأ ولو موجدين نشتريهم منين يكون مضمون
وسعرهم كام لو تكرمت أمامى وخلفى و السعر هيكون للمساعد الواحد ولا للأتنين وشكرا لأهتمامك
في محل اسمه المنير في أول شارع فيصل من ناحية الجيزة روحله وقوله عاوز 4 مساعدين ياباني هتلاقيهم حوالي 950 جنيه مش ازيد من كده أنا جبتهم وركبتهم عندي من حوالي سنتين وزي الفل بصراحة وعاوز اقولك إني بشيل في عربيتي حجات تقيلة جداً وعاماً إنت عاوز أي حاجه أصلية وياباني كمان ووالله سعره حنين أوي
بناء علي نصيحه اصداقئنا فالمنتدي , اشتريت امبارح مساعدين خلفي توكيكو واتمني ان يكون انعم من ال kyb اللي كرهته بعد مركبت المساعدين الاقدام , ناشف اوي وبيهبد
انا اشتريت الاتنين ب 490 خلفي يا تري كده سعره ايه؟
هوا محفور عليه انه ياباني ... بس الله اعلم بقي
سوف اقوم بتركيبه وتجربته بأذن الله قريبا :verygood:
اهو انهارده ابتديت اسمع طقطقه غريبه من ناحيه المساعد الشمال قدام
انا قرفت والله
متغيرين الاربعه kybمن سنه بالظبط
هوا ده طبيعي ياجدعان
حغير مساعدين كل سنه
؟
الافصل اننا نركب اسبور وخلاص
وربنا ولا حتفرق ده دول وبيضربوا
امال الاسبور الناشفين حيعملوا ايه
انا نفسي ف مساعدين ناعمين شويه .... ال kyb جابلي بواسيير :banzai:
يمفيش قدامنا غير التوكيكو نجربه وخلاص
اعتقد الاستيراد افضل بس يكون عن تجربه و يكون معاك العفشجى بتاعك لان الاصلى عمره الافتراضى اطول من الانواع الى فى السوق المضروبه انا راكب عندى مساعدين خلفين بتوع اكسنت و ناشفين برضه ولما كبرت الكوتش بقيت حاسس بكل زلطه فى الطريق حاجه تجيب بواسير فعلا
الاستيراد اعتقد انه مش حيعيش اكتر من 6 شهور
وصعب اوي يبقي نضيف
بشوفهم عند الناس حالتهم زي الزفت
صبوحة نفس الاعراض عندى وانا بقى مصيبتى اكبر لانى مركب مساعدين kyb اللى هما المستوردين من عند عادل بيه وجدى الله يسامحه كانوا الاربعة ب 2200 جنيه بس كان باين عليهم نظاف ولونهم مختلف عن اللى موجودين فى مصر وساعات اسمع الطقة دى مع مطب بسيط وساعات مش بسمعها خالص حتى لو المطب جامد انا شاكك فى البطاحات بس انت عارف ميزة المساعدين ايه انها فعلا half sport زى ماقالى عادل وجدى لما بكون ماشى على سرعة كبيرة ومش معايا وزن كبير العربية الحمد لله ثابتة وجربت لغاية 180 ماشاء الله بس الارتفاعات واحدة مش بيوطى العربية
هو مش المفروض ان المساعدين الاسبور اقوى من المساعد العادي ولا ايه يا معلم :)
مش اقوي
انشف واقصر
:)
:)
هوا مفيش مساعدين زيت فالسوق خالص؟؟
كل اللي لقيته غاز وده ناشف اوي .... مع العلم ان الاصلي بتاع الانسر الكريستاله زيت مش غاز:banzai:
أنا شوفت الموضوع ده من فتره
وبناء عليه
أشتريت أمبارح 4 مساعدين توكيكو ولسه هركبهم
والله المستعان
الف مبروك احمد بك وياريت الاسعار :)
وياريت تقرير بعد التركيب بإذن الله
هركبهم وهكتبلك التفاصيل ان شاء الله
انا لسه مركب 4 مساعدين كى واى بى من يومين ب1250 جم من الدقاق فى التوفيقيه وهما صحيح ناشفين بس احسن من القديم بالذات فى مطبات الهوا ورايى يا جماعه بلاش الاستيراد فى المساعدين بالذات لان لهم عمر افتراضى
+++++++++++++++1