مشكلة غريبة وعايز تفسير

**nice_bird** · 26-11-2011 01:53 PM

روحت ادور العربية امبارح بالليل (بوما 1600 اوتو) والمفاجئة ان لمبه الزيت مش منورة مع المفتاح لكن بعد ما تطفي لمبة التشيك تنور لمبه الزيت عادي اجي ادور مش راضية تدور (تشتغل وتطفي ع طول ) حاولت اكتر من مرة مفيش فايدة قست الزيت مظبوط وفيها بنزين كتير (اكتر من النص) وكل حاجه تمام سبتها شوية وبعدين فصلت البطارية وووصلتها اللمبه نورت طبيعي والعربية دارت عادي وكنت عايز اعرف ايه اللي حصل معايا

**yoga** · 26-11-2011 02:01 PM

تفسيرى وع قدى يعنى انت عملت ريسيتارت لكمبيوتر العربيه وعليه الدنيا اتظبطت لان ساعات الكمبيوتر محتاج ريستارت لما يكوني حاجه حصلت غيرت حساس مثلا ........ وطيت او عليت السلانسيه فانت عملت الصح وان شاء الله مترجعش تانى

**nice_bird** · 26-11-2011 02:13 PM

انا كل خوفي ان يكون في حاجه في طلمبة الزيت وتعملي مشكلة اكبر

**HeMa_LanCeR** · 26-11-2011 04:06 PM

انت كده عملت اكبر غلط
الكمبيوتر كان مسجل خطاء وانت كده لما شيلت الكابل مسحت الخطاء بس هو مازال فعليا موجود
كده انت لازم تروح تعمل سكان وتعرف فيه ايه

**nice_bird** · 26-11-2011 09:06 PM

انت كده عملت اكبر غلط
الكمبيوتر كان مسجل خطاء وانت كده لما شيلت الكابل مسحت الخطاء بس هو مازال فعليا موجود
كده انت لازم تروح تعمل سكان وتعرف فيه ايه

يا باشا لمبه التشيك كانت بتطفي عادي المشكلة في لمبه الزيت مكنتش بتنور غير لما لمبه التشيك تطفي

**Eng_hatemfathy** · 26-11-2011 10:10 PM

اعتقد انها تهييسه من وحدة الكنترول وانت لما عملت ريست راحت التهييسه-لو فى مشكله فى طلمبة الزيت اللمبة مش هتطفى وعامة ممكن تشوف ضغظ الزيت من غطاء ملو الزيت لو فى زيت واصل للتاكيهات يبقى تمام ولو اللمبه ولعت تانى يبقى محتاج كشف على دورة الزيت وبإذن الله خير

**Eng_hatemfathy** · 27-11-2011 10:27 AM

المشاركة الأصلية كتبت بواسطة nice_bird

شكر عالرد بس هل ممكن يكون في حاجة في نوع الزيت

صعب اوى يكون الزيت السبب لان اكيد لما بترفع المقاس بتلاقى زيت لزج مش مايه-يا ريت تتأكد
ساعات بيكون فى مشكله فى الفلتر وهوا جديد وبيكون فى سدد يخلى اللمبه تنور -حاول تتابع اللمبه فهى المعيار لوجود المشكلة ولو نورت تانى لازم حد فنى يفتح الطبه ويشوف ضغط الزيت بعد الطلمبه ولو لاقاه كويس هيغير الفلتر ويكشف على سنسور الزيت(ساعة الزيت)
وإن شاء الله تكون تهييسه وعدت
بس المهم انك تتابع اللمبه ولزوجة الزيت على الديب استيك (المقاس) وان لمبة تشيك انجين منورتش تانى وبالتوفيق بإذن الله
طبعا لزوجة الزيت بتبان انك تمسك الزيت بين الابهام والسبابه وتبدأتبعدهم عن بعض وتحسبقوة التوتر السطحى للسائل المتمثل فى احساسك بالمقاومة وشكل الاستطاله فى الفراغ بين اصبعيك