+1 وابعد سعرها مش مطمئن
عرض للطباعة
السعر قليل شوية
بس عموما
صوت الفتيس اعتقد انه مش مقلق لأن العربية دي بجد فتيسها زكي لأبعد مما تتخيل ، انت اكيد كبست عليها ففهمت انك عايز تحرق وتسوق بطريقة رياضية فحرقت علي الغيار
لكن الي يقصده الزميل meika هو انك ماتحسش بالغيار وانها تكون بتنقل بشكل منتظم مع الأر بي ام يعني مش تحرق علي غيار وتهدي علي غيار
قطع غيارها فيها الغالي بشكل خيالي وفيها الرخيص بشكل خيالي
موفرة نوعا ما لو قارنتها بمثيلتها ال2000 سي سي
ثبات غير عادي الله اكبر
برستيج عالي
فخمة ومريحة وواسعة جدا جدا سواء في الشنطة او في الصالون
هتحس فرق ينسيك اللانوس وهيخليك تتغاضي عن اي فرق في السعر
توكل علي الله
والله المستعان
،
،
يا تجيب عربية نمرة واحد يا بلاش عشان ممتعبش
برضوا للمرة التانية
عربيتك اصيله
و مريحاك
خليها
هى بصراحة سعرها قليل شوية بس ممكن تكشف عليها كويس ولو عجباك وحالتها ممتازة هاتها.....
إنما فعلا لو مش حالة كويسة هتندم انك سبت عربيتك مع إن الفرق كبييييييييييييير بين الدايو والأوبل طبعاً لصالح الأوبل ....الأوبل ركوبة بشواتى بس مش اللى بيبيع ويشترى وشغل التجار ده مينفعش مع الأوبل...والله قطع غيارها بالنسبة لعربيات كتير مش غالية عندك اللانسر والسيفيك والرينو ...وقطع معمرة فعلاً الأصلية
وربنا يوفقك للاختيار الأنسب ليك:_Alshmokh22[1]:
بص الراجل دا محترم وبيتكلم معاك بمنتهل امانة ودى حاجة عجبانى فية
انت ليك الاختيار لو انت هتصرف على الاوبل هتتعقد وهتتبهدل جدااااااااااا وهتكره اليوم الى جبت فية العربية
لو الحالة هتمشيك سنتين او 3 من غير مصاريف يبقى تمام
يعنى بنزينك وزيتك بس يبقى تمام اوى اوى شوف البطارية والكاوتش كمان والرخصة
وخلى عفشجى تمام يقلبلك العفشاة
اهم حاجة من دا كلة الفتيس يامعلم والماكينة عشان دول لو تعبانيين
هتتبهدك بهدلة مش تمام اعمل حسابك على .3000 الى 5000 عشان تقدر تسد معاهم
كلام معقول
بس مش ممكن انها تمشى سنتين من غير مصاريف
انا لحد دلوقتى بجد محتار
كل الناس الى بسألهم على الاوبل بيخوفونى منها جدا وواحد صاحبى كان معاه اوبل فيكترا بس 96 قالى اياك واوعى تفكر تشتريها هتسحلك وهطلع عينك دا غير امبير الحرارة الى هيلعب معاك والعربية مشكلتها فى السخونه ولو حصل اى حاجه فى الموتور هترمية وتجيب غيره علطووووول ده غير دا غير الجلب الى بتضرب كلها فى الحر ، دا طبعا كلام صاحبى الى كان معاه الاوبل 96
اما بقا بالنسبة للعربية الى انا بفكر اشتريها ، بالصدفه قابلت ميكانيكى العربية دى راحتله قبل كده وعمل فيها شغل وقالى هى عربية بره وجوه وسليمه والموتور الى فيها لسه متسقطلها eco tec ، وهو 2200 سى سى ومثبوت فى الرخصه 2000 سى سى ، وقالى بس العربية دى فتحة الكبوت فيها بـــ 1000 جنية علطول دا بجانب صاحب المعرض الى هو عارض العربية قالى عاوزه تتراجع على كهربتها وعفشتها والغريب انه لما عرف انى قريب واحد صاحبة قالى انا ممكن اخلصلك العربية دى ليك بــ 41000 وعلى فكرة انا لما سألت على سعرها محدش استغرب ولا حاجه بالعكس قالولى ممكن تنزل عن كده كمان لان قطع غيرها غالية ناااااااااااااااار
فما رايكم ؟؟؟؟؟؟
وشكرا جزيلا
العربية اللي معاك احسن بكتير من الاوبل اللي قدامك
انا لو مكان حضرتك ابعد عن الاوبل دي لانها هتكرهك في العربيات كلها لان اعطال اللانوس جنبها صفر على الشمال
والله اعلى واعلم
الصينى البلاستيك بتقضى الغرض وبتسد نفس الحرامية لانها جديدة ب5 جنيه هيبيعها هو بكام!!!!!!!!!!
الكوبى 100\100 يا دكتور