الدايو ولا الاوبل محتاج رايكم ولا خاب من استشار

**lancerevolution** · 01-12-2011 01:27 PM

العربية 97 يعنى المكنة السودا و دى حساستها أقل شوية و بتبقى أسهل فى الصيانة
بالنسبة للبنزين فا انا معرفش ظروفها
لو بتسافر كتير هتبقى أحلى من اللانوس و الأوتوماتيك هديها ميزة
بالنسبة لقطع الغيار فهى موجودة بس غاليو سنتين عن الدايو بس فى حاجات دايو بتمشى معاها زى فلتر الزيت و فلتر البنزين
طبعا مش أى حد بيشتغل فيها عشان مش مريحة فى الشغل شوية و الحوض بيبقى زحمة و لازم العربية تبرد الأول فا صنايعية كتير ما بيحوش يشتغلوا فيها عشان كدا
التكيف بتاعها غلس فى صيانته جدا و فى فكه و تركيبه بس كويس و لو شغال تمام هيظبطك قوى
بالنسبة للعفشة فا لو عايزة تربيط و خلاص هتبقى كويسة هى حاجاتها غالية شوية بس الأصلى بيعيش و بيعيش جامد كمان يعنى لو جبت الأصلى هتركبه و هتنساه نهائى
و ربنا يوفقك و يكرمك و بردوا ما تبعش الانوس قبل ما تتأكد إنك عايز الأوبل وتكون إشتريت الأوبل و إتأكد من إنها هى دى العربية الى انت عايزها

**sunsonson** · 01-12-2011 01:33 PM

عن تجربه : الدايو كويسه بس انا لما ركبتها بعد الاوبل حسيت بفرق كبير جدا الاوبل عربيه والدايو لانوس جمبها تكتك وخد بالك لو ركبت الالماني وخصوصا الاوبل مش هتعرف تركب عربيه تانيه الا الالماني

**vip6** · 02-12-2011 01:54 PM

بسم الله ما شاء الله

شوفوا العربية جميله ازاى

ودى صورة امامية لها

ليا حق بقا اعجب بالعربية ولا لاء

وبرغم ذلك كل الناس مخوفانى من الاوبل وغلاء صيانتها وندرتها وغلاء قطع غيارها

واسمع رايكم

**medo111** · 02-12-2011 04:00 PM

علي فكره في عربيات احلي منها بكتير وفي نفس سعرها لو ناوي علي اوبل صدقني متستعجلش ومتوقفش دماغك علي عربيه معينه وانزل السوق ودور كويس واكشف عليها في مركز صيانه محترم عشان متكرهش العربيه واهم حاجه اعمل صلاه استخاره بس بعد ما تحط عربيه في دماغك وربنا هيوفقك ان شاء الله وبردو خد بالك فعلا لو ركبت الماني مش هتفكر في غيرو وكمان دي فيكترا عربيه قادره

**rompo10** · 02-12-2011 05:34 PM

ياباشا العربيه النظيفه صاحبها بيطلب فيها انا كان معايا 98 فيها كا ما تتخيله من كماليات وكانت نظيفه جدا والله بايعها ب 63000 اوعي تسترخص في الالماني وبعدين اللي مخلي العربيه حلوه الجنظ ودا ب 2000 بسيطه اوي يعني

**vip6** · 02-12-2011 11:25 PM

طيب هل يعيب العربية لما يكون متسقطلها موتور ؟
وهل الموتور 2200 سى سى هيفرق معايا جامد بالمقارنة بالدايو الـــ 1500 سى سى فى استهلاك البنزين ؟
طيب فى حالة لو الى هيعاينوا العربية استقروا ان العربية سليمه وتمام بس عاوزه تربيط عفشه وتشيك على الكهربا بس اخلص ولا ايه الكلام ؟؟؟؟

وشكرا جزيلا

**alnmr79** · 03-12-2011 12:38 PM

طبعا يا باشا العربية لو سليمة وبالسعر دة انتى الكسبان

**forget** · 03-12-2011 04:25 PM

المشاركة الأصلية كتبت بواسطة alnmr79

طبعا يا باشا العربية لو سليمة وبالسعر دة انتى الكسبان

فعلا لو العربية نضيفة وسليمة من بره وجوه وبالسعر ده يبقى انت بجد ربنا بيحبك وهتتمتع بركوب العربية ...وربنا يباركلك

**vip6** · 03-12-2011 04:39 PM

طيب هل يعيب العربية لما يكون متسقطلها موتور ؟
وهل الموتور 2200 سى سى هيفرق معايا جامد بالمقارنة بالدايو الـــ 1500 سى سى فى استهلاك البنزين ؟

الأحمر للمداخلات الإدارية فقط
يرجى مراجعه ذلك
مشرف القسم 4ب

**alnmr79** · 03-12-2011 06:37 PM

هو من ناحية هيفرق طبعا هيفرق خاصة جوا البلد بس فى السفر مش هتحس بفرق كبير
بس مقابل شوية البنزين الزيادة انتا راكب وحش سرعة وقوة وثبات ورفاهية والاكتر الامااااااااااااااااااااا ااااااان اللى مش موجود فى الكورى