تقرير عن تغير عفشة أفيو 2008

**waelmohamed201** · 10-01-2012 02:04 PM

طب يا جماعة انا دلوقتى عامل 20000 كيلو ومواظب على التةوكيل فى جميع الصيانات على الرغم من التكلفة العالية جدا بس أنا ليا وجهة نظر اللى بتقول أدى العيش لخبازه والتوكيل هما أحسن ناس عارفين العربية وللعلم انا عربيتى أفيو 2010 بس بصراحة أنا مستحرم الفلوس اللى بدفعها فى التةكيل وعايز أشوف حد بره أعمل صيانتى فيه بس خايف من قطع الغيار اللى بره
السؤال دلوقتى انا عايز أعمنل صيانة الـ 20000 وعلى حد علمى فيها تغيير تيل فرامل أمامى اللى هو فى منصور بيعدى الـ 200 جنيه مع إن فى تيل فرامل بيتباع بره وفى ناس بتشكر فيه اللى هو الجولد بيعمل حوالى 70 جنيها
طب أعمل صيانتى فى التةكيل وأجيب قطع الغيار الأصلية من الوكيل ولا أعمل الصيانة بره
يا ريت الناس كلها تشارك يا جماعة لأن الموضوع مهم جدا

**hondaa84** · 11-01-2012 04:15 AM

بص يا ا- وائل --- انا رائى قطع الغيار اهم حاجة فى الصيانة واللى الناس كلها عرفاة ان التوكيل بيغالى جدا فى قطع الغيار وفوق دة المصنعيات عالية اوى وكمان فى حاجات فى قطع الغيار فى التوكيل مش كويسة زى حاجات العفشة -- علشان كدة انت ممكن تجيب قطع الغيار الاصلية من اى مكان برة او القطع اللى ناس مجمعة انها كويسة زى الجولد اللى انت قولت علية وتعمل الصيانة عند اى حد برة يكون شاطر هتلاقى نفسك وفرت شوية مش كتير فى تكلفة قطع الغيار ووفرت كتير اوى فى المصنعية -- وعموما انا معايا افيو 2008 وهعمل صيانة ال50000 اخر الشهر وبجمع معلومات من ساعة ما جبت العربية من شهر تقريبا -- وانتظر منى تقرير عن قطع غيار الافيو ممكن على بكرة او بعدو بالكتير --- وشكرا

**shady_hamdy** · 27-02-2012 09:20 AM

جبت مساعدين منرو خلفى امريكى 350 و اماة اوربى 550 من لهيطة و هما لسا نزلين الاسبوع دة

**bebo2000** · 27-02-2012 05:18 PM

المشاركة الأصلية كتبت بواسطة ekrami

جبت مساعدين منرو خلفى امريكى 350 و اماة اوربى 550 من لهيطة و هما لسا نزلين الاسبوع دة

ممكن بعد اذنك نمرة لهيطة لو معاك

**shady_hamdy** · 21-03-2012 11:37 AM

بعد تركيب المساعدين المنرو طبعا الثبات بقا فارق جدا بس هى ناشفة شوية بس طبعا احسن من الكورى او الصينى kyb اخف شوية بس مع المنرو الثبات عالى اووى و المنرو الخلفى امريكى غاز و زيت و دة كويس جدااا بس الامامى شرق اوسط ياريت كان فية منة امريكى بس عموما لو عاوز ثبات خصوصا ان الافيوا عالية ركب منروا