ده عيب اسكتره و لا طرمبة الباور

**ashrfsalama** · 28-11-2011 09:21 PM

لو سمحتو انا معى بى ان موديل 92 راكب عليها من سنه موتور m43 قبل ما اشتريها مباشرة ولاحظت ان فيه صوت زنه اثناء السير بيخف اثناء ما اكون واقف و الف الطارة و يعلى لما اسيبها حتى و انا واقف ولكنه مش ملحوظ اوى اثناء السير وكمان لاحظت ان زيت الباور الاحمر بينقص و كل ما اقف الاقى نقتين زيت مكان وقوفى و بزود زيت الباور كل اسبعين او ثلاثه شويه مش كتير فهل هناك مشكلة كبيرة وما هو مكان العيب و ما هو الحل و لكم جزيل الشكر

**sheko_2000eg** · 29-11-2011 12:29 AM

عاندك مشكلة في اسكرتست الزيت
شوف مكنيكي نضيف يزبطهالك و انشاء الله متغيرهاش

**maskeen** · 29-11-2011 12:55 PM

انا مش عارف ايه هى الاسكترا دى؟ ممكن حد يفهمهالى ولو عنده صوره يبقى كتر خيره

**ashrfsalama** · 30-11-2011 06:23 PM

ممكن التوضيح اكثر لو سمحت لانى من دمياط و مضمنش يكون الميكانيكيه عندنا لهم خبرة كبيرة فى البى ام و لسيادتكم جزيل الشكر

**JUVENTUS** · 30-11-2011 06:52 PM

زيت الباور بينقص من الاسكترا و لما بيقل فا بتسمع صوت الزنه دي
الاسكترا با ختصار عباره عن جزء بيكون راكب في العربيه من تحت و بيكون واصل دركسيون العربيه بفردتين الكاوتش الي قدام عشان لما تيجي تلف يمين او شمال
بالنسبه لتصليحها فالميكانيكي مش هواللي بيصلحها انما بتروح لحد بتاع باور هو اللي بيصلحها
عموما وريها لميكانيكي كويس و هو هيقولك تتصرف ازاي و ممكن يوديك لحد يعملها

**JUVENTUS** · 02-12-2011 10:17 PM

المشاركة الأصلية كتبت بواسطة ashrfsalama

الف شكر على التوضيح و هل لو انا استنيت فترة بدون الذهاب للميكانيكى ولكن متابعها بالزيت حتى تسمح ظرف عملى هل لهذا ضرر كبير او يضر شىء اخر فى السيارة ولكم جزيل الشكر

لو الاسكترا عامله ترشيح زيت على المقصات ممكن الزيت يبوظ الجلب بتاعت المقص انما لو مفيش حاجه على المقص يبقى خلاص خد بالك بس من الزيت دايما و متخليهوش ينقص عشان ترمبه الباور متبوظش
و في كل الحالات يستحسن تعملها في اسرع وقت