محاسب هيعملي سجل تجاري وبطاقة ضريبية ومحتاج مساعدتكم

**Mahmoud Naguib** · 12-06-2016 05:13 AM

السلام عليكم

انا فكرت اعمل سجل تجاري وبطاقة ضريبية لأكتر من سبب

اولا علشان اقدر اكتب ف بطاقتي اني صاحب عمل لأني شغلي حر

ثانيا علشان اطلع باسبور مكتوب فيه اني شغال واسافر من غير ما اطلع كل شوية تصريح امني وكلام من ده

ثالثا علشان اعرف اتعامل مع البنوك بدون تعقيدات

المهم .. في محاسب عنده شركة استشارات قالي هيعلي الموضوع ده ب 1500 وهيعمل العنوان على مكتبه هو
واعمله توكيل بالتعامل مع الشهر العقاري والغرفة التجارية والتأمينات وكذا
واديله صورة بطاقتي وف وقت معين هيكلمني اروحله علشان اصل البطاقة

فدلوقت انا عندي سؤالين اهم من بعض

اول سؤال
انا السبب الرئيسي اللي مخليني اعمل كدة هو اني محتاج اطلع باسبور بمهنة علشان يسهلي الحركة لأني ناوي اسافر سياحة لأكتر من دولة
فأنا فكرت اكتب السجل التجاري بنشاطي المهني وهو التسويق العقاري
بس هو قالي ممكن اعملها استيراد وتصدير علشان يبقى اسهل ف السفر ... هو اقترح عليا بس .. بس ف الأصل هو ميعرفش الأسهل
فياريت لو حد يعرف يدلني اعمل النشاط ايه

تاني سؤال
اي الخطوات اللي المفروض اعملها مع المحاسب
وهل التوكيل اللي طلبه ممكن يستخدمه خارج الأمر ده

شكرا جزيلا

**ahmed_eng2001** · 12-06-2016 02:13 PM

متابع

**subhimust** · 12-06-2016 02:31 PM

متابع

**mk3** · 12-06-2016 09:11 PM

الموضوع مش محتاج محاسب.
تقدر تروح بنفسك الضرايب وبعدين الغرفه التجاريه التابعه لمحافظتك والاجراءات مفيش اسهل من كده.
وبالنسبه للعنوان اعمله على شقتك السكنيه او لو عجزت خالص فى واحد اعرفه فالهرم ممكن ياجر لك مكتب يوم عشان المعاينه ده لو عاينوا اصلا.
وكده كده انت محتاج الورق للبطاقه وتروح تقفله تانى يوم.
استيراد وتصدير نشاط كويس وعموما كده كده لو الدوله اللى انت مسافر لها مش سهله الإجراءات لو كتبت وزير برضو مش هتسافر .

**Mahmoud Naguib** · 13-06-2016 05:40 AM

على فكرة الموضوع مش سهل للدرجة دي
في اجراءات كتير ومحتاج حد عمل الموضوع كذا مرة
غير كدة في مبلغ بيتدفع برضه حوالي 500ج على حسب ما قرأت
ناس كتير بتعمله ب 2000 وده بيعمله ب 1500 وانا مش مشكلتي ف الفلوس أد ما مشكلتي ف التخصص اللي ناوي اسجل بيه الشركة وكمان الاجراءات اللي هعملها معاه

هو قالي اعمله توكيل بالكلام ده
التعامل مع الضرائب العامة وماموريتها وضرائب المبيعات وماموريتها واثبات تواريخ العقودبالشهر العقاري والتوقيع عليها والسجل التجاري والغرف التجاريه والتأمينات الاجتماعية وذلك في كافة اتخاذ الاجراءات اللازمة واستلام وتسليم الاوراق مع كافة الجهات الحكومية والغير حكومية

هل كدة تمام ؟

**فتح الباب** · 13-06-2016 07:04 AM

متابع

**dedi** · 13-06-2016 10:15 AM

يا باشا اهم سؤال اية الضمان فى عدم وجودك وبالتوكيل ممكن يستورد اى بضاعة بناءا على ورق الذى معاة وباسمك
طبعا مشاكل كتير وضرايب وحضرتك ترجع تفاجئ بكدة

**Mahmoud Naguib** · 13-06-2016 02:07 PM

Dedi مهو انا مش اول واحد هيخلي حد يعمله القصة دي
ناس كتير جدا بتعملها !!

وايه البديل ف نظرك ؟؟

**Karim Alaa** · 13-06-2016 04:48 PM

التوكيل لا فيه استيراد و لا تصدير و لا اداره اى شىء و الضمان بسيط جدا اول ميخلص هتلغى التوكيل و تخليه يمضىى على استلام اعلان الغاء التوكيل و خلصت و انا شايف ان تخصص استيراد و تصدير افضل فعلا

**mk3** · 13-06-2016 06:44 PM

المشاركة الأصلية كتبت بواسطة mahmoud naguib

على فكرة الموضوع مش سهل للدرجة دي
في اجراءات كتير ومحتاج حد عمل الموضوع كذا مرة
غير كدة في مبلغ بيتدفع برضه حوالي 500ج على حسب ما قرأت
ناس كتير بتعمله ب 2000 وده بيعمله ب 1500 وانا مش مشكلتي ف الفلوس أد ما مشكلتي ف التخصص اللي ناوي اسجل بيه الشركة وكمان الاجراءات اللي هعملها معاه

هو قالي اعمله توكيل بالكلام ده
التعامل مع الضرائب العامة وماموريتها وضرائب المبيعات وماموريتها واثبات تواريخ العقودبالشهر العقاري والتوقيع عليها والسجل التجاري والغرف التجاريه والتأمينات الاجتماعية وذلك في كافة اتخاذ الاجراءات اللازمة واستلام وتسليم الاوراق مع كافة الجهات الحكومية والغير حكومية

هل كدة تمام ؟

عن تجربه سهل جدا
هات 1000 وانا اعملهولك ههههههه
ضرايب ايه حضرتك فى نشاط وهمى وكمان ضريبه مبيعات !!!! واضح انه عامله البحر طحينه...
تانى
انت هتفتح سجل تعمل البطاقه وتقفل تانى

الموضوع: محاسب هيعملي سجل تجاري وبطاقة ضريبية ومحتاج مساعدتكم

LinkBack

أدوات الموضوع

عرض

محاسب هيعملي سجل تجاري وبطاقة ضريبية ومحتاج مساعدتكم - انشر الموضوع فى :

-

-

-

-

-

-

المواضيع المتشابهه

ما شروط الحصول علي سجل تجاري و بطاقة ضريبية

محتار جدا... ومحتاج مساعدتكم

استخراج سجل تجارى وبطاقة ضريبية !!!!!!!!

ابدأ محاسب في مكتب محاسبة ولا محاسب في شركة...اشيروا علي ايها الناس

محتار ومحتاج مساعدتكم

الكلمات الدلالية لهذا الموضوع

المفضلات

المفضلات

ضوابط المشاركة