نقل ملكية وترخيص أفيو 2007

**drmagieed** · 26-11-2011 08:39 PM

معي سيارة أفيو 2007 ينتهي ترخيصها في 8/12/2011 ومعي رخصتها وتوكيلين من أخر بائعين ورخصها عين الصيرة وناوي أرخصها المنصورة وأنقل ملكيتها بإسمي سألت بعض الأصدقاء قالوا الأول تنقل ملكيتها بإسمك في الشهر العقاري ثم أستخرج شهادة بيانات وبراءة ذمة (شهادة مخالفات) من القاهرة ... فهل هذا صحيح وتكلفة نقل ملكية السيارة بإسمي في الشهر العقاري كام بالظبط وشكرا.

**medo500** · 27-11-2011 12:57 PM

ياباشا طالما الرخصة سارية مش محتاج شهادة بيانات كل الي حضرتك تعمله انك تروح اي مكتب شهر عقاري وتعمل عقد بيع لنفسك بالعربية وتسجلة وتجيب شهاده مخالفات الي بيسموها برائة الذمة وتطلع علي وحدة المرور التابع ليها محل اقامتك وتعمل نقل ملكية هياخدو من حضرتك الرخصة واللوحات وهايحتاجة مجموعة نماذج واورنيك فحص من الخزينة وهايصرفولك لوحات جديدة

**mido** · 27-11-2011 08:23 PM

حوالي من ١٠٠٠ الي ١٧٠٠

**medo500** · 28-11-2011 02:45 PM

رسوم التسجيل 1300 جنية

**drmagieed** · 29-11-2011 03:41 PM

طيب يا جماعة أن من المنصورة وخصة العربية القاهرة ... وعلي حد معلوماتي هأحتاج للترخيص بالمنصورة:
1- عقد مسجل بملكية السيارة.
2- شهادة بيانات.
3- براءة ذمة.
السؤال المهم هنا:
أنا هأسلم النمر القديمة (القاهرة) فين في المنصورة ولا في القاهرة وإن كنت هأسلمها في القاهرة لازم أخد العربية ولا أفك النمر وأسلمها هناك ... علي الفكرة النمر جديدة (الموحدة)
وشكرا

**drmagieed** · 02-12-2011 03:10 AM

المشاركة الأصلية كتبت بواسطة medo500

ياباشا حضرتك هاتروح تعمل عقد مسجل في الشهر العقاري وهاتجيب شهاده مخالفات فقط من القاهرة ياريت حضرتك تلحق تعمل الكلام ده قبل يوم 8/12 ولو علي اسوأ الفروض مالحقتش لغاية يوم 8/12 والرخصة انتهت هاتجيب شهادتين بيانات واحده للشهر العقاري وواحده لمرور المنصورة وهاتروح حضرتك مرور المنصورة ومعاك العقد المسجل والرخصة القديمة وشهادة البيانات وهاينقلولك الملكية وهاتسلم النمر القديمة في مرور المنصورة قدامك وقت ممكن حضرتك تلحق تعمل الكلام ده قبل يوم 8/12 علشان لو اتأخرت وحبيت تجيب شهادات بيانات لازم تدفع الضريبة بتاعت العربية في القاهرة

أشكرك يا أخي ومن يوم السبت سأبدأ في الإجراءات لإنهائها قبل يوم 8/12

**drmagieed** · 03-12-2011 02:08 PM

طيب عندي كذا سؤال:
1- إزاي أروح مرور عين الصيرة لأن أتوبيس المنصورة بينزلني في القللي؟
2- نيابة المرور إللي تبعها مرور عين الصيرة فين؟
3- لو روحت بالتوكيلات إختصارا للوقت وطلعت شهادة البيانات وبراءة الذمة هيأخدوا مني التوكيلات ولا هيسبوها لي؟
وشكر لكم علي تعاونكم

**drmagieed** · 04-12-2011 03:26 PM

المشاركة الأصلية كتبت بواسطة medo500

ياباشا حضرتك هاتروح تعمل عقد مسجل في الشهر العقاري وهاتجيب شهاده مخالفات فقط من القاهرة ياريت حضرتك تلحق تعمل الكلام ده قبل يوم 8/12 ولو علي اسوأ الفروض مالحقتش لغاية يوم 8/12 والرخصة انتهت هاتجيب شهادتين بيانات واحده للشهر العقاري وواحده لمرور المنصورة وهاتروح حضرتك مرور المنصورة ومعاك العقد المسجل والرخصة القديمة وشهادة البيانات وهاينقلولك الملكية وهاتسلم النمر القديمة في مرور المنصورة قدامك وقت ممكن حضرتك تلحق تعمل الكلام ده قبل يوم 8/12 علشان لو اتأخرت وحبيت تجيب شهادات بيانات لازم تدفع الضريبة بتاعت العربية في القاهرة

طيب أنا لو لحقت وعملت العقد المسجل في الشهر العقاري وطلعت براءة الذمة وشهادة البيانات قبل يوم 8/12 هل ممكن أخلص الموضوع في المنصورة خلال الشهر السماح يعني بعد 8/12 أصل بصراحة فوجئت وأنا بأسجل العربية بإسمي في الشهر العقاري إن بطاقتي الشخصية مفقودة وعلي طول بدون تفكير روحت طلعت واحدة مستعجلة هأستلمها يوم 6/12 وهأروح علي طول أسجل عقد البيع ... ويوم 7/12 هأروح القاهرة أطلع براءة الذمة وشهادة البيانات.