ما حكمك على اسبرانزا a113 بعد فترة طويلة من الاستخدام

**kimotop** · 26-11-2011 02:24 PM

السلام عليكم

بيقولك اسأل مجرب ولا تسأل طبيب وطبعا كلنا عارفين الكلام الي بيدور حولين اسبرانزا من انها عربية اعطالها كتير او عربية توكيلها وحش او حتى عيوب صناعة وما الى ذلك

المهم انا بفكر جديا في شراء اسبرانزا a113 شايفها متوافقة مع احتياجاتي انا حتى احتياجاتي ممكن تمشيها عربية سوزوكي ماروتي لان مشاويري قليلة ومسافتها مش بعيدة .

المهم دي فلوس هتتدفع و ارجو من الناس الي جربت العربية فعلا والمهم لفترة طويلة مش مجرد انطباع شراء جديد او سمع من ناس يعرفهم ، يكون واحد جرب و عنده مصداقية يقول رأيه بامانة ومش علشان هي معاه لازم تكون احسن عربية او لو لقى فيها عيب يبقى هي اوحش عربية . يعني انا مثلا كان معايا عربية فيات 128 والي يسألني عنها اقوله اوعى تجبها علشان زبالة واعطالها كتير وصحيح قطع غيراها متوفرة ورخيصة لكن غير معمرة و الاحسن منها تجيب دايهاتسو ميرا او شارد بنفس السعر ومتجبهاش هي .

يعني باختصار متتعصبش لعربيك ولك جزيل الشكر وربنا يوفقنا ويستر طريقنا ان شاء الله .

**elmoski** · 27-11-2011 04:10 PM

هو حضرتك قايل اللي تجربته طويلة مع العربية .... بصراحة انا حابب اديلك رايي علي الرغم اني من ملاك العربية من شهر بالظبط و هقولك بأمانة شديدة

هي العربية كويسة جدا جدا في كل حاجة واسعة سريعة كمالياتها حلوة جدا بس مشكلتها الوحيدة معايا هي الفيتيس

يوجد عضة علي التاني و المارشدير و العضة اللي علي التاني بتروح بعد ما بمشي بالعربية شوية يعني بيتقي محتاجة تسخن... ناس قالولي غير زيت الفتيس و انا مستني صيانة الالف و هشوف القصة دي ايه دي هي مشكلتي الاساسية مع العربية غير كدة العربية جامده و الله

**megaman** · 28-11-2011 06:40 PM

من اسوء العربيات اللى ممكن تشتريها فى مصر والله العظيم والله العظيم النهارده دافعين 2400 جنيه صيانة ال60000 فلا التوكيل بعد نا اتخانقنا وكانت الفاتوره 2800 كل اللى فيها زياده عن الصيانه كالون باب ب125 وطرمبة مياه ب350 على ما اظن المصنعيه 700 قطع الغيار الباقى احسبوها انتوا العربيه خيبانه وتعبانه ومليانه مشاكل اللهم هل بلغت اللهم فاشهد

**abokoko** · 28-11-2011 06:57 PM

لست من ملاكها
لكنى باعتبرها عربيه - بناتى - وكويسه لسيده او انسه - لضغر حجمها
و مناسبه لمشاوير داخل البلد

**osa92003** · 28-11-2011 07:01 PM

المشاركة الأصلية كتبت بواسطة megaman

من اسوء العربيات اللى ممكن تشتريها فى مصر والله العظيم والله العظيم النهارده دافعين 2400 جنيه صيانة ال60000 فلا التوكيل بعد نا اتخانقنا وكانت الفاتوره 2800 كل اللى فيها زياده عن الصيانه كالون باب ب125 وطرمبة مياه ب350 على ما اظن المصنعيه 700 قطع الغيار الباقى احسبوها انتوا العربيه خيبانه وتعبانه ومليانه مشاكل اللهم هل بلغت اللهم فاشهد

يعنى حضرتك معقول دفعت المبلغ ده مفاجاه لازم ياخدوا موافقتك قبل التغيير وبعدين ايه اللى غيرته فى الصيانه لو غيرت سير كاتينه بمجموعه البلى كامل مع تغيير زيت وفلتر طبيعى ان السعر يكون كده

**kimotop** · 29-11-2011 04:03 PM

متابع
واتمنى بدون خلافات شخصية فالعربية مش من صنع والد او عم احد هي مجرد عربية في الاول وفي الاخر

**misha_misha** · 29-11-2011 06:26 PM

والله عندك حق وانا كمان عايزه اعرف خبره الناس اللى بقالهم كتيير معاهم العربيه ومش لازم ننسى ان مفيش عربيه على الارض من غير مشاكل

وعلى اد ما فى ناس معجبتهومش العربيه وابدأ انى اقلق منها الاقى ناس تانيه فرحانين بيها اوووى وبقالها معاهم سنتين وماشاء الله

مش عارفه ده بقى بخت فى العربيه ولا ايه

متابعه معاك اراء الناس

**kimotop** · 29-11-2011 09:23 PM

متابع ...

**calipha3** · 29-11-2011 11:08 PM

معايا من 6 اشهر و الحمد لله مفيش مشاكل تذكر و شغاله تمام

**M.Elgergawy** · 29-11-2011 11:14 PM

مع واحد صحبي وللأمانة هي عجباني من جوا اوي وشيك ولكن يعيبها عفشتها سيئة جدا من حيث الاعتمادية بمعنى صديقي سافر بيها الساحل في الصيف وكانت عاملة 7 الاف كم ورجع حس بتزييق جامد في العفشة من ورا المهندس في التوكيل قاللوا المساعدين باظت يا استاذ بسبب سوء الاستخدام وتمنهم 800 ج طب ازاي دي لسه في الضمان قالوا دا سوء استخدام وصديقي راح اشتراهم من برا ب 300 ج وركبهم برا وحلف ماهو رايح التوكيل تاني وطظ في الضمان اللي مالوش اي 30 لازمة غير كدا بأمانة العربية جميلة وشيك وهو شغلوا من الشروق للدقي يوميا بيعمل 120 كم وعمل في 6 شهور 28 الف كم ماشاء الله ربنا يباركلوا فيها

الموضوع: ما حكمك على اسبرانزا a113 بعد فترة طويلة من الاستخدام

LinkBack

أدوات الموضوع

عرض

-

-

-

-

المواضيع المتشابهه

اسبرانزا a113

هل فعلا ركن العربية فترة طويلة غلط عليها؟

أي عضو حاجز من فترة طويلة عربية وكيل و ماستلمش يتفضل ياخد حقه

يا جماعة ساعدونى أختار أية بالظبط لأنى محتار و مش عارف أحدد بقالى فترة طويلة

عاوز حد ساق الصنى واللانسر فترة طويلة يقول تقييمه ليهم

الكلمات الدلالية لهذا الموضوع

المفضلات

المفضلات

ضوابط المشاركة