لكل عشاق الفاميه فى المنتدى

**drlifewhy** · 29-11-2011 01:45 AM

المشاركة الأصلية كتبت بواسطة axel

فكرة حلوة بس يا ريت صورة ع التطبيق اللي حضرتك عملته عشان نشوفها و نحكم اكتر

و احب اضيف ان فيه فكرة اسهل من كل القصة ديه طالما مش هتعرف تركب فاميه فيه ستاير كبس نفس الفكرة اللي قولتها بس منش غير التعب ده كله او الستاير الرول :)

ميزة دى عن الستاير انه دا بيطلع وينزل مع الأزاز عادى جدا لأنه بيكون متثبت بشريط لازق على حرف الأزاز من فوق ويطلع معاه وينزل وبتشوف منه عادى زى الفاميه بالظبط الستاير مش بتشوف منها كويس
وانا جربيته فى لانوس ولانسر وشغال تمام

**drlifewhy** · 29-11-2011 02:06 AM

المشاركة الأصلية كتبت بواسطة sheko_2000eg

فكرة رائعة بس يا ريت تقولنا نروح فين و نجيب منين و بكام
و يسلام لو في صور

انا من منصوره ياباشا فلو من منصوره اقولك غير كدا يبقى هتلاقى عند بتوع الدعايا والأعلان

المشاركة الأصلية كتبت بواسطة ashraf_ibrahim

والله هي فكرة منطقية جدا وجميلة والله

مشكور على المرور

المشاركة الأصلية كتبت بواسطة donzi

ياريت شرح بالصور لو امكن

و الفكرة فعلا حلوة

ادورلك على ألواح الفاميه لو لسه عندى اصورها لك

المشاركة الأصلية كتبت بواسطة ramyhekal

فكره جميله ما شاء الله
انت استاذ

مشكور على المرور

المشاركة الأصلية كتبت بواسطة funnymickey

بس زجاج العربيه مش مستوي عشان اعمل الفكره دي
بيبقي فيه تقوس سنه
مش عدل
وده حيخلي لوح الاكلريك يخرج من مكانه

السؤال الثاني هل فعلا فيه لوح اكليرك 1 مم
لاني لما رحت اشتري الاكلريك بتاع الرينجات
لقيت عندهم فعلا الواح كبيره
بس مش 1 مم
طبعا مكنش في دماغي اني اسأل فمبصيتش عليه

الميزه في الفاميه الكهرباء علي ما كنا نتصوره انك داخل علي لجنه ومفيم
بضغطه زرار حيتشال الفاميه ولا كأنك مركب حاجه

انما طالما شيل وحط
يبقي هيا نفس فكره الستاير الكبس
ولا انتا ايه رأيك ؟

التقوس دا بيكون خفيف اوى مش بيأثر فى حاجه
فى ياباشا موجود 1 ملى عادى و 1 ملى غير قابل للكسر

المشاركة الأصلية كتبت بواسطة osama.m

كدا الستاير الكبس تكسب
نفس الفكرة بردو بس في الستاير مش محتاج تفك الباب او تلزق حاجة على الازاز

الستائر مش بتنزل وتطلع ثابته فى مكانها

المشاركة الأصلية كتبت بواسطة a7med_pharma

قزاز العربية بومبيه .. مقعر من ناحية ومحدب من ناحية تانية
يعني الفكرة مش عملية
غير كده
الهدف منها إننا لما نحب نشيل الفيميه ..نبقا نشيل الطبقة التانية
يعني لازم نفك فرش الإبواب علشان نشيله
إلي يسمع الفكرة .. يفتكر إنها طبقة تانية جمب القزاز الأصلي ..تطلع وتنزل لوحدها من غير القزاز
الفكرة كويسة لو الطبقة التانية لها مكنة لوحدها غير مكنة القزاز..وكانت الطبقة دي بنفس حجم وتقعر القزاز بتاع العربية
بسسس

لأ ياباشا مش لازم تفك الفرش عشان تشيله او تركبه
انت بتفك الفرش مره واحده بس
عشان توسع مجرى الأزاز 1 ملى
بعد كدا خلاص
عايز تركبه
تنزل الأزاز لحد النص وتسقطه ورا الأزاز من جوه بعدين ترفع الأزاز وتلزقه عليه من فوق بشريط لزق على طول حرف الأزاز كدا هيفضل يطلع وينزل معاه طول الوقت
عايز تشيله تنزل الأزاز للنص تشيل شريط اللزق من على حرف الأزاز وتشده عادى تطلعه وكدا رجع الأزاز عادى
اكيد مش عمليه اوى زى الفاميه الكهربا
بس ميزتها انك هتفيم مره واحده بس وعلى كدا وتمشى بيه والله اتزنقت انك تشيله قشطا شيله وبعدين ركبه تانى مخسرتش حاجه لا وقت ولا فلوس ولا اى حاجه
او ممكن تخليه معاك وتستعمله لما تحتاجه وتشيله بعدها وطبعا احسن من الستاير كتييييييييييير لأنه بتشوف منه كويس جدا زى الفاميه وبيطلع وينزل عادى مع الأزاز

**FunnyMickey** · 29-11-2011 07:30 AM

طب موجود فين الاكليرك ال1 مم ده

**shaddadfalcon1** · 30-11-2011 10:20 AM

لو وسعت جوانات القزاز مش كده سهل ان يدخل تراب ومياه في الباب وده يجيب بارومه وقرف جوه الباب وياثر علي موتور القزاز والسنتر؟

**prisoner** · 30-11-2011 01:09 PM

المشاركة الأصلية كتبت بواسطة shaddadfalcon1

لو وسعت جوانات القزاز مش كده سهل ان يدخل تراب ومياه في الباب وده يجيب بارومه وقرف جوه الباب وياثر علي موتور القزاز والسنتر؟

بالظبط كده هوة ده اللى كان قصدى عليه يعنى لما توسع بين الزجاج وبين البلاستيك اللى حواليه المنظر من جوة مش هوة والتراب والمياه هايظبطوا العربية بصراحة حرام يبقى اوفر انك تفيم او فكرة الستاير الكبس ولما تدخل على لجنة اقف على جنب وشيل براحتك او لو فوجئت بيهم قولهم ثوانى واكون معاكم :-)