الموضوع: معروض عليا فيستا 99 اريد النصيحة ضروري

المشاركة الأصلية كتبت بواسطة ahmedbadr_99

معروض عليا عربية فورد فيستا فابريقة دواخل-ج الكماليات-اول يد-استعمال سيدة-لون ابيض-66 الف كيلو
وصاحبها طالب 28 الف
1- السيارة 1300 موتور endure - e ايه نظام الموتور ده انجكشن ولا كربراتير ومشاكله كتير وصعب في تصبيحه ولا سهل وظريف

الموتور ده انجكشن 60 حصان و ادائه كويس ومشاكله مش كتير لو محافظ على العربية و تصليحه سهل لو متخصص فورد وصعب لو اى ميكانيكى وفيه كتير اوى متخصصين فورد فى مصر فتصليحها ان شاء الله سهل

2- قطع غيار العربية دي موجوده جديد واستيراد والا هاركنها واقعد ادور عليها بالشهور وهل غاليه جدا ولا في المعقول

الله يخربيت الاشاعات اللى طالعة على الفورد فى حتة قطع الغيار هركن العربية والله قطع الغيار موجودة وفيه منها انواع واشكال والقطع الاصلية غالية بس معمرة ومتعتبرش غالية بالمقارنة مع الهوندا والاوبل وفيه من قطع غيارها تركى وكده واسعارها بتبقى اقل بس اكيد مش بجودة الاصلى اللى لما تركبه بتنساه " انا بكلمك عن تجاربى مع نفس العربية بنفس الموتور"

3- شكرا وارجو سرعه الرد

4- عايز ميكانيكي فورد شاطر يكشف علي العربية قريب من مصر الجديدة ومدينة نصر

والله مش عارف بس ان شاء الله هنا الاعضاء يفيدوك

5- وهل يوجد بها حساسات كتير ولا بسيطة وبنت ناس

لا العربية معقدة نوعا ما كعادة الانجكشن بس المتخصص اللى هيصلحها هتبقى بالنسبة له سهلة


والله العربية ممتازة لو حالتها حلوة بس الاهم من كده انك تكون حابب تركب فورد وتشوف كل حاجة عنها هتناسبك ولا لأ وان شاء الله ربنا يقدملك ما فيه الخير

http://www.nilemotors.net/Nile/177966-a.html