صني 2012 أم تيدا اوتو

**BlackEagle1985** · 28-11-2011 07:22 PM

السلام عليكم و رحمة الله و بركاته
انا عارف انه موضوع مقرر و فيه ناس ممكن تقولي اقرا كويس المواضيع اللي بالقسم بس انا قريت كتير جدا و وصلت لصفحات متقدمة جدا بالقسم و مع ذلك مش قادر اخد قرار نهائي
بصراحة علشان ماطولش عليكم مع اني عندي كلام كتييييييييييييير اوي جوايا لاني واحد من الناس بدور علي عربية من اكتر من عشر شهور
كنت حابب البيرسونا جدا بس للاسف ربنا يسامح و يهدي توكيل البروتون قلقني منها جدا و قررت اصرف نظر عنها و لاني بحب العربيات الياباني جدا لاني طبيعة شغلي خلتني اتعامل مع سيفيك و مازدا و كورولا و كلهم عربيات ممتازة بس السيفيك ليها معزة خاصة عندي.
فبعد بحث فترة برده مش قليلة و قراءة مواضيع كتيرة بمنتدي نيسان ربنا هداني للتفكير في حاجة من اتنين اما نيسان صني 2012 سوبر صالون او تيدا اوتوماتك اول فئة باذن الله اللي ثمنها علي مواقع الانترنت دلوقتي حوالي 115 الف
ممكن اعرف ارائكم من واقع اللي جرب العربيتين علما باني اسرتي مكونة من 3 افراد العبد لله و طفل و زوجة بفضل الله و حابب تكون عربيتي سحبها ممتاز ذات رفاهية عالية و اوبشنز كتييييييييييييرة اوي و طبعا قطع الغيار تكون متوفرة .

غالبا برده هيكون قراري النهائي بعد ما اعرف رأيكم و في نفس الوقت اروح لاحد معارض و كلاء نيسان و اتفرج علي الاتنين علي طبيعة و ان شاء الله الموضوع ده هيكون في ظرف اسبوع او اتنين لاني مسافر حاليا خارج القاهرة و لما ارجع هاروح بس هو اي الوكلاء افضل من وجهة نظركم برده ؟
انا كنت ناوي برده علي الليفينا بس للاسف مفيش نصيب لاني تمنها اصبح 125000 و الميزانية لا تسمح خصوصا لاني العربية باذن الله سيتم شرائها قسط من بنك الوطني للتنمية اللي اخونا الفاضل حسين عامل عنه موضوع ممتاز في القسم هنا

" علي فكرة يا حسين انا كنت اتصلت بيك من فترة طوييييييييييييييلة اوي و سألتك عن حاجات كتير و انت جاوبتني باستفاضة في موضوع البنك الوطني للتنمية ربنا يجزيك خير " فاكرني ولا نسيتني ؟؟؟

و في النهاية تقبلوني اخ جديد بينكم و عقبال ما اكون نيسناوي قريبا باذن الله

**Sehsss** · 28-11-2011 07:49 PM

طبعا النيسان صني عربية محترمة جدا، بس طبعا التيدا أفضل في كل حاجة (ارتفاع عن الأرض ووسع داخلي وموتور قوي وهادىء في نفس الوقت، أوبشن محترم) يعني بتتفوق على الصني في كل حاجة ماعدا الثبات في صالح الصني، وربنا يوفقك للخير

**BlackEagle1985** · 28-11-2011 08:50 PM

المشاركة الأصلية كتبت بواسطة sehsss

طبعا النيسان صني عربية محترمة جدا، بس طبعا التيدا أفضل في كل حاجة (ارتفاع عن الأرض ووسع داخلي وموتور قوي وهادىء في نفس الوقت، أوبشن محترم) يعني بتتفوق على الصني في كل حاجة ماعدا الثبات في صالح الصني، وربنا يوفقك للخير

بالطبع موضوع الثبات ده مهم جدا لاني من النوع اللي بيحب يجري هو صحيح هاحاول مجريش علي الطرق السريعة و خصوصا و انا معايا الاسرة بس برده الامر ما يسلمش

باذن الله القرار النهائي هيكون لما اتفرج علي الاتنين علي الطبيعة

**BlackEagle1985** · 28-11-2011 08:54 PM

المشاركة الأصلية كتبت بواسطة sameh_oo7

شرفتنا يا باشا واهلا بيك معانا فى قسم نيسان وبالتوفيق ان شاء الله

وتحياتى ليك

التحية و كل التقدير لك اخي الكريم
انا من سكان الهرم و زيارة لمصر الجديدة خصوصا اليومين الاحنا فيهم دول صعبة شوية فممكن مؤقتا اتفرج باذن الله في فرع شارع سوريا لاوتو ايجيبت او فرع المساحة الدقي لمودرن موتورز و شكرا علي اهتمامك و ردك علي استفساري

**Sehsss** · 28-11-2011 09:29 PM

المشاركة الأصلية كتبت بواسطة BlackEagle1985

بالطبع موضوع الثبات ده مهم جدا لاني من النوع اللي بيحب يجري هو صحيح هاحاول مجريش علي الطرق السريعة و خصوصا و انا معايا الاسرة بس برده الامر ما يسلمش

باذن الله القرار النهائي هيكون لما اتفرج علي الاتنين علي الطبيعة

أنا معاك فعلا إن الصني ثباتها رائع وأنا مجربه لأنها معايا، بس مش معنى كده إن التيدا ثباتها سيء لا هي كويسة جدا لحد 140 وأعتقد انت مش محتاج أكثر من كده في مصرنا المحروسة، وكمان التيدا الهاتش باك ثباتها أعلى من السيدان، ونورت قسم نيسان يا باشا:E_braces[1]:

**Dr'AhmZZong** · 28-11-2011 09:59 PM

أنا ارشح لحضرتك النيسان صني .. أولا عشان هتوفر فلوس كتير مش اقل من 15 ألف .. شكل أحلى من التيدا و ياسلام لو كانت بالفاميه اللي هي سوبر صالون high line .. عربية ثابتة جدا على الطريق معاك لحد 180 ثبات تحفة .. عفشة خدمة شاقة تستحمل أي حاجة في البلد ديه . عفشة التيدا انعم بكتير وده بيقلل من ثبتها .. تكييف روعة .. على قد العدد اللي حضرتك عيزوا .. فرامل ولا اروع أحسن من فرامل التيدا 100000000000000 مرة وعن تجربة شخصية لأني معايا العربيتين ... كاسيت بيرموت فيه USB .. التسارع بتاعها تحفة بس التيدا تكسب فالنقطة ديه .. سحب البنزين التيدا تكسب بس بيفرق قليل اويييييييي ..

من الآخِر يعني لو عايز عربية حمالة قاسية .. صني
لو عايز عربية تدلع بيها .. تيدا

**SonaSteel** · 28-11-2011 10:58 PM

المشاركة الأصلية كتبت بواسطة blackeagle1985

السلام عليكم و رحمة الله و بركاته
انا عارف انه موضوع مقرر و فيه ناس ممكن تقولي اقرا كويس المواضيع اللي بالقسم بس انا قريت كتير جدا و وصلت لصفحات متقدمة جدا بالقسم و مع ذلك مش قادر اخد قرار نهائي
بصراحة علشان ماطولش عليكم مع اني عندي كلام كتييييييييييييير اوي جوايا لاني واحد من الناس بدور علي عربية من اكتر من عشر شهور :i_angr1[1]:
كنت حابب البيرسونا جدا بس للاسف ربنا يسامح و يهدي توكيل البروتون قلقني منها جدا و قررت اصرف نظر عنها و لاني بحب العربيات الياباني جدا لاني طبيعة شغلي خلتني اتعامل مع سيفيك و مازدا و كورولا و كلهم عربيات ممتازة بس السيفيك ليها معزة خاصة عندي.
فبعد بحث فترة برده مش قليلة و قراءة مواضيع كتيرة بمنتدي نيسان ربنا هداني للتفكير في حاجة من اتنين اما نيسان صني 2012 سوبر صالون او تيدا اوتوماتك اول فئة باذن الله اللي ثمنها علي مواقع الانترنت دلوقتي حوالي 115 الف
ممكن اعرف ارائكم من واقع اللي جرب العربيتين علما باني اسرتي مكونة من 3 افراد العبد لله و طفل و زوجة بفضل الله و حابب تكون عربيتي سحبها ممتاز ذات رفاهية عالية و اوبشنز كتييييييييييييرة اوي و طبعا قطع الغيار تكون متوفرة .

غالبا برده هيكون قراري النهائي بعد ما اعرف رأيكم و في نفس الوقت اروح لاحد معارض و كلاء نيسان و اتفرج علي الاتنين علي طبيعة و ان شاء الله الموضوع ده هيكون في ظرف اسبوع او اتنين لاني مسافر حاليا خارج القاهرة و لما ارجع هاروح بس هو اي الوكلاء افضل من وجهة نظركم برده ؟
انا كنت ناوي برده علي الليفينا بس للاسف مفيش نصيب لاني تمنها اصبح 125000 و الميزانية لا تسمح خصوصا لاني العربية باذن الله سيتم شرائها قسط من بنك الوطني للتنمية اللي اخونا الفاضل حسين عامل عنه موضوع ممتاز في القسم هنا

" علي فكرة يا حسين انا كنت اتصلت بيك من فترة طوييييييييييييييلة اوي و سألتك عن حاجات كتير و انت جاوبتني باستفاضة في موضوع البنك الوطني للتنمية ربنا يجزيك خير " فاكرني ولا نسيتني ؟؟؟:e_braces[1]:

و في النهاية تقبلوني اخ جديد بينكم و عقبال ما اكون نيسناوي قريبا باذن الله

وعليكم السلام ورحمة الله وبركاته
اهلا وسهلا بيك أخي الكريم ... ربنا يبارك فيك وفي اسرتك يارب العالمين
وان شاء الله تستلم علي خير و نشوفك قريب بإذن الله
ولو عوزت اي حاجة من البنك الوطني كلمني واجي معاك او اكلمك حد في فرع مدينة نصر او روكسي وان شاء الله خيرا
المهم بالنسبة للمقارنة ..... فهي تيدا طبعا بلاشك
لحاجات كتيييييييييييير اوووي يمكن مش كل الناس شايفاها او مش مهمة لبعض الناس بس كتكنولوجيا وفرق سعر بسيط بس هتاخد ادامه تقفيل وامكانيات و امان لابأس به
التيدا ماتورها قوي جدا ..وفتيسها عزمه ممتاز والكيك داون بتاعها رائع ماشاء الله وهاتحسسك انها بتسحب فعلا .... انا جربت اوتو الصني واتو التيدا ... لا فيه فرق الصراحة.
الشكل اجدد من الصني .. شكل التابلوه اشيك من الصني .... واسعه جدا طبعا .... عاليه وقاعدتها مريحة ماشاء الله بكل ما تعنيه الكلمة..... فرق اسعار قطع الغيار مش كبير
الثبات حلو مش وحش ومفيش حتت تجري فيها وتوصل لاكتر من 100 جوه البلد وبره البلد اعتقد مش هاتعوز اكتر من 160
وعفشتها محترمة وتستحمل وانعم سنة بسيطة من الصني .... عربية ممتازة ماشاء الله
واقعد في ديه واقعد في ديه وشوف انت مستريح لأيه
ومتنساش الاستخارة وربنا ييسرلك كل خير يارب العالمين