عربيتى خرجت بره ضمان التوكيل وعربيتى محتاجه شغل اعمل ايه شغل افيدونى

**emadm** · 29-11-2011 05:21 PM

انا معايا لوجان 2009 من يومين روحت التوكيل اعمل الصيانه 35000 المهندس قالى محتاج طنبوره دينمو وسير دينمو وبعد مااتركبوا فؤجئت انى خرجت بره الضمان وعملت مشكله كبيره وقابلت مدير فرع المقطم قالى ان العربيه طلعلها جواب المرور 10/2008 وبكده يكون انتهى 3 سنين الضمان والتكلفه تقريبا 1000 ج طبعا رفضت واخدت عربيتى وانا بلعن رينو وتوكيلها بس المشكله دلوقتى انا عاوز اركب الحاجه دى بره ومش عارف اى معلومات عن اى صناعيه او بتوع قطع الغيار فرجاء من رجاله اللوجان الافاده اعمل ايه مع التوكيل ده ولو عملت الحاجه دى بره اعملها فين ووتكلف كام وسؤال كمان اكمل معاهم الصيانه باسعرهم الخرافيه دى ولا اعملها مع نفسى بره

**cheetos_892005** · 30-11-2011 08:36 AM

معلش ....انزل صقر قريش هناك هتلاقي متخصصين رينو كتير

وعندهم قطع غيار جديدة و استيراد

او روح فرينش موتورز او اسال العقيد خالد

مش هتغلب يعني ان شاء الله

**cheetos_892005** · 30-11-2011 08:40 AM

المصطفى للرينو 0122784231

اتصل بيه وشوف كده هو عنده قطع غيار كمان و قولنا عملت ايه

**samehbakr** · 30-11-2011 11:24 AM

وكمان في محلات قطع غيار رينو في شارع عين شمس و شارع دمشق و كمان في 2 ميكانيكية جنب بتوع القطع غيار متخفش مش حوار يعني و لو انت سامن نحاية فيصل اسأل بعد شارع المطبعة على عثمان بتاع رينو دة مركز صيانة رينو محترمين جدا

**emadm** · 30-11-2011 11:49 AM

انا ساكن فى المعادى بس هى التكلفه كام تقريبا

**RenaultMotors** · 30-11-2011 04:44 PM

ايه ياعم زعلان كده ليه خد عندك رقم الاستاذ احمد الوشاحى 01002425262 فى اسكندرية تقدر تقول عليه لوجانى نمرة واحد كل قطع الغيار للوجان الاصلية الموجودة فى التوكيل هتلاقيها عنده وارخص وموجود كمان قطع غيار مش اصلية يابانى بس ممتازة برده ورخيصة بس فى حاجة محيرانى ازاى جايبها 10/2008 ولسه 35000 كم دا يدوب تلاقيك بتنزل تعدلها فى الشارع كل يوم وما بتمشيش ههههههههههههه ماتزعلش انا عايز اضحكك

**karimnet** · 04-12-2011 07:14 PM

رومانى ولا مغربى ؟

**egyptiandiver** · 04-12-2011 07:49 PM

مش هتغلب ان شاء الله. ولا يهمك يا مان بلا توكيل بلا ... ولا بلاش. طالما في قطع غيار أصلي برة و رجالة فهم برا في الصيانة كمان يبئة مفيش مشكلة إنشاء الله