الموضوع: كيف يتم تصنيف السيارات؟؟

المشاركة الأصلية كتبت بواسطة sonaserry

و اللهى انا شايف اننا هنا فى مصر اللى بيحدد الموضوع ده فعلا هوه السعر
عشان اى واحد لما يجى يجيب عربية بيسأل انا معايا فى حدود مبلغ معين و يبدأ يشوف ايه الحجات اللى فى السعر ده اللى يجيبوا ديه أول خطوة
و طبعا كل ماركة عربية بيبقى معروف ترتيب الفئات فيها مثلا هيونداى
بيكون الفيرنا و بعدين الأكسنت و بعدين الألنترا و بعدين السوناتا و كل وحده فيهم ليها حدود سعر معينة و بتكون نازله بكماليات معينة بحيث تنزل بسعر معين تقدر تنافس بيه عربيات معينه من شركة تانية
ده اللى بيحدد الفئة من وجهة نظرى
زى الجيتا و الفانتزيا و السيفيك دولت فئة بينافسوا مع بعض و ايه اللى خلهام نفس الفئة طبعا عشان السعر ان الفئات ديه أقرب لبعض فى السعر و نزلين عشان ينفسوا بعض فى السعر ده

مهو عشان كدة الشركات اللى بتعمل عربيات زبالة بتاكل على قفانا عيش... لان اللى بيشترى بيقارن فلوسة بالمعروض فى السوق و مش بيحدد اصلا هو عايز ايه من الاول

يعنى اللى معاه 100 الف جنية ممكن يلاقى متاح ليه عربية هاتشباك و عربية سيدان و عربية كوبية و عربية 4x4 و مصنع عربيات صينى... و اللى بيشترى بيبقى محتار يختار ايه ولا ايه مع ان العربيات اللى بيختار منها ملهاش اى علاقة ببعض... يعنى الهاتشباك حاجة و السيدان حاجة و الكوبية حاجة و ال4x4 حاجة و المفروض اصلا الاختيار يبقى واضح نتيجة الاختلاف الكبير بين العربيات و بعضها

هنا اللى بيشترى مختارش فئة معينة ولا كان فى دماغة اصلا حاجة معينة انما اشترى اكبر و اكتر كماليات ممكن يشتريها بفلوسة و عشان كدة بيشترى اسواء quality

اللى بيشترى صح بيحدد الاول هو عايز يشترى ايه...يعنى عربية سيدان ولا كوبية ولا هاتش باك و كدة و بعدها بيشوف ايه المتاح فى الفئة دى... انما اللى بيبقى محتار بين عربيات ملهاش علاقة ببعض بيبقى مش عارف اصلا هو عايز ايه

MMamdouh