الموضوع: خطيبتى خانتنى...موقف صعب أتمنى المساعدة

المشاركة الأصلية كتبت بواسطة lomn

‘سمحولى قبل أى كلام إنى أوضح مشاعرى
ماشاء الله بجد أسم بالله لم أكن أتخيل هذا العدد الهائل من الردود...حسيت بنشوة غريبة وإحساس لايمكن وصفه..قد إيه المصريين دول عظام وقد إيه نايل موتورز ده رائع والله أنا فخور جدا وانا أحمل الستيكر على زجاج سيارتى...إنتوا عملتوا معاى أهم حاجة كنت محتاجها وإنى أفضفض ومش بس أفضفض لأ ده أنا بفضفض مع واحد مهتم بأمرى وبيفكرلى حتى وانا مش قاعد معاه انا امبارح فضلت طول اليوم بعد الشغل بره البيت علشان أمى متاخدش بالها منى..والنهاردة جيت لقيت الردود زادت وكل دلا بدلوه فى الأمر.....جزاكم الله عنى خيرا ولاوضح أحد فيكم فى مضيقة أبدا ورفع همكم إن شاء الله.

هحكيلكوا اللى حصل إمبارح بقى....
هى لما كلمتنى أنا جرحتها جامد من كلام يقتل بدون لفظ خارج بس كلام صعب ولما قلتلها إنى هاقول لعمى إنهارت ...المهم بعد شوية لقيت زوجة عمى بتكلمنى فرحت مكلمها لقيتها بتقولى انا عرفت اللى حصل والموضوع ده كله غلط وهى قالتلى من فترة إن فيه زميلها كان عنده مشكلة مع مراته(وهنا كانت الصدمة...ده متجوز)قالتلى أه ده متجوز وعنده 3 عيال وهى حبت تساعده وده نابع من طفوله وعدم خبره وإحساس بالكيان إنها ممكن تساعد فى حل المشاكل ديه والبنات بيحبوا يرغوا قوى فى القصص ديه...قلتلها وإزاى بتكلمه فى الوقت ده باليل وبتبعتله رسائل...قالتلى ده كان فترة ساب الشغل وكانت بتشوف عامل إيه فى مشاكله من نوع الإطمئنان على زميل...وده مش مبرر وانا مكنتش أعرف إن فى مكالمات باليل انا كنت أعرف إن فيه مشكلة مع زميلها وكانت بتحكيلى وبتحكى لباباها (اللى هو عمى)وكنا بنعرض حلول لكن مكناش نعرف إنها بتكلمه باليل وهى واثقة مليون فى المية إن بنتها غلطانة وتستاهل الضرب والبهدلة لكن فى نفس الوقت واثقة فى بنتها ومتأكده من حبها ليه وبتشوفها قد إيه لما بتكون مستنيانى وانا جى بتبقى فرحانة وكلام من ده...وانتهت المكالمة
طبعا لم أقتنع لإنى حطيت نفسى مكان أمها لقيتها مينفعش تقول غير كده...
المهم هى حاولة تكلمنى قلتلها إنى كدابه وبتكدبى على أمك وبتقولها كده وإزاى بتكلميه الساعة 12 باليل علشان تصالحيه على مراته؟؟؟ليه !!!! المهم برده كنت بقولها كلام يقتل يعنى!!!! وافرضى إنه مراته عرفت كانت عملت فيكى إيه..كانت فضحتك فى شغلك وسمعتك...
المهم المكالمة لم تحل الموضوع...شوية وبعتتلى رسالة قالتلى إن عمى عرف وإن أمها حكتله المكالمة وانها لما رجعت بهدلها ومرمتها.
المهم كلمنى وطبعا انا استغربت إنه هاجمنى وقالى إزاى تشك فى بنت عمك..إزاى تفكيرك يوصل لكده..أه هى غلطت ولازم تاخد جزائها ولازم تتعلم إنها مدخلش نفسها فى موضوع زى ده تانى أبدا لإن المواضيع ديه بتفرض النية السيئة حتى لو كانت باطنها سليم...وقالى انا عارف بنتى كويس وانا مربيها وده انا اعتبرته نوع من انواع الطيبة المبالغ فيها اللى لازم تنهيها تماما..وانى لاانكر عليك غضبك لكن انكر عليك شكك واى قرار تحب تاخده انا تحت امرك لكن مش هوافق انك تشكك فيها وقالى إنه عارف قد إيه هى مرتبطة بيه واحنا كنا بنخلص العفش فإستحالة يكون في نوع من الريبة أو الشك والشك ده مش مفروض يخش قلوبكم.وقالى إن البنت هاتضيع وانا المفروض أخاف عليها أكتر منك وكان ممكن أموتها لو إتأكدت إن فيه حاجة غلط ..لكن المواضيع ديه لاتحتاج للشباب كان لازم تيجى تقولى من أول لحظة وانا كنت هاساعدك نعرف الحقيقة من غير ماشوف البنت نايمة وسخنة وضغطها على.
وقالى تجهز أمك علشان نطلع يوم الجمعة على النجار علشان الصالون كان فيه حبة تعديلات ونجيب باقى الفلوس علشان نخلص وقالى شد حيلك يامحمد إحنا فاضلنا كام شهر على الجواز.
حالى بعد المكالمة
أولا أنا لم أتوقع إن عمى يكون ده ردة فعله أبدا...انا عارفه كويس جدا وعارف عصبيته...
ثانيا إحساس جوايا حسسنى إنى لبست الحوار.
ثالثا إحساس جوايا إنى هالبس إنى أنا اللى غلطان :)

بس وطبعا مكلمتهاش من ساعتها وهى حاولت تتصل بيه كتير مردتش ورحت قعدت على القهوة ولعبت بولة إستيميشن لحد الساعة 2 وروحت نمت وصحيت متأخر على الشغل.

مع احترامي لحضرتك وعم حضرتك
انت كده بتلبس البالوظه يامعلم
والبنت علي حد فهمي لحقت ظبطتت نفسها بسرعه واكلت اهلها البالوظه برده ولبستهم عمم

منين واحد متجوز ومنين بتكلمه بعد 12 بالليل وهي لما كلمتك قالتلك انه هو اللي بيحبها وانها بترتحله ومنين اهلها بيقولو دي بتحلله مشكله ؟؟؟ معلش كلام ميدخلش الدماغ وانت غلطت انك اول مااللموضوع حصل كنت فورا من غير ماتقولها تقول لأبوها

راعي ان ابوها وامها عمرهم ماهيغلطوها وهيجيبو الغلط عندك انت وازاي تشك والكلام الفارغ ده لانهم عارفين ان الموضوع ده هيشوشر عليها وحتي لو معملش كده فهما بيخسرو حد كويس ومن العيله كمان

رايي طالما قالك اي قرار تحب تاخده يبقي تقوله انا مش هقدر اكمل واكيد هيزعل منك وده مش مهم محدش بيفضل فاكر طول العمر
وياسيدي اديكو مع بعض لو لقيتها اتظبطتت فعلا بعد كده ابقي ارجعلها

ممكن برده تحاول تتسلل للشغل بتاعها وتشوف الشاب ولا الراجل اللي متجوز ده وتحاول تشوف ايه نظامه
حاول تراقبها او تطب علهم في الشغل مثلا وتشوف الوضع عامل ازاي
حاول تجيب كشف للفاتوره عن الكام يوم اللي فاتو وتشوف كلمته ولا لآ

حاول تثبت ان كلام عمك غلط ومهما كان الكلام اللي قاله فده لا يعطيها الحق في انها تعمل كده
هي بتشتغل ولا بتصلح وبعدين من امتي البنات بيرجعو الشباب لزوجاتهم؟
اصلا انا لو متخانق مع مراتي وجت واحده بتكلمني بعقلانيه وبتحاول ترجعني هتشد ليها لاني هبقي في اقصي مراحل غضبي وسخطي علي مراتي وهبقي عرضه اني اتعرض لفتنه من واحده تانيه
هي قلة رجاله يعني وبعدين هو البعيد يعني قلة رجاله رايح لزميله صغيره في الشغل يحكيلها همه يبقي اكيد مش هيروح يكلمها وهما العلاقه مابينهم سطحيه مثلا