أزى تجيب الوحش دة ---- موضوع يهم اللى عايز ميجان2 ولازم يتسبت

السلام عليكم,

انا كان عندى حيرة بين الفكترا2003وأسترا 2006 والميجان2 بس لما نزلت السوق أمبارح ,, أية الجمال والشيكة عربية يتقال عليها ركوبة بجد ودا كان هدفى.. مش هطول عليكو الناس فى المنتدى بتشكر فيها والميكانيكيا برة بيسبو لها واللى يفكر يشتريها.... بس طبعا العربية أعلى كتير من فئتها السعرية حتى ولو كان أوبل...

للى عايز يعرف عن أسباب سوء سمعة الميجان و مشاكلها اللينك دة أكثر من رائع خمس حلقات :
http://www.nilemotors.net/Nile/30154-a.html

طيب المطلوب دلوفتى للناس اصحاب الفئة المتوسطة اللى طبعاً نفسوا يجيبها:

1- هل لازم يبقى كل الصيانة فى التوكيل والا أكشف بس عندهم وأصلح برة والكشف بكـــام والا كلو برة.
2-حد يتفضل يحطلنا لينك لتمن قطع الغيار برة وجوة التوكيل.
3- ما هو أحسن موديل مع العلم وجود شكوى من 2005 وأيضا ياخذ فى الاعتبار أن الاكثر أنتشار فى البيع مو2006 فهل كل هذا الموديل بالكامل ناجح.
4- لما أجى اسال على أسم الفتيس الجديد صاحب اللا مشاكل ودة من أول موديل أية.
5- لو أنا بسافر مسافات برة القاهرة هل فعلا ممكن اللقى العربية تقف بيا نتيجة لامر من السوفتوير...هل دة وارد (ينصح التفاصيل بشدة) وهل برضة فى مشاكل تانية ممكن تعترضنى,, وبفرض انى فى مكان نأى فى محافظة ما ...شوية والعربية عطلت بيا هل اى ميكانيكى يعرف يظبطهالى او انا فى طريقة أتصرف بيها...... .:11:
6- طيب بعد ما أطمنت أن انا هشترى أزاى أجيب عربية لقطة (للى ميعرفش مينفعش تجيب عربية مش ماسكة نفسها والا مش هتمسك أنت نفسك),, بمعنى أزاى أعرف ان كل الصيانة فى التوكيل عن طريق رقم الشاسية هل دة بمقابل وهل ينفع عن طريق التليفون قبل ما أحجز كشف ولو كشفت على العربية عندهم بكام ...و هل فى ناس موثوق بهم أهدى فى السعر داخل او خارج القاهرة (يرجى ذكر الاسماء والعنوان أو التليفون والسعر برضة :) ).
7- ماهو رينج الاسعار فى كل من موديل 2006-07-08-09 فى الحالات النظيفة.

8- أضف نصيحتك :plusone1:
9- رجاء اللى هيرد لازم يكون وحش من الوحوش عشان التفاصيل.......

أسف للاطالة بس الموضوع يهم ناس كتير.

جزاكم الله خيرا أنشا الله
[/SIZE]

اقتباس:

---

المشاركة الأصلية كتبت بواسطة figoo2001010

السلام عليكم,

انا كان عندى حيرة بين الفكترا2003وأسترا 2006 والميجان2 بس لما نزلت السوق أمبارح ,, أية الجمال والشيكة عربية يتقال عليها ركوبة بجد ودا كان هدفى.. مش هطول عليكم الناس فى المنتدى بتشكر فيها والميكانيكيا برة بيسبو لها واللى يفكر يشتريها.... بس طبعا العربية أعلى كتير من فئتها السعرية حتى ولو كان أوبل...

للى عايز يعرف عن أسباب سوء سمعة الميجان و مشاكلها اللينك دة أكثر من رائع خمس حلقات :
http://www.nilemotors.net/Nile/30154-a.html

طيب المطلوب دلوفتى للناس اصحاب الفئة المتوسطة اللى طبعاً نفسوا يجيبها:

1- هل لازم يبقى كل الصيانة فى التوكيل والا أكشف بس عندهم وأصلح برة والكشف بكـــام والا كلو برة.
2-حد يتفضل يحطلنا لينك لتمن قطع الغيار برة وجوة التوكيل.
3- ما هو أحسن موديل مع العلم وجود شكوى من 2005 وأيضا ياخذ فى الاعتبار أن الاكثر أنتشار فى البيع مو2006 فهل كل هذا الموديل بالكامل ناجح.
4- لما أجى اسال على أسم الفتيس الجديد صاحب اللا مشاكل ودة من أول موديل أية.
5- لو أنا بسافر مسافات برة القاهرة هل فعلا ممكن اللقى العربية تقف بيا نتيجة لامر من السوفتوير...هل دة وارد (ينصح التفاصيل بشدة) وهل برضة فى مشاكل تانية ممكن تعترضنى,, وبفرض انى فى مكان نأى فى محافظة ما ...شوية والعربية عطلت بيا هل اى ميكانيكى يعرف يظبطهالى او انا فى طريقة أتصرف بيها...... .:11:
6- طيب بعد ما أطمنت أن انا هشترى أزاى أجيب عربية لقطة (للى ميعرفش مينفعش تجيب عربية مش ماسكة نفسها والا مش هتمسك أنت نفسك),, بمعنى أزاى أعرف ان كل الصيانة فى التوكيل عن طريق رقم الشاسية هل دة بمقابل وهل ينفع عن طريق التليفون قبل ما أحجز كشف ولو كشفت على العربية عندهم بكام ...و هل فى ناس موثوق بهم أهدى فى السعر داخل او خارج القاهرة (يرجى ذكر الاسماء والعنوان أو التليفون والسعر برضة :) ).
7- ماهو رينج الاسعار فى كل من موديل 2006-07-08-09 فى الحالات النظيفة.

8- أضف نصيحتك :plusone1:
9- رجاء اللى هيرد لازم يكون وحش من الوحوش عشان التفاصيل.......

أسف للاطالة بس الموضوع يهم ناس كتير.

جزاكم الله خيرا أنشا الله
[/SIZE]

---

1- اكشف فى التوكيل.........و عاوز تصلح برة صلح عند حد بيفهم فيها.

2- أسعـــــار الصيـــانة و قطــــع الغيــــار الأصليـــة للميــــجان II

أسعار قطع غيار الميجان II خارج التوكيل

الأسعار قديمة شوية بس إجمالاً ده متوسط الأسعار.

3- الشكوى من 2005 و أوائل 2006 و ده نتيجة وجود بعض القطع الميكانيكة مكنتش بتستحمل زى ما هى مصممة........يعنى كان قطعة مصممة تمشى 100 الف بتقعد 50 بس

النقطة دى تحديداً لو كانت العربية بتتصين فى التوكيل يبقى متقلقش منها.......ليه ؟
لأن القطع دى هتلاقى معظمها أتغير بقطع كفائتها أعلى.

4- الفتيس هو هو من أول ما نزلت لحد أخر موديل نزل...........الفرق فى سوفت وير الفتيس فقط........و برضه لو العربية كانت بتتصين فى التوكيل متقلقش من دى لأنه غالباً هتلاقيه أتحدث خصوصاً أنه كان بيتعمل ببلاش.

5- ممكن تلاقى رسايل تحذيرية أكتر منها رسايل مشاكل......
راجع الموضوع ده
ميحان 2: أنها حقاً سيارة محترمة

عاوز تخليك فى الأمان خلى معاك كويل أو أتنين أحتياطى و خليك عارف تغيرهم أزاى و تكشف على الكويل البايظ أزاى........الموضوع مياخدش ربع ساعة فى أيدك لو عارف بتعمل أيه.

6- راجع الموضوع ده

كيف تشترى ميجان 2 مستعملة

و الكشف فى التوكيل روح التوكيل و أسال برقم الشاسيه على تاريخ العربية و ده ببلاش و لو لقيتها بتتصين فى التوكيل أو مراكز الخدمة المعتمدة توكل على الله و أحجز كشف..........لقيتها مش بتتصين هناك يبقى يا تاخد مخاطرة بأنك تكشف عليها و أنت و نصيبك يا أما تكبر دماغك منها.

و عموماً لو أى حد عارض ميجان و قولتله عاوز أكشف فى التوكيل و رفض يبقى العربية فيها إن و تبعد عنها أحسن.

7- مش متأكد من الأسعار حالياً..........بس هتلاقى أختلافات كبيرة......يعنى ممكن تلاقى حد عارض 2005 على 55 مثلاً و ممكن تلاقى حد عارضها على 65...........أياك و الأسترخاص......الكشف هو الفيصل.

نسيت أقولك لو دورت فى مواضيع من شهر أو أتنين هتلاقى زملاء حاطين أسعار خارج التوكيل من وقت قريب أكتر من المواضيع اللى أنا حاططها.

ربنا يكرمك على الرد بس عندى أستفسارات شوية

اقتباس:

---

المشاركة الأصلية كتبت بواسطة ahmed a.maksoud

1- اكشف فى التوكيل.........و عاوز تصلح برة صلح عند حد بيفهم فيها.

طيب ممكن أعرف متوسط الكشف بيعمل كام؟؟؟؟
وطبعا لو أشتريت واحدة وحبيت أعمل طقم سيرفس كامل هيتكلف كام برة وجوة التوكيل اذا أمكن.

2- أسعـــــار الصيـــانة و قطــــع الغيــــار الأصليـــة للميــــجان ii

أسعار قطع غيار الميجان ii خارج التوكيل

الأسعار قديمة شوية بس إجمالاً ده متوسط الأسعار.

3- الشكوى من 2005 و أوائل 2006 و ده نتيجة وجود بعض القطع الميكانيكة مكنتش بتستحمل زى ما هى مصممة........يعنى كان قطعة مصممة تمشى 100 الف بتقعد 50 بس

النقطة دى تحديداً لو كانت العربية بتتصين فى التوكيل يبقى متقلقش منها.......ليه ؟
لأن القطع دى هتلاقى معظمها أتغير بقطع كفائتها أعلى.

هل فى فرق بين فرق موديل السنة والا بناء على كلامك أنو كلو واحد يعنى لو مو 2005 نظيفة طبعا هتقف عليا ارخص مثلا من 2007

4- الفتيس هو هو من أول ما نزلت لحد أخر موديل نزل...........الفرق فى سوفت وير الفتيس فقط........و برضه لو العربية كانت بتتصين فى التوكيل متقلقش من دى لأنه غالباً هتلاقيه أتحدث خصوصاً أنه كان بيتعمل ببلاش.

أعذرنى أصل سمعت عن فتيس جديد أسمو dpo تقريبا

5- ممكن تلاقى رسايل تحذيرية أكتر منها رسايل مشاكل......
راجع الموضوع ده
ميحان 2: أنها حقاً سيارة محترمة

عاوز تخليك فى الأمان خلى معاك كويل أو أتنين أحتياطى و خليك عارف تغيرهم أزاى و تكشف على الكويل البايظ أزاى........الموضوع مياخدش ربع ساعة فى أيدك لو عارف بتعمل أيه.

لغرض اية الكوبل دة وبكام

6- راجع الموضوع ده

كيف تشترى ميجان 2 مستعملة

و الكشف فى التوكيل روح التوكيل و أسال برقم الشاسيه على تاريخ العربية و ده ببلاش و لو لقيتها بتتصين فى التوكيل أو مراكز الخدمة المعتمدة توكل على الله و أحجز كشف..........لقيتها مش بتتصين هناك يبقى يا تاخد مخاطرة بأنك تكشف عليها و أنت و نصيبك يا أما تكبر دماغك منها.

و عموماً لو أى حد عارض ميجان و قولتله عاوز أكشف فى التوكيل و رفض يبقى العربية فيها إن و تبعد عنها أحسن.

7- مش متأكد من الأسعار حالياً..........بس هتلاقى أختلافات كبيرة......يعنى ممكن تلاقى حد عارض 2005 على 55 مثلاً و ممكن تلاقى حد عارضها على 65...........أياك و الأسترخاص......الكشف هو الفيصل.

---

انا عارف أنى بسال على بكام كتير بس بحب أحسبها صح على قد مقدر ونظراً لرعب الناس منها يقلق :)

متابع عشان بفكر اغير قريب ونفسي في العربيه دي عشان حاسسها صفقه رابحه وخصوصا ان سعر المستعمل بتاعها في الأرض بالنسبه لسعرها جديد

اقتباس:

---

المشاركة الأصلية كتبت بواسطة figoo2001010

ربنا يكرمك على الرد بس عندى أستفسارات شوية

---

1- الكشف فى التوكيل نفسه على ما أذكر كان ب 330 لو كشف كامل من غير سمكرة و دوكو و 550 لو بسمكرة و دوكو.
فى مراكز الخدمة المعتمدة الكشف تقريباً كان فى حدود ال 300 كامل.........بس انا افضل التوكيل.

طقم السيرفيس الكامل فى التوكيل........بص على صيانة ال 20 ألف بكام و هيكون هو دة السعر فى التوكيل.........أو كلم 16202 أسأل على صيانة ال 80 ألف للميجان بكام.
صيانة ال 20 و صيانة ال 80 المفروض أنهم واحد.

برة التوكيل مش فاكر أسعار بس هيبقى فى حدود النص أو أعلى شوية.

3- زى ما قولتلك.............لو العربية بتتصين فى التوكيل هتلاقى معظم قطع الغيار اللى كانت كفائتها أقل من العادى اتغيرت......و من ضمنها الكويلات اللى أنا قولتلك عليها على سبيل المثال.

لو العربية مش بتتصين فى التوكيل يبقى الموضوع فيه شك.

4- ده الفتيس اللى نازل فى الميجان من أول ما نزلت.........الفرق زى ما قولتلك أن فى أواخر 2006 نزل نفس الفتيس بسوفت وير جديد بيقلل الأحساس بالنقلات شوية
الناس اللى كانت متابعة صيانة فى التوكيل عملولهم تحديث للسوفت وير القديم و بقى السوف وير الجديد........اللى مكنش متابع بقى هو و ظروفه.

5- الكويل ده عبارة عن موبينة كهرباء......بس الفرق ان فى الميجان كل سلندر له الموبينة بتاعته......يعنى العربية فيها 4 كويل.....كل كويل راكب على بوجيه
لو واحد باظ منهم العربية بتمشى عادى بس كأنها ماشية 3 سلندر بس لحد ما تغيره و ساعات بتطلع رسايل لو فشلت ماشى بالكويل و هو فاصل....زى check gearbox و check injection و ده ناتج عن أن فيه سلندر كامل مش شغال و البنزين اللى داخل للعربية أقل من الطبيعى .

أبو حميد انت تقصد أنها ب 800 ج سنة 2007 دا انا عملت طقم لاوبل كورسا 97 كان ب 550ج دا لو هو دا الفرق ودة متوسط الاسعار انا هروح أشتريها امبارح,, لان دلوقتى مش قلقن من العربية بعد كلامك(جزاك الله خيراً) ولكن فى موقف حساب الصيانة الدورية ولو لقدر الله غيرت فتيس حاجة تقيلة يعنى هعيش و الا هفلس :)

اقتباس:

---

المشاركة الأصلية كتبت بواسطة figoo2001010

أبو حميد انت تقصد أنها ب 800 ج سنة 2007 دا انا عملت طقم لاوبل كورسا 97 كان ب 550ج دا لو هو دا الفرق ودة متوسط الاسعار انا هروح أشتريها امبارح,, لان دلوقتى مش قلقن من العربية بعد كلامك(جزاك الله خيراً) ولكن فى موقف حساب الصيانة الدورية ولو لقدر الله غيرت فتيس حاجة تقيلة يعنى هعيش و الا هفلس :)

---

بص يا أستاذى......زى ما قولتلك.........الإسعار قريبة من المواضيع المثبتة..........ممكن تكون زادت شوية ولا حاجة علشان كده قولتلك كلم 16202 و أسأل.

و بالنسبة لموضوع الفتيس.........الفتيس عليه ضمان 100 ألف كيلو مفتوح المدة..........يعنى لو لقيت عربية ماشية أقل من 100 ألف و تكون عاملة صياناتها فى التوكيل يبقى الفتيس فى الضمان.........دى نقطة.

النقطة التانية أنى معرفش حد غير فتيس فى العربية دى بسبب عيب فى الفتيس........اللى سمعت عنه مرة كان واحد غيره علشان لبس فى طوبة كبيرة من بتوع الرصيف فى نص العربية من تحت.

و طبعاً لو غيرته فى التوكيل هتفلس......و إحتمال تفلسنا معاك كمان :)

أى عربية فى نفس الفئة دى و هتقول أغير فتيس أوتوماتيك فى التوكيل هتسمع رقم مرعب.

أعتقد الفتيس الأوتو خارج التوكيل ممكن يعمله فى حدود ال 4000 جم ( مجرد إعتقاد )

زميل ليا معاه ميجان وداخ في الفتيس وفي الأخر غير تقريبا معظمه مش فاكر بيقولي نص فتيس او حاجه كده ودفع 3000 جنيه بغد مصاريف تانيه كتيير

العربيه دى جيبنها زيرو و بعنها بعدها ب 6 شهور
لو غاوى مشاوير فيها بهدله و مدقات و سفر و هلك و عايز تكيف تلاجه بلاش ميجان نصيحه لوجه الله

اقتباس:

---

المشاركة الأصلية كتبت بواسطة figoo2001010

السلام عليكم,

انا كان عندى حيرة بين الفكترا2003وأسترا 2006 والميجان2 بس لما نزلت السوق أمبارح ,, أية الجمال والشيكة عربية يتقال عليها ركوبة بجد ودا كان هدفى.. مش هطول عليكم الناس فى المنتدى بتشكر فيها والميكانيكيا برة بيسبو لها واللى يفكر يشتريها.... بس طبعا العربية أعلى كتير من فئتها السعرية حتى ولو كان أوبل...

[/SIZE]

---

اسف ان كان كلامي مش رد لاسئله حضرتك بس انا سقت الاوبل فكترا ومعايا حاليا فلوانيس ورغم انها والحمد لله عربيه اكتر من ممتازه (وهي تعتبر اخت الميجان)

الا أن الاوبل فكترا افضل بمراااااااااااااااااااااا حل من الميجان وصعب تقارنها بيها انا كانت معايا 2000 سي سي الاوتوماتيك .

جرب تسوق فيكترا cdx وسوق ميجان وانت قول الفرق.

ياجماعه متلخبطوناش
انا فعلا شفت زميلي متبهدل فيها شويه عشان الفطيش ومره البطاريه كانت خلاص بتودع وهو ماشي علي الكورنيش في الأسكندريه مروح ميامي العربيه بطلت وفصلت مياه ونور وكهرباء وكل حاجه وقفت ولولا انه كان خلاص مهدي كان لبس

انا العربيه عاجباني فعلا وبفكر اغير واجيبها بس انا دلوقتي معايا اللانوس وكل اسبوع بسافر من القاهره للأسكندريه وبروح البلد في كفر الدوار وطريق مش ممهد وفي الشتاء بنزل بيها البلد برده وبمشي في طريف زي الزفت والطريق الغير ممهد ده طريق غيط حوالي 300 متر طين بجد عايز عربيه رينج رووفر واللانوس بصراحه عمرها مااشتكت

هل الميجان تستحمل الكلام ده ولا ايه؟

اقتباس:

---

المشاركة الأصلية كتبت بواسطة engtmk

اسف ان كان كلامي مش رد لاسئله حضرتك بس انا سقت الاوبل فكترا ومعايا حاليا فلوانيس ورغم انها والحمد لله عربيه اكتر من ممتازه (وهي تعتبر اخت الميجان)

الا أن الاوبل فكترا افضل بمراااااااااااااااااااااا حل من الميجان وصعب تقارنها بيها انا كانت معايا 2000 سي سي الاوتوماتيك .

جرب تسوق فيكترا cdx وسوق ميجان وانت قول الفرق.

---

شكرا على مشركتك بس انا نفسى فى عربية ركوبة بجد حستها فى الميجان أكتر من الاوبل انا عارف انك بتتكلم على القوة بما انك بتقول 2000cc بس انا عايز رافهية وشيكة وركوبة و انا مش بتاع حرق قوووى ونفس الوقت يكون العربية حمالة قاسية.

ممكن تقولى انت الفارق ازا امكن بما أن انا ولا سوقت دية ولا دية :) :oops2:

اقتباس:

---

المشاركة الأصلية كتبت بواسطة shaddadfalcon1

ياجماعه متلخبطوناش
انا فعلا شفت زميلي متبهدل فيها شويه عشان الفطيش ومره البطاريه كانت خلاص بتودع وهو ماشي علي الكورنيش في الأسكندريه مروح ميامي العربيه بطلت وفصلت مياه ونور وكهرباء وكل حاجه وقفت ولولا انه كان خلاص مهدي كان لبس

انا العربيه عاجباني فعلا وبفكر اغير واجيبها بس انا دلوقتي معايا اللانوس وكل اسبوع بسافر من القاهره للأسكندريه وبروح البلد في كفر الدوار وطريق مش ممهد وفي الشتاء بنزل بيها البلد برده وبمشي في طريف زي الزفت والطريق الغير ممهد ده طريق غيط حوالي 300 متر طين بجد عايز عربيه رينج رووفر واللانوس بصراحه عمرها مااشتكت

هل الميجان تستحمل الكلام ده ولا ايه؟

---

ازاى عاجبك وانت شوفت المشاكل دى كلها ,,, وبعدين انت بتلغى كلام أستاذ أحمد عبد المقصود
أنت من الاخر جبتلى أسهال :(:8954[1]: اية فصلت مية ونور دى انت هتقلقنى لية.

اقتباس:

---

المشاركة الأصلية كتبت بواسطة minicooper20

العربيه دى جيبنها زيرو و بعنها بعدها ب 6 شهور
لو غاوى مشاوير فيها بهدله و مدقات و سفر و هلك و عايز تكيف تلاجه بلاش ميجان نصيحه لوجه الله

---

أمال انت رايك أية فى مثيلاتها رنج 60-70 بالكتيير

اقتباس:

---

المشاركة الأصلية كتبت بواسطة figoo2001010

شكرا على مشركتك بس انا نفسى فى عربية ركوبة بجد حستها فى الميجان أكتر من الاوبل انا عارف انك بتتكلم على القوة بما انك بتقول 2000cc بس انا عايز رافهية وشيكة وركوبة و انا مش بتاع حرق قوووى ونفس الوقت يكون العربية حمالة قاسية.

ممكن تقولى انت الفارق ازا امكن بما أن انا ولا سوقت دية ولا دية :) :oops2:

---

الشكر لله هاقول لحضرتك

المساحه الداخليه : الاوبل تحسها اوسع من الفلوينس فعليا من جوه. (ممكن يكون لان سقفها اعلي وقاعده العجل اكبر سنه).

الثبات : الفيكترا اكثر ثباتا لانها اوطي من الفلوينس.

العفشه : رياضيه اكتر في حاله الفيكترا فهتحس بالمطبات فيها اكتر بكتييير من الفلوينس

الرفاهيه : هتلاقي كل الزراير اللي محتاجه في الدريكسون في الفلوينس وطبعا ضيف حساسات المطر والنور .


وطالما حضرتك عايز سنه رفاهيه فالميجان او الرينو ممكن توفره ليك ان شاء الله . وربنا يوفقك في الاختيار للأحسن ان شاء الله

ايه حكايه البطاريه ؟ انا عايز احد الاخوه اللى عندهم خبره يقولوا لنا ( الناس الجديده ) ما هى اعراض البطاريه الضعيفه قبل ما تقف خالص وتعمل مشكله عشان الواحد يعمل حسابه ويغيرها - وارى من الاخر ان الرينو مش للاجواء ولا الطرق المصريه ده عايزه رفاهيه ومع ذلك انا بفكر اغير لميجان 3 او 2 موديل حديث هاتش باك وانا معى 2 بدون فتحه سقف ونضيفه بجد ولسه مركب لها سنسور ركن ظريف جدا ما رأيكم مع جزيل الشكر

اقتباس:

---

المشاركة الأصلية كتبت بواسطة figoo2001010

ازاى عاجبك وانت شوفت المشاكل دى كلها ,,, وبعدين انت بتلغى كلام أستاذ أحمد عبد المقصود
أنت من الاخر جبتلى أسهال :(:8954[1]: اية فصلت مية ونور دى انت هتقلقنى لية.

---

هي شكلها عاجبني وركبتها كذا مره مع صاحبي جميله قوي بجد وسعر المستعمل فيها تحفه وبحس انها انسب حاجه بالنسبه للسعر
يعني 70 الف يادوب يجيبو اوبترا اللي هي ب 90 الف زيرو ونفس المبلغ يجيب ميجان اللي هي تقريبا ناحية ال 140 الف

ناس تقولي حلوه وشغاله وبنت حلال ومنهم صاحبي ده نفسه وبيقولي ان دي الحاجه الوحيده وكده ومش مزعلاه وبيرشحهالي كمان وناس تانيه تقول لا ياعم ابعد ده مقرفه ومشاكلها كتيير

يوم زميلي ده مش فاكر قالي ان كان في مشكله في الدينامو وبعدها تاني يوم مدارتش برده وغير البطاريه

عايزين حد خبير يقولنا ياجماعه العربيه دي بتاعة بهدله ولا لآ

من الأخر الميجان عربية ممتازة بس عايزة سواقة مافيهاش شد ولا سباقات


العربية ديت أيوة فخمة و شيك و جميلة و اوبشنز بس عايزة رقة في المعاملة

أهم حاجة تختار عربية مستعملة مش متهانة و تكشف عليها كويس و تجربها بنفسك و تبص على سبيل المثال:ـــــــ

* الموتور : صوته و سحبه و إستقراره
* الجيربوكس : كفاءته و سلاسة النقلات
* الفرامل و العافشة و المساعدين * بالتجربة العملية
* الكهرباء شاملة الزجاج و المرايا و الكاسيت وفتحة السقف والسنتر والباور
* وتفحص الحالة العامة الداخلية و الخارجية لجسم الصاج



وأخيراً مافيش عربية مستعملة 100% يعني حتلاقي فيها و لو مشكلة بسيطة - بس مشكلة عن مشكلة تفرق


العربية بسم الله ماشاء الله جميلة في معظم النواحي بس الكمال لله وحده


وصلي الإستخارة و توكل على الله و إفتح الموقع ده و نــــــــــــــــــــــــ ــــقِّـــــــــــــــــي براحتك

http://www.contactcars.com

:E_braces[1]:

اقتباس:

---

المشاركة الأصلية كتبت بواسطة shaddadfalcon1

زميل ليا معاه ميجان وداخ في الفتيس وفي الأخر غير تقريبا معظمه مش فاكر بيقولي نص فتيس او حاجه كده ودفع 3000 جنيه بغد مصاريف تانيه كتيير

---

يا ريت لو مفيهاش مشكلة بالنسبالك تقولنا على مشكلة الفتيس معاه أيه.......يعنى أيه اللى بيحصل و غير أيه و كده

جايز نقدر نساعده.

اقتباس:

---

المشاركة الأصلية كتبت بواسطة engtmk

اسف ان كان كلامي مش رد لاسئله حضرتك بس انا سقت الاوبل فكترا ومعايا حاليا فلوانيس ورغم انها والحمد لله عربيه اكتر من ممتازه (وهي تعتبر اخت الميجان)

الا أن الاوبل فكترا افضل بمراااااااااااااااااااااا حل من الميجان وصعب تقارنها بيها انا كانت معايا 2000 سي سي الاوتوماتيك .

جرب تسوق فيكترا cdx وسوق ميجان وانت قول الفرق.

---

سيدى الفاضل أنا كان معايا فيكترا 97 قبل الميجان........و كانت 2000 سى سى برضه

العربية حلوة طبعاً مفيش كلام.........و فيها حاجتين تلاتة أحسن من الميجان زى الثبات على سبيل المثال..........بس أنت بتتكلم فى ثبات بعد ال 170 مثلاً ممكن تحس بفرق.

الحاجة اللى خلتنى أبيع الفيكترا هى أنها كانت قطع غيار العفشة بتاعتها ( خصوصاً الأجزاء الكاوتش زى الجلب مثلاً ) كانو بيبوظو بسرعة جداً و جبتهم تركى و جبتهم gm و كذا حاجة تانية و كانو مش بيكملو سنة و بيبقو محتاجين تغيير.........ده غير أن حصل فيها مشكلتين واحدة فى الفتيس و دفعت فيه ما يقرب من 3500 جم إصلاح و التانية فى علبة الدركسيون و دى أتصلحت فى 3 أسابيع تقريباً........و كانت مشكلة مش إعتيادية......يعنى أنا الأول كانت العلبة أبتدت تبوظ.....و أنا مش بحب أمشى بحاجة نص نص.............رحت غيرتها بعلبة أستيراد.....فى نفس اليوم بالليل جابت زيت.......تانى يوم غيرتها بواحدة تاينة..........برضه جابت زيت فى نفس اليوم.
قولت يبقى اللى بيركب أكيد بيعمل حاجة غلط........رحت لمركز خدمة أوبل معتمد ( عاطف غالى ) غيرلى 3 تانيين أستيراد و نفس المشكلة.........عاطف كان صديقى.....ركبلى علبة جديدة ب5000 جم و قالى أتكل على الله و لما يبقى معاك فلوس أبقى أدفع...........تانى يوم جابت زيت........سبتها عنده بعد كده حوالى 3 أو 4 أيام..........و طلعت المشكلة فى بلف فى طرمبة الباور.....هى فيها 2 بلف......واحد بيملى العلبة زيت و التانى بيفضى العلبة من الزيت..........التانى دى مكنش شغال......يبفى الزيت بيفضل يدخل العلبة و مش بيخرج و بيدخل عليه زيت تانى لحد ما العلبة بتضرب.........البلف ده أتغير بحوالى 250 جز و المشكلة أتحلت.

أسف على الإطالة بس اللى حبيت أوضحه أن العربية حالة أولاً و أخيراً.........و الفيكترا مش وحشة على الإطلاق بس أنا شايف الميجان أحلى شوية على الأقل علشان الكماليات و الأمان اللى فيها.

اقتباس:

---

المشاركة الأصلية كتبت بواسطة iaibrahim

ايه حكايه البطاريه ؟ انا عايز احد الاخوه اللى عندهم خبره يقولوا لنا ( الناس الجديده ) ما هى اعراض البطاريه الضعيفه قبل ما تقف خالص وتعمل مشكله عشان الواحد يعمل حسابه ويغيرها - وارى من الاخر ان الرينو مش للاجواء ولا الطرق المصريه ده عايزه رفاهيه ومع ذلك انا بفكر اغير لميجان 3 او 2 موديل حديث هاتش باك وانا معى 2 بدون فتحه سقف ونضيفه بجد ولسه مركب لها سنسور ركن ظريف جدا ما رأيكم مع جزيل الشكر

---

زى أى عربية.....تعتيل فى الدوارة......ضعف فى الأنوار........زيها زى أى عربية فى بطارية بايظة

اقتباس:

---

المشاركة الأصلية كتبت بواسطة shaddadfalcon1

هي شكلها عاجبني وركبتها كذا مره مع صاحبي جميله قوي بجد وسعر المستعمل فيها تحفه وبحس انها انسب حاجه بالنسبه للسعر
يعني 70 الف يادوب يجيبو اوبترا اللي هي ب 90 الف زيرو ونفس المبلغ يجيب ميجان اللي هي تقريبا ناحية ال 140 الف

ناس تقولي حلوه وشغاله وبنت حلال ومنهم صاحبي ده نفسه وبيقولي ان دي الحاجه الوحيده وكده ومش مزعلاه وبيرشحهالي كمان وناس تانيه تقول لا ياعم ابعد ده مقرفه ومشاكلها كتيير

يوم زميلي ده مش فاكر قالي ان كان في مشكله في الدينامو وبعدها تاني يوم مدارتش برده وغير البطاريه

عايزين حد خبير يقولنا ياجماعه العربيه دي بتاعة بهدله ولا لآ

---

معلش يا ريت تشوفلنا صاحبك و مشكلته مع الفتيس و برضه تقولنا بيصلح فين.

ده مش إنكار لكلامك والله.........أنا بس عاوز أساعده لو أقدر.

اقتباس:

---

المشاركة الأصلية كتبت بواسطة scraper2012

من الأخر الميجان عربية ممتازة بس عايزة سواقة مافيهاش شد ولا سباقا

---

أسمحلى أختلف معاك فى دى..........أنا كنت بشد و بجرى بالميجان عادى.........بس بعملها صيانة فى مواعيدها و عند ناس بتفهم.

و أيمن momo10000 معانا فى المنتدى و كان بيشد و بيعمل اللى أنت عاوزه بعربيته أيام لم كان فيها الموتور ال 1600 عادى.........و كان مركب تربو و اكسهوست كامل و فلتر رياضى.

و بعد كده أعتقد سقط موتور 2000 سى سى و نفس التعديلات تانى و زيادة عليها كمان.


العربية دى ممكن تعمل بيها اللى أنت عاوزه بس بشرطين
1- تصلحها عند حد فاهم فيها.
2- تعمل صياناتها فى مواعيدها.

لو علي الصيانه وقطع الغيار مقدور عليها
بس فعلا ياجماعه الله يكرمكم العربيه بتستحمل البهدله والجري والشد والسفر والطرق الوحشه ولا لآ؟

انا عايز كلام من حد مجرب مش سامع من حد عشان العربيه دي بالذات واحد يقول حلوه واحد يقول مش حلوه

اقتباس:

---

المشاركة الأصلية كتبت بواسطة shaddadfalcon1

لو علي الصيانه وقطع الغيار مقدور عليها
بس فعلا ياجماعه الله يكرمكم العربيه بتستحمل البهدله والجري والشد والسفر والطرق الوحشه ولا لآ؟

انا عايز كلام من حد مجرب مش سامع من حد عشان العربيه دي بالذات واحد يقول حلوه واحد يقول مش حلوه

---

أيه ده...........يعنى أفهم من كده أن أنا مش عاجبك و لا أيه ؟؟؟؟؟؟؟؟

ههههههههههههههههههههه

بص يا سيدى الفاضل.........جرى بتستحمل.........شد بتستحمل......سفر بتستحمل طرق وحشة بتستحمل..........بس كله بالعقل......

جرى أجرى مش هتقولك لأ

شد شد مش هتقولك لأ..........بس مش على الفاضى و المليان علشان تحافظ عليها أو أى عربية تانية حتى.

سفر مبتقولش لأ

طرق وحشة مش هتقول لأ برضه..........بس مش تلاقى طريق مكسر و تدخل فيه بسرعتك برضه

يعنى أنا هنا فى الإمارات أماكن الركن الطبيعية فى إمارة الشارقة هى عبارة عن قطع أراضى فاضية ما بين العمارات......و طبعاً مش ممهدة على الإطلاق.........بدخل فيها يومياً و مفيش مشاكل طالما بمشى واحدة واحدة........

وصلت الفكرة ؟

يا جماعة الناس بتودينى وتجبنى شوية فيكترا شوية صنى شوية جين2 والــــــخ

المهم بلف الف وأرجع للميجان,,,,,,,,, دا شكل العربيات دى عشق مش أمكانيات :)

اقتباس:

---

المشاركة الأصلية كتبت بواسطة ahmed a.maksoud

أيه ده...........يعنى أفهم من كده أن أنا مش عاجبك و لا أيه ؟؟؟؟؟؟؟؟

ههههههههههههههههههههه

بص يا سيدى الفاضل.........جرى بتستحمل.........شد بتستحمل......سفر بتستحمل طرق وحشة بتستحمل..........بس كله بالعقل......

جرى أجرى مش هتقولك لأ

شد شد مش هتقولك لأ..........بس مش على الفاضى و المليان علشان تحافظ عليها أو أى عربية تانية حتى.

سفر مبتقولش لأ

طرق وحشة مش هتقول لأ برضه..........بس مش تلاقى طريق مكسر و تدخل فيه بسرعتك برضه

يعنى أنا هنا فى الإمارات أماكن الركن الطبيعية فى إمارة الشارقة هى عبارة عن قطع أراضى فاضية ما بين العمارات......و طبعاً مش ممهدة على الإطلاق.........بدخل فيها يومياً و مفيش مشاكل طالما بمشى واحدة واحدة........

وصلت الفكرة ؟

---

جزاك الله كل خير ياباشا وانت تملي عين التخين طبعا
الفكره وصلت طبعا وده اللي كل الناس الفاهمه بتعمله

كده بقي الكلام التاني ده حواديت الشعب المصري ولا ايه؟ اصل الناس محسساني اني ممكن ابقي ماشي اخد مطب مثلا الاقي نفسي ماشي بالكرسي والطاره بس

وياتري لو حبيت اشتري اجيب موديل ايه؟
وايه انسب كيلو مترات تبقي العربيه ماشياها عشان متبقشا متهانه بفرض ان صاحبها محافظ عليها يعني

انا شفت اعلان علي كونتاكت موديل 2008 هايلاين ماشيه 55 الف كيلو معروضه علي 73 الف
هل دي كويسه مثلا؟

اقتباس:

---

المشاركة الأصلية كتبت بواسطة shaddadfalcon1

جزاك الله كل خير ياباشا وانت تملي عين التخين طبعا
الفكره وصلت طبعا وده اللي كل الناس الفاهمه بتعمله

كده بقي الكلام التاني ده حواديت الشعب المصري ولا ايه؟ اصل الناس محسساني اني ممكن ابقي ماشي اخد مطب مثلا الاقي نفسي ماشي بالكرسي والطاره بس

وياتري لو حبيت اشتري اجيب موديل ايه؟
وايه انسب كيلو مترات تبقي العربيه ماشياها عشان متبقشا متهانه بفرض ان صاحبها محافظ عليها يعني

انا شفت اعلان علي كونتاكت موديل 2008 هايلاين ماشيه 55 الف كيلو معروضه علي 73 الف
هل دي كويسه مثلا؟

---

يا باشا الله يكرمك.

بالنسبة لموضوع المطب............إحتمال تبقى الطارة بس من غير الكرسى هههههههههههه

العربية اللى فى الإعلان كل حاجة فيها كويسة..........بس فيه حاجة تخلينى أشك فيها........السعر

السعر أعتقد قليل على 2008 هاي لاين و ماشية 55 ألف و ده يعتبر معقول جداً.

أكشف فى التوكيل و لو تمام توكل على الله.

الفيصل هو حالة العربية و الكشف فى التوكيل.

اقتباس:

---

المشاركة الأصلية كتبت بواسطة shaddadfalcon1

جزاك الله كل خير ياباشا وانت تملي عين التخين طبعا
الفكره وصلت طبعا وده اللي كل الناس الفاهمه بتعمله

كده بقي الكلام التاني ده حواديت الشعب المصري ولا ايه؟ اصل الناس محسساني اني ممكن ابقي ماشي اخد مطب مثلا الاقي نفسي ماشي بالكرسي والطاره بس

وياتري لو حبيت اشتري اجيب موديل ايه؟
وايه انسب كيلو مترات تبقي العربيه ماشياها عشان متبقشا متهانه بفرض ان صاحبها محافظ عليها يعني

انا شفت اعلان علي كونتاكت موديل 2008 هايلاين ماشيه 55 الف كيلو معروضه علي 73 الف
هل دي كويسه مثلا؟

---

هو انا متابع السوق السعـــر دة يقلق قووى أكيد لازم تشوفها وتكشف وكدة يبقى تمام ويبقى مبرووك عليك ونركب معاك ناخد بيها لفتين :)

ربنا يكرمكم جمعيا
انا مش هشتري اصلا دلوقتي لسه بعد كام شهر لحد مااجمع قرشين علي تمن اللانوس بس يعني عربيه زي اللي قولت عليها دي المفروض سعرها الصح يبقي ايه؟
وياتري 70 الف ممكن يجيبو رينو موديل كام وحالتها ايه؟

اقتباس:

---

انا فعلا شفت زميلي متبهدل فيها شويه عشان الفطيش ومره البطاريه كانت خلاص بتودع وهو ماشي علي الكورنيش في الأسكندريه مروح ميامي العربيه بطلت وفصلت مياه ونور وكهرباء وكل حاجه وقفت ولولا انه كان خلاص مهدي كان لبس

---

دي شكلها مشكلة دينامو كمان مش بطارية بس !

اقتباس:

---

المشاركة الأصلية كتبت بواسطة تامر.محمد

دي شكلها مشكلة دينامو كمان مش بطارية بس !

---

هو الدينامو فعلا كان فيه مشكله بس مش كبيره واتصلحت بسهوله بس تاني يوم لقي البطاريه ميته وغيرها وكله بقي تمام بعدها
بس الفكره كلها في الطريقه اللي تبوظ بيها بس اعتقد ان المشكله اللي حصلت كانت بسبب ان الدينامو فصل عشان كده كل حاجه وقفت لان علي حسب خبرتي لو حتي البطاريه رايحه في داهيه وطالما العربيه دارت يببقي مش مشكله بعد كده

اقتباس:

---

المشاركة الأصلية كتبت بواسطة shaddadfalcon1

بس الفكره كلها في الطريقه اللي تبوظ بيها بس اعتقد ان المشكله اللي حصلت كانت بسبب ان الدينامو فصل عشان كده كل حاجه وقفت لان علي حسب خبرتي لو حتي البطاريه رايحه في داهيه وطالما العربيه دارت يببقي مش مشكله بعد كده

---

بالظبط
و خد بالك من حاجة , اظن و الله اعلم ان حتى لو الدينامو فصل خالص و البطارية شغالة بتقدر تشغل لك شوية حاجات و انت ماشي ( مش متأكد من المعلومة دي)

المهم اظن انه لما كشف لقى الدينامو و البطارية رايحين خالص

هو الدينامو كان فيه مشكله بسيطه واتحلت لكن البطاريه كانت رايحه خالص واتغيرت