Re: مفاجأت صيانة الألف !!
اقتباس:
المشاركة الأصلية كتبت بواسطة محمد المرسي
وخلال إنتظارى لعمل الصيانة قلت أخد جولة وأشوف الأنسة بسمة اللى كلمها الأستاذ بايو .. علشان أعرفها أن فيه ناس من المنتدى موجودة وبتسأل وكانت المفاجأة الأولى أنها سابت الشغل من أسبوع ولما حبيت أسأل على موضوع المنتدى وكأنى محدش يعرف حاجة والكل قالى روح لمدير المركز .. روحت لمدير المركز د.م.شوقى نصير ومكدبتش خبر ورحت قايل له على اللى حصل مع الأنسة بسمة فكان جوابة المفاجأة الثانية أن الأنسة بسمة عاملة تليفون وليس فى يديها أى شئ ...
يا داهية دوقي يا داهيه دوقي يا داهيه دوقي
طبلت على دماغك يا "بايوو" ... أشتريت التروماي يا "بايوو" ... ماكانش يومك يا "بايوو" ... أنضحك عليك يا "بايوو" ... ومن مين موظفه في شركة أبو الفتوح ياشماتة أبله ظاظا فيا .... حسبي الله ونعم الوكيل
انا جاتللي هيسترية ضحك .... لا .... انا جاتللي نوبة صرع ... لا لا ... أنا حاسس أني أسماعيل ياسين في فيلم العتبة الخضرا
بقى بعد ما عملت فيها "عنتر بن شداد" وعملت فيها فاتح الاندلس "طارق بن زياد" وعملت فيها العفريت إللي بحاول يساعد الناس أخد الخازوق ده من شركة أبو الفتوح ومن موظفينه ياااااااااااااااااااااه خبطه جامده قوي عليا !!!!!!!!!!!!!!!!!!!
================================================== =============================
هاتكلم جد بقى عشان أوضح حاجه مهمه جدا
شوفوا يا جماعه
الشغل مش عيب أبدا ابدا وأنا والله لو باشتغل عامل نظافه هاقولها لكل البشر وأنا كلي فخر بعملي
لكن أنسة بسمه مع احترامي لها كذبت عليه وعليكم وعلى الجميع (وكنت أعتقد أن الكذب يكون من أصحاب الشركات الغشاشه فقط وماكنتش أعرف أن العدوى منتشره كده في الشركات الغشاشه دي)
أنسة بسمه لما كلمتها قالت لي أنها مسئولة العلاقات العامه بالشركة وهذا الفرع بالتحديد (وكان ذلك تليفونيا) وكلما اتصل ويرد علي أحد غيرها لا أتحدث معه أحتراما لها ولوعدها لي بان تتباع الأمر خصوصا بعد أن أرسلت لها القائمة الخاصة بأعضاء الرابطه
بصراحة يا جماعه انا متضايق فعلا من الكذب والغش واحترامي بينعدم لأي غشاش وكذاب وعشان كده أن بعتذر لكم جميعا عن كل ما قمت به في الأتجاه الخاطئ وأرجو أن لا أكون قد أضعت وقتكم الثمين في الموضوعات السابقة بالأنسة بسمة مسئولة العلاقات العامه بشركة أبو الفتوح
وأستأذنكم في أن أقوم بحذف الموضوعات التي بشرتكم فيها بالفرج القريب
وللا أقول لكم أنا هاشيل التثبيت عنهم بدل ما أحذفهم عشان بصراحة أنا برضه تعبت في الموضوعات دي ودفعت فلوس مكالمات يجي بـ 7 جنيه كده
أضغط هنا عشان تتفرج على فيلم "العتبة الخضراء" بطولة "بايوو ياسين" و "زينات صدقي"